JavaScript is not available.

കാലടി സ്വദേശിയായ വീട്ടമ്മ ഓൺലൈൻ സൈറ്റ് വഴി 790 രൂപ നൽകി ബാംഗ്ലൂരിലേക്ക് ട്രെയിൻ ബുക്ക് ചെയ്തു. ബുക്ക് ചെയ്ത തീയതിക്ക് യാത്ര ചെയ്യാൻ സാധിക്കാത്തതു കൊണ്ട് ടിക്കറ്റ് ക്യാൻസൽ ചെയ്യുകയായിരുന്നു. പണം തിരികെ അക്കൗണ്ടിൽ വരാത്തതിനാൽ ഗൂഗിളിൽ കസ്റ്റമർ കെയർ നമ്പർ പരതി ആദ്യം കിട്ടിയ നമ്പറിൽ വിളിച്ചു. ഓൺലൈൻ തട്ടിപ്പ് സംഘത്തിൻറെ നമ്പർ ആയിരുന്നു അത്. ഒരു സ്ത്രീയാണ് മറുതലയ്ക്കൽ ഫോണെടുത്തത്. മാന്യമായ സംസാരം. പണം തിരികെ അയക്കാനായി എ.ടി.എം കാർഡിന്‍റെ ഇരുവശവും ഫോട്ടോ എടുത്ത് അയക്കാൻ അവർ  ആവശ്യപ്പെട്ടു. വീട്ടമ്മ ഉടൻ തന്നെ അയക്കുകയും ചെയ്തു. അധികം വൈകാതെ വീട്ടമ്മയുടെ അക്കൗണ്ടിലുണ്ടായ പതിനേഴായിരത്തോളം രൂപ രണ്ടു പ്രാവശ്യമായി തൂത്തു പെറുക്കി തട്ടിപ്പു സംഘം കൊണ്ടുപോയി.

ചതി മനസ്സിലാക്കിയ ഉടൻ വീട്ടമ്മ പോലീസിനെ സമീപിച്ചു, തുടർന്ന് സൈബർ പോലീസ് സ്റ്റേഷനിൽ പ്രത്യേക ടീം രൂപീകരിച്ച് അന്വേഷണം നടത്തി. തട്ടിപ്പ് സംഘം പ്രമുഖമായ രണ്ട് ഒൺലൈൻ വാലറ്റുകളിലേക്കാണ് പണം ട്രാൻസ്ഫർ ചെയ്തതെന്ന് അന്വേഷണ സംഘം കണ്ടെത്തി. ഉടനെ ഇടപാട് ഫണ്ട് മരവിപ്പിക്കുകയും കമ്പനികളുമായി ബന്ധപ്പെട്ട് പണം തിരികെ ലഭിക്കാനുളള നടപടി സ്വീകരിക്കുകയുമായിരുന്നു. 

അന്വേഷണ സംഘത്തിൽ എസ്.എച്ച്.ഒ എം.ബി ലത്തീഫ്, ഐനീഷ്സാബു, ജെറികുര്യാക്കോസ്, വികാസ് മണി തുടങ്ങിയവരാണ് ഉണ്ടായിരുന്നത്. 
ഗൂഗിളിൽ തിരഞ്ഞ് കിട്ടുന്ന കസ്റ്റമർ കെയർ നമ്പറുകളിൽ നല്ലൊരു പങ്കും തട്ടിപ്പ് സംഘങ്ങളുടെതായിരിക്കും. അതുകൊണ്ട് ഒഫീഷ്യൽ വെബ്സൈറ്റുകളിൽ നിന്നും മാത്രം നമ്പർ ശേഖരിക്കുകയും, യാതൊരു കാരണവശാലും എടിഎം കാർഡ് വിവരങ്ങൾ നൽകാതിരിക്കുകയും ചെയ്യുക.

Ernakulam Rural District Cyber ​​Police recovered money  lost by a housewife

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു