JavaScript is not available.

എം ജി യൂണിവേഴ്സിറ്റിയുടെ ബി എ മ്യൂസിക്കിൽ ഒന്നാം റാങ്ക് കരസ്ഥമാക്കിയത് ഡൽഹിയിൽ  ശ്രീനിവാസ് പുരിയിൽ താമസിക്കുന്ന  ശ്രീ. പുരുഷോത്തമ പണിക്കരുടെയും,  റാം മനോഹർലോഹ്യാ  മെഡിക്കൽ കോളേജ് സീനിയർ നഴ്സിങ് ഓഫീസറായ ശ്രീമതി. ഷൈലജ പുരുഷോത്തമന്റെയും മകളായ ശ്രേയ പുരുഷോത്തമനാണ് . ശ്രേയ കുട്ടികാലം മുതൽ മ്യൂസിക്കിൽ താല്പര്യം ഉള്ള കുട്ടി ആയിരുന്നു . മ്യൂസികിലുള്ള താല്പര്യം കാരണമാണ് പ്ലസ് ടു കഴിഞ്ഞ ശേഷം  മഹാത്മാ ഗാന്ധി സർവകലാശാലയുടെ കീഴിലുള്ള എറണാകുളം ജില്ലയിലെ തൃപ്പുണിത്തുറ   ആർ  എൽ  വി   ഗവ :മ്യൂസിക്  കോളേജിൽ  ( RLV  Gov Music college Trippunnithura ) ബി എ മ്യൂസിക്കിന് ചേർന്ന് പഠിച്ചത് . 

കുമാരി ശ്രേയ ഡൽഹിയിലെ ശ്രീനാരായണ ഗുരുദേവ  ജയന്തിയാഘോഷ പരിപാടികളിലും, സമാധിദിനാചരണങ്ങളിലും, ദൈവദശകം ആലപിച്ചുകൊണ്ട് നിറസാന്നിധ്യമായിരുന്നു . കൂടാതെ പല സംഗീത മത്സരങ്ങളിലും പരിപാടികളിലും തന്റെ പ്രഗല്‌ഭ്യം തെളിച്ചിരുന്നു . ശ്രേയയുടെ അച്ഛൻ ശ്രീ. പുരുഷോത്തമ പണിക്കർ  എസ്എൻഡിപി യോഗം ഡൽഹി യൂണിയൻ 5291 നമ്പർ ശ്രീനിവാസ് പുരി ശാഖാ പ്രസിഡണ്ട് ആണ് .  കേരളത്തിൽ ആലപ്പുഴ ജില്ലയിൽ സൗത്ത് ആര്യാട്  അവലോകുന്നിൽ    കുളക്കാട്ടുവെളിയിൽ     കുടുംബാംഗമായ  ശ്രേയ സ്വാതന്ത്രസേനാനി കുളക്കാട്ടുവെളിയിൽ  വി  പണിക്കരുടെ കൊച്ചുമകളാണ്  . മാതാപിതാക്കളുടെ പൂർണമായ സപ്പോർട്ടും ദൈവദശക ആലാപനത്തിനും  കഠിനാധ്വാനത്തിനും കിട്ടിയ  അംഗീകാരമാണ് ഈ ഒന്നാം റാങ്ക് എന്ന് ശ്രേയ പറഞ്ഞു .

MG University BA Music 1st Rank to Shreya Purushothaman