JavaScript is not available.

 യുകെയെ മറികടന്ന് ഇന്ത്യ ലോകത്തിലെ അഞ്ചാമത്തെ വലിയ സമ്പദ്‌വ്യവസ്ഥയായി മാറിയെന്ന് ബ്ലൂംബെർഗ് വെള്ളിയാഴ്ച റിപ്പോർട്ട് ചെയ്തു. 2021 ലെ അവസാന മൂന്ന് മാസങ്ങളിൽ ഇന്ത്യ യുകെയെ മറികടന്ന് അഞ്ചാമത്തെ വലിയ സമ്പദ്‌വ്യവസ്ഥയായി മാറി, 2019 ൽ ഇത് ചെയ്തതിന് ശേഷം യുകെയെ രണ്ടാം തവണ ആറാം സ്ഥാനത്തേക്ക് തള്ളി ലോകത്തെ വമ്പൻസാമ്പത്തിക ശക്തികളുടെ കൂട്ടത്തിൽ അഞ്ചാം സ്ഥാനം കരസ്ഥമാക്കി ഇന്ത്യ. നിലവിൽ ഇന്ത്യയ്ക്ക് മുൻ നിരയിലുള്ളത് അമേരിക്ക, ചൈന, ജപ്പാൻ, ജർമനി എന്നീ രാജ്യങ്ങൾ മാത്രമാണ്. ബ്രിട്ടനെ പിന്നിലാക്കി കൊണ്ടാണ് ഇന്ത്യയുടെ കുതിപ്പ്. പട്ടികയിൽ ആറാം സ്ഥാനമാണ്‌ ബ്രിട്ടനുള്ളത്.

10 വർഷം (2014  നു മുൻപ്  ) മുൻപ് ഇന്ത്യ ഈ പട്ടികയിൽ 11-ാമതായിരുന്നു, ബ്രിട്ടൻ അഞ്ചാമതും. ജീവിതച്ചെലവ് ക്രമാതീതമായി ഉയർന്നതാണ് ബ്രിട്ടനെ പിന്നിലാക്കിയത്. 2021ലെ അവസാന മൂന്നുമാസങ്ങളിലെ പ്രകടനം ഇന്ത്യക്ക് തുണയായി. മോദി സർക്കാർ വന്ന  ശേശം സ്വീകരിച്ച പല നയങ്ങളും എക്സ്പോര്ട് കൂട്ടിയതും മെയ്ക് ഇൻ ഇന്ത്യയുടേയും സ്റ്റാർട്ടപ്പ് ഇന്ത്യയുടേയും ഭാഗമായി ധാരാളം വ്യവസായങ്ങൾക്ക് സാമ്പത്തികമായി നൽകിയ സഹായങ്ങളും മറ്റു പല ഇളവുകളും  ആണ് ഇന്ത്യയുടെ  സാമ്പത്തിക ഭദ്രത മികച്ചതാക്കി   ലോക റാങ്കിങ്ങിൽ ബ്രിട്ടനെ പിന്തള്ളി  അഞ്ചാമത്തെ സ്ഥാനത്തു എത്താൻ സഹായകമായത് എന്ന് വിലയിരുത്തുന്നു . 

റിപ്പോർട്ട് അനുസരിച്ച്, മാർച്ച് വരെയുള്ള പാദത്തിൽ ഇന്ത്യൻ സമ്പദ്‌വ്യവസ്ഥയുടെ 'നാമമാത്ര' പണത്തിന്റെ വലുപ്പം ( The size of the Indian economy in 'nominal' cash terms )  854.7 ബില്യൺ ഡോളറും യുകെ 816 ബില്യൺ ഡോളറുമാണ്.   ഡോളർ അടിസ്ഥാനമാക്കിയാണ് റാങ്കുപട്ടിക ചിട്ടപ്പെടുത്തുന്നത്.

അന്താരാഷ്ട്രനാണ്യനിധിയിൽനിന്നുള്ള ജിഡിപി കണക്കുകൾ പരിശോധിക്കുമ്പോള്‌‌‍ ആദ്യ പാദത്തിലും ഇന്ത്യ മികവു തുടർന്നിട്ടുണ്ട്. ഇന്ത്യൻ സമ്പദ്‌വ്യവസ്ഥ പ്രതിവർഷം 13.5 ശതമാനം വളർച്ച നേടിയ ആദ്യ പാദത്തിലെ ജിഡിപി ഡാറ്റ സർക്കാർ പുറത്തുവിട്ട് രണ്ട് ദിവസത്തിന് ശേഷമാണ് റിപ്പോർട്ട് വരുന്നത്. ഈ സംഖ്യ ആർബിഐ പ്രവചിച്ചതിനേക്കാൾ അല്പം കുറവാണെങ്കിലും, വികസ്വര രാജ്യങ്ങളിൽ വളർച്ചാ നിരക്ക് ഇപ്പോഴും ഉയർന്നതാണ്. ഈ സാമ്പത്തിക വർഷം ഇന്ത്യ 7 ശതമാനം വളർച്ച കൈവരിക്കുമെന്ന് പ്രതീക്ഷിക്കുന്നു. രാജ്യത്തെ ഓഹരിസൂചികകളിലുണ്ടായ മുന്നേറ്റം ഇന്ത്യക്ക് ​ഗുണംചെയ്യും.

തിങ്കളാഴ്ച്ച   ബ്രിട്ടന്റെ പുതിയ പ്രധാനമന്ത്രി ആരാകും എന്നത് ഏറെ കുറെ അറിയാം അതോടെ ബ്രിട്ടന്റെ കാര്യങ്ങൾ ഏകദേശം തീരുമാനം ആകും . ഋഷി സുനാക്കാന് വരുന്നത് എങ്കിൽ സാമ്പത്തിക നില ഭദ്രമാക്കാനും വിലക്കയറ്റം തടയാനും ഉള്ള നടപടി കൊണ്ട് വരും എന്നും ലിസ് ട്രസ് ആണ് വരുന്നത് എങ്കിൽ ടാക്സ് കുറക്കാൻ ഉള്ള കാര്യങ്ങൾ ചെയ്യും എന്നും പറയുന്നു . ടാക്സ് കുറിക്കുന്നത് ബ്രിട്ടന്റെ മുന്നോട്ടുള്ള പോക്കിനെ കാര്യമായി ബാധിക്കും എന്ന് തന്നെ ആണ് വിദക്തർ പറയുന്നത് . റഷ്യ യുക്രൈൻ യുദ്ധത്തിന് ശേഷം പല തരത്തിലും ബുദ്ധിമുട്ടുകൾ നേരിടുന്ന ബ്രിട്ടന് അത് താങ്ങാവുന്നതിലും അധികമാകും എന്ന് തന്നെ ആണ് വിലയിരുത്തൽ . 

Indian EconomyPhoto Credit : Siju Kuriyedam Sreekumar

India has secured the fifth position in the list of major economic powers, leaving Britain behind.