JavaScript is not available.

ബംഗളൂരു: അണക്കെട്ടിന്റെ മതിലിൽ വലിഞ്ഞ് കയറി സാഹസ പ്രകടനം നടത്താൻ ശ്രമിച്ച യുവാവിന് വീണ് പരിക്ക്. 30 അടിയോളം ഉയരത്തിൽ നിന്ന് വീണ യുവാവിന് ഗുരുതര പരിക്കേറ്റു. ഇയാളെ ചികിത്സയ്ക്കായി ബംഗളൂരുവിലെ ആശുപത്രിയിൽ പ്രവേശിപ്പിച്ചിരിക്കുകയാണ്.

ചിക്കബല്ലാപ്പൂർ ജില്ലയിലെ ശ്രീനിവാസ സാഗര അണക്കെട്ടിന്റെ മതിൽ കയറാൻ ശ്രമിക്കുന്നതിനിടെയായിരുന്നു അപകടം. ഗൗരിബിദാനൂർ താലൂക്ക് സ്വദേശിയാണ് യുവാവ്. സംഭവത്തിന്റെ വീഡിയോ സോഷ്യൽ മീഡിയകളിൽ വൈറലായിരിക്കുകയാണ്.

മൊബൈൽ ക്യാമറയിൽ പതിഞ്ഞ വീഡിയോയിൽ യുവാവ് ശ്രീനിവാസ സാഗര അണക്കെട്ടിന്റെ മതിൽ കയറുന്നത് കാണാം. എന്നാൽ, അണക്കെട്ടിന്റെ ഭിത്തി പാതി കയറിയ ശേഷം എതിർദിശയിൽ നിന്നുള്ള വെള്ളത്തിന്റെ ശക്തിയിൽ ബാലൻസ് നഷ്ടപ്പെട്ട് വീഴുകയായിരുന്നു. സമീപത്തുണ്ടായിരുന്നവർ ഭയന്ന് നിലവിളിക്കുന്നത് വീഡിയോയിൽ കേൾക്കാം.

യുവാവ് മതിലിൽ കയറുന്നത് നാട്ടുകാർ തടഞ്ഞെങ്കിലും അത് കേൾക്കാൻ തയ്യാറായില്ലെന്നും റിപ്പോർട്ടുകളുണ്ട്. ശ്രീനിവാസസാഗര അണക്കെട്ടിന്റെ ഭിത്തിയിൽ കയറരുതെന്ന് പ്രാദേശിക ഭരണകൂടത്തിന്റെ നിർദേശം അവഗണിച്ചാണ് യുവാക്കൾ മതിൽ കയറുന്നത്.

നിയന്ത്രണങ്ങൾ അവഗണിച്ച് അണക്കെട്ടിന്റെ ഭിത്തി കയറിയതിന് യുവാവിനെതിരെ പൊലീസ് കേസെടുത്തു. ഇനി ഇത്തരം സംഭവങ്ങൾ ആവർത്തിക്കുകയോ വിനോദസഞ്ചാര കേന്ദ്രത്തിൽ സാഹസികതയ്ക്ക് ശ്രമിക്കുകയോ ചെയ്താൽ അവരിൽ നിന്ന് കനത്ത പിഴ ചുമത്തുമെന്നും പ്രാദേശിക ഭരണകൂടം മുന്നറിയിപ്പ് നൽകി.

Despite pleases from bystanders-a youth tried to scale the wall of Srinavasa Sagara dam in #Chikkaballapur #Karnataka resulting in falling from 30 feet of the slippery dam wall. After climbing over half way he lost balance and fell. He has been rushed to #Bengaluru for treatment pic.twitter.com/NX9Gqcxygj

— Imran Khan (@KeypadGuerilla) May 23, 2022

Young man climbs the dam wall; At the end of the adventure he fell down and was seriously injured

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു