JavaScript is not available.

പാലോട്: സ്വകാര്യ ബസുകൾ മിനിമം ചാർജ് വർധിപ്പിച്ചിട്ട് പത്ത് ദിവസം കഴിഞ്ഞു. എന്നാൽ നിരക്ക് വർദ്ധന നടപ്പിലായി ഇത്രയും ദിവസം കഴിഞ്ഞിട്ടും പഴയ നിരക്കിൽ തന്നെ ഓടുകയാണ് കല്ലറ പാലോട് നെടുമങ്ങാട് റൂട്ടിൽ സർവീസ് നടത്തുന്ന അനന്തപുരി എന്ന സ്വകാര്യ ബസ്. നഷ്ടം വന്നാലും തന്റെ ബസുകൾ എട്ടു രൂപാ നിരക്കിൽ ഓടിയാൽ മതി എന്ന ഉടമ അനൂപ് ചന്ദ്രന്റെ തീരുമാനമാണ് ഇതിന് പിന്നിൽ.

ഡീസൽ സബ്‌സിഡി നൽകാത്ത സർക്കാരിന്റെ നിലപാടിൽ പ്രതിഷേധിച്ചും അതിലുപരി തന്നെ അങ്ങേയറ്റം ദ്രോഹിച്ച മോട്ടർ വെഹിക്കിൾ വകുപ്പിനോടുള്ള പ്രതിഷേധവും, ഒപ്പം ജനസേവന മനസ്സുമുണ്ട് അനൂപിന്റെ ഈ തീരുമാനത്തിന് പിന്നിൽ. പെർമിറ്റ് അനുവദിച്ചു കിട്ടാത്തതിലും നിരന്തരം മോട്ടർ വകുപ്പിന്റെ പീഡനം മൂലവും കിലോയ്ക്കു 20 രൂപ നിരക്കിൽ തൂക്കി വിൽക്കാൻ വരെ അടുത്തിടെ അനൂപ് തന്റെ ബസിൽ ബോർഡ് വച്ചു. ഒൻപതു ബസ് ഉള്ള അനൂപ്ചന്ദ്രന്റെ അഞ്ചു ബസുകൾ ഇപ്പോൾ ഓടുന്നു. മറ്റുള്ളവയ്ക്ക് പെർമിറ്റ് നൽകുന്നില്ല.

തന്റെ ബസിലെ ഭൂരിഭാഗം ജീവനക്കാരും കെഎസ്ആർടിസിൽ നിന്ന് ജോലി നഷ്ടപ്പെട്ടവരാണെന്നും പഴയ നിരക്കിൽ ഓടുന്നതു കൊണ്ടു കൂടുതൽ യാത്രക്കാർ ഈ വാഹനത്തിൽ കയറുന്നുണ്ടെന്നും നിരക്ക് വർധിപ്പിക്കാൻ ആഗ്രഹിക്കുന്നില്ലെന്നും അതിന്റെ പേരിൽ എന്തു നടപടി എടുത്താലും തനിക്കു പ്രശ്‌നമില്ലെന്നും അനൂപ് ചന്ദ്രൻ പറയുന്നു.

Anathapuri bus owner anoop chandran is role model 

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു   https://www.facebook.com/VISUM-Expresso-LLP-101011348734582
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു  https://twitter.com/VisumExpresso