JavaScript is not available.

ജയപാലന് രണ്ടു ദിവസം മുൻപ് അടിച്ച അയ്യായിരം രൂപയുടെ ടിക്കറ്റ് തുകയിൽ നിന്നാണ് പന്ത്രണ്ടു കോടിക്ക് അര്‍ഹനാക്കിയ ടിക്കറ്റ് വാങ്ങിയത് . സ്ഥിരമായി ഭാഗ്യപരീക്ഷണം നടത്തുന്നയാളാണ് ജയപാലന്‍.സമ്മാനമടിച്ച അയ്യായിരം രൂപയുടെ ടിക്കറ്റ് മാറാനാണ് മീനാക്ഷി ലോട്ടറി ഏജന്‍സിയിലെത്തിയത്. അവിടെ വെച്ച് നമ്പര്‍ കണ്ട് ഇഷ്ടപ്പെട്ട് എടുത്ത ടിക്കറ്റുകളിലൊന്ന് ജയപാലനെ കോടിപതിയുമാക്കി.

ബി.ജെ.പി. മരട് ഏരിയ കമ്മിറ്റി അംഗവും ഹിന്ദു ഐക്യവേദിയുടെ ചുമതലയും ഉണ്ടായിരുന്ന     ജയപാലന്‍ പ്രധാനമന്ത്രി നരേന്ദ്ര മോദിയുടെ ജന്മദിനാശംസയുടെ ഫ്‌ലക്‌സ്‌ െവയ്ക്കുന്നതിനായി  രാത്രി വൈകിയും ബി.ജെ.പി. പ്രവര്‍ത്തകര്‍ക്കൊപ്പമുണ്ടായിരുന്നു. അപ്പോളാണ് പ്രധാനമന്ത്രിയെ ഒരുനോക്കു കാണാൻ ഉള്ള ആഗ്രഹവും പ്രകടിപ്പിച്ചത്  . പിന്നീട് ഞായറാഴ്ച വൈകിട്ട്   ആളുകൾ ലോട്ടറി ടിക്കറ്റിന്റെ ട്രോളുകളെ പറ്റി ചർച്ച ചെയ്തപ്പോളും താനാണ് ടിക്കറ്റ് കൈയിലുള്ള യഥാർത്ഥ ഭാഗ്യവാൻ എന്ന് ആരോടും പറഞ്ഞില്ല എന്ന് മാത്രം അല്ല മുഖത്തു ഒട്ടും ഭാവ വ്യത്യാസം ഇല്ലാതെ ആ തമാശകളിൽ  പങ്കുചേരുകയും  ചെയ്തു . 

കടമില്ലാത ജീവിക്കണം എന്നതു മാത്രമാണ് ജയപാലന്റെ മോഹം. 25 വര്‍ഷമായി മരട് ആലുങ്കല്‍ പരീത് മുക്കിലാണ് ഓട്ടോ ഓടിക്കുന്നത്. മരട് സര്‍വീസ് സഹകരണ ബാങ്കില്‍നിന്ന് നാല് വര്‍ഷം മുമ്പ് എട്ട് ലക്ഷം രൂപ വായ്പയെടുത്ത് നിര്‍മിച്ച വീട്ടിലാണ് ഇപ്പോള്‍ താമസിക്കുന്നത്.

തന്റെ കണ്ണടയും മുമ്പ് വീടിന്റെ കടം തീര്‍ത്ത് ജയപാലനും കുടുംബവും സമാധാനമായുറങ്ങുന്നത് കാണണമെന്നതായിരുന്നു ആഗ്രഹമെന്ന് ജയപാലന്റെ മാതാവ് 94 വയസ്സുള്ള വയസ്സുള്ള ലക്ഷ്മി പറഞ്ഞു. ഫലം വന്നപ്പോഴേ ഭാഗ്യം പടികയറി എത്തിയെന്ന് മനസ്സിലായി. ഇതേ സമയം സാമൂഹിക മാധ്യമങ്ങളിലും മറ്റും ബമ്പറടിച്ചവര്‍ പല സ്ഥലങ്ങളില്‍നിന്ന് പ്രത്യക്ഷപ്പെട്ടപ്പോള്‍ അമ്പരപ്പായി.

എന്തായാലും തിങ്കളാഴ്ച പത്രം നോക്കി ഉറപ്പുവരുത്താമെന്നും അതുവരെ ആരോടും പറയേണ്ടെന്നുമാണ് അച്ഛന്‍ തീരുമാനിച്ചതെന്ന് മൂത്ത മകന്‍ വൈശാഖ് പറഞ്ഞു. 

അതിരാവിലെ എഴുന്നേറ്റ് കുടുംബം മുഴുവനും പത്രം വരുന്നതും കാത്തിരുന്നു. പത്രം ൈകയില്‍ കിട്ടിയ ഉടനെ ഫലം നോക്കി ഉറപ്പിച്ച ശേഷം വൈകാതെ ബാങ്കില്‍ പോയി ടിക്കറ്റ് ഏല്‍പ്പിച്ച് നടപടികള്‍ പൂര്‍ത്തിയാക്കി. ജയപാലന്റെ ഭാര്യ മണിയാകട്ടെ പതിവുപോലെ തൂപ്പുജോലിക്കായി ചോറ്റാനിക്കര പടിയാര്‍ മെമ്മോറിയല്‍ ഹോമിയോ മെഡിക്കല്‍ കോളേജിലേക്ക് പോയി. വൈകീട്ടോടെ നാട് മുഴുവന്‍ വിവരങ്ങളറിഞ്ഞു. പരിചയക്കാരും പരിചയമില്ലാത്തവരുമൊക്കെ അഭിനന്ദനങ്ങളുമായെത്തി. അപ്പോളും ജയപാലനും കുടുബവും സാധാരണ പോലെ ആണ് കാണപ്പെട്ടത്  മാധ്യമ പ്രവര്‍ത്തകര്‍ വീട്ടിലെത്തിയുള്ള തത്സമയ ദൃശ്യങ്ങള്‍ ജോലിസ്ഥലത്തിരുന്ന് ടി.വി.യിലൂടെയാണ് മണി കണ്ടത്. 

വിനയത്തിന്റെയും എളിമയുടെയും പ്രതീകമാണ് ജയപാലൻ എന്ന് സിപിഎം ലോക്കൽ കമ്മിറ്റി   മെമ്പർ പറഞ്ഞു , രാത്രിയും പകലും ഏതു സാഹചര്യത്തിലും മുൻ പിൻ നോക്കാതെ ആര് വിളിച്ചാലും ഓടിയെത്തുന്ന  ജയപാലൻ ചേട്ടൻറെ പ്രവർത്തിക്കുള്ള അംഗീകാരമാണ് ഈ ബമ്പർ സമ്മാനത്തിലൂടെ കിട്ടിയത് എന്ന് നാട്ടുകാർ അഭിപ്രായപ്പെട്ടു . നാട്ടിൽ എന്തുണ്ടായാലും മത രാഷ്ട്രീയം നോക്കാതെ സഹകരിക്കുകയും മുന്നിൽ നിന്ന് പ്രവർത്തിക്കുകയും ചെയുന്ന ആളാണ് ജയപാലൻ .