JavaScript is not available.

Click here to read in English


ന്യൂഡല്‍ഹി: കോവിഡ് ബാധിച്ച് മരണപ്പെട്ടവരുടെ കുടുംബാംഗങ്ങള്‍ക്ക് അര ലക്ഷം രൂപ നഷ്ടപരിഹാരം നല്‍കുമെന്ന് കേന്ദ്ര സര്‍ക്കാര്‍. ഇത് സംബന്ധിച്ച ദേശീയ ദുരന്ത നിവാരണ അതോറിറ്റി തയ്യാറാക്കിയ മാര്‍ഗ്ഗരേഖ കേന്ദ്രം  സുപ്രീംകോടതിക്ക് കൈമാറി.  തുക സംസ്ഥാന ദുരന്ത നിവാരണ ഫണ്ടില്‍നിന്ന് നല്‍കണം . സംസ്ഥാന ദുരന്ത നിവാരണ ഫണ്ടിൽ 75 % കേന്ദ്ര ഫണ്ടും 25 % സംസ്ഥാന ഫണ്ടും ആണ്  .

 കേരളത്തിൽ ഇതുവരെ ഇരുപതിനാലായിരം പേരാണ് കോവിഡ് വന്നു മരിച്ചത് അവർക്കു കൊടുക്കാനുള്ള  ഫണ്ട് കേരളത്തിന്റെ ദുരന്ത നിവാരണ ഫണ്ടിൽ   ഉണ്ട് എന്ന് മുഖ്യ മന്ത്രി പിണറായി വിജയൻ ഇന്നലെ വാർത്ത സമ്മേളനത്തിൽ അറിയിച്ചു. 
     
     24000 പേർക്ക് 50000 രൂപ എന്ന കണക്കിൽ  120 കോടി രൂപയാണ് വേണ്ടതു , ഇപ്പോൾ 410 കോടിയോളം രൂപ ദുരന്ത നിവാരണ ഫണ്ടിൽ ഉണ്ട് . കൂടാതെ കോവിഡ് വാക്‌സിനേഷൻ ചലഞ്ചിൽനിന്നു  കിട്ടിയ 900 കോടിയിൽ 12  കോടി വാക്‌സിൻ വാങ്ങാനും ബാക്കി തുകയിൽനിന്നു 312 കോടി കോവിഡ് അനുബന്ധ ചിലവുകൾക്കും എടുത്തു ബാക്കി 576 കോടി ഉണ്ട് താനും . അതിനാൽ കേരളത്തിൽ പൈസ കൊടുക്കാൻ ബുദ്ധിമുട്ടു ഉണ്ടാവില്ല എന്നാണ് നിഗമനം .         

കേന്ദ്ര ആരോഗ്യ മന്ത്രാലയവും ഐസിഎംആറും പുറത്തിറക്കിയ മാര്‍ഗ്ഗരേഖ പ്രകാരം കോവിഡ് കാരണം മരണം എന്ന് രേഖപെടുത്തിയ മരണങ്ങള്‍ക്ക് മാത്രമേ സഹായം ലഭിക്കൂ. കോവിഡ് പ്രതിരോധ പ്രവര്‍ത്തനത്തിന്റെ ഭാഗമായി മരണപ്പെട്ടവര്‍ക്കും നഷ്ടപരിഹാരത്തിന് അര്‍ഹതയുണ്ട്. ഭാവിയില്‍ ഉണ്ടായേക്കാവുന്ന കോവിഡ് മരണങ്ങള്‍ക്കും ഈ മാര്‍ഗരേഖ പ്രകാരം നഷ്ടപരിഹാരം നല്‍കും

കോവിഡ് ബാധിച്ച് മരിച്ചവരുടെ ബന്ധുക്കള്‍ക്ക് ദേശീയ ദുരന്ത നിവാരണ നിയമ പ്രകാരം സാമ്പത്തിക സഹായത്തിന് അര്‍ഹതയുണ്ടെന്ന് സുപ്രീം കോടതി നേരത്തെ വ്യക്തമാക്കിയിരുന്നു. ഇതിന്റെ അടിസ്ഥാനത്തിലാണ് സാമ്പത്തിക സഹായം നല്‍കുന്നതിനുള്ള മാര്‍ഗ്ഗരേഖ ദേശീയ ദുരന്ത നിവാരണ അതോറിറ്റി തയ്യാറാക്കിയത്. 

സംസ്ഥാന ദുരന്ത നിവാരണ ഫണ്ടില്‍ നിന്നാണ് സഹായം നല്‍കുന്നതിനുള്ള തുക വിതരണം ചെയ്യേണ്ടത്. സംസ്ഥാന അതോറിറ്റി തയ്യാറാക്കിയ ഫോമിലാണ് അപേക്ഷ സമര്‍പ്പിക്കേണ്ടത്. അപേക്ഷ ജില്ലാ ദുരന്ത നിവാരണ ആതോറിറ്റി പരിശോധിക്കും. അപേക്ഷ ലഭിച്ച് മുപ്പത് ദിവസത്തിനുള്ളില്‍ തീരുമാനം എടുക്കണമെന്നും മാര്‍ഗ്ഗ രേഖയില്‍ വ്യക്തമാക്കിയിട്ടുണ്ട്. 

സാമ്പത്തിക സഹായം ആധാറുമായി ബന്ധിപ്പിച്ചിട്ടുള്ള ബാങ്ക് അകൗണ്ടില്‍ ക്രെഡിറ്റ് ചെയ്യും. മരണ സര്‍ട്ടിഫിക്കറ്റില്‍ കോവിഡ് എന്ന് രേഘപെടുത്താത്തതില്‍ തര്‍ക്കമുണ്ടെങ്കില്‍ അക്കാര്യം പരിശോധിക്കാന്‍ ജില്ലാ തലത്തില്‍ സമിതി രൂപീകരിക്കണമെന്നും മാര്‍ഗ്ഗ രേഖയില്‍ നിര്‍ദേശിച്ചിട്ടുണ്ട്. അഡീഷണല്‍ ജില്ലാ കളക്ടര്‍, ചീഫ് മെഡിക്കല്‍ ഓഫീസര്‍ തുടങ്ങിയവര്‍ അടങ്ങുന്നതാണ് സമിതി. സമിതിയുടെ കണ്ടെത്തല്‍ പരാതിക്കാരന് അനുകൂലമല്ലെങ്കില്‍ കൃത്യമായ കാരണം പരാതിക്കാരനെ ബോധിപ്പിക്കണമെന്നും മാര്‍ഗ്ഗരേഖയില്‍ പറയുന്നു.