JavaScript is not available.

പാലക്കാട് തരൂരിലെ ബി.ജെ.പി പ്രവർത്തകന്റെ കൊലപാതകക്കേസിൽ ഒരാൾക്കൂടി കീഴടങ്ങി. ഡിവൈഎഫ്ഐ പഴമ്പാലക്കോട് മേഖലാ കമ്മിറ്റിയംഗമായ മിഥുനാണ് ആലത്തൂർ സ്റ്റേഷനിൽ കീഴടങ്ങിയത്. ഇതോടെ കേസിൽ അറസ്റ്റിലായവരുടെ എണ്ണം ഏഴായി. ആറു സിപിഎം പ്രവർത്തകർ നേരത്തെ പിടിയിലായിരുന്നു.ഡി.വൈ.എഫ്.ഐ യൂണിറ്റ് സെക്രട്ടറി യാണ് മിഥുൻ. സമുദായ ക്ഷേത്രത്തിലെ ഉത്സവത്തിനിടെയുണ്ടായ സംഘർഷത്തിലാണ് ബി.ജെ.പി പ്രവർത്തകൻ അരുൺകുമാറിന് പരിക്കേറ്റത്.

മാർച്ച് 2നു വൈകിട്ട് പഴമ്പാലക്കോട് വടക്കേപാവടി മാരിയമ്മൻ ക്ഷേത്രത്തിലെ പൊങ്കൽ ഉത്സവത്തോടനുബന്ധിച്ചു സത്യകുംഭം പുഴയിൽ ഒഴുക്കാൻ പോകുന്നതിനിടെയായിരുന്നു സംഘർഷം. രണ്ടു വിഭാഗങ്ങൾ തമ്മിൽ തർക്കമുണ്ടായപ്പോൾ പൊലീസ് ഇടപെട്ടു ലാത്തി വീശി ഇവരെ പറഞ്ഞുവിട്ടു.

പിന്നീട് ചടങ്ങുകൾക്കു ശേഷം മടങ്ങുമ്പോഴാണു വീണ്ടും സംഘർഷമുണ്ടായതും അരുൺകുമാറിനു കുത്തേറ്റതും. ആന്തരികാവയവങ്ങൾക്കു മുറിവേറ്റതു മൂലം മാർച്ച് 11നു വൈകിട്ടു മരിച്ചു.

എട്ട് ദിവസത്തോളം ​ഗുരുതരാവസ്ഥയിൽ ആശുപത്രിയിൽ കഴിഞ്ഞ ശേഷമാണ് മരണം സംഭവിച്ചത്. അരുൺ കുമാറിൻ്റെ മരണത്തിനിടയാക്കിയത് പേനാക്കത്തിപോലെ മൂർച്ചയേറിയ ആയുധം കൊണ്ടുള്ള കുത്താണെന്നാണ് പോസ്റ്റ്മോർട്ടം പരിശോധനയുടെ പ്രാഥമിക കണ്ടെത്തൽ. ഹൃദയത്തിനാണ് കുത്തേറ്റത്. തലച്ചോറിലേക്കുള്ള രക്തപ്രവാഹം തടസ്സെപ്പെട്ടെന്നും പോസ്റ്റ്മോർട്ടത്തിൽ കണ്ടെത്തിയിരുന്നു.മാർച്ച് രണ്ടിനാണ് ക്ഷേത്രാത്സവത്തെത്തുടർന്നുണ്ടായ തർക്കത്തിനൊടുവിൽ അരുണിന് കുത്തേറ്റത്. കൊലപാതകത്തിന് പിന്നിൽ സി.പി.എമ്മാണെന്ന് ആരോപിച്ച ബി.ജെ.പി ആലത്തൂർ താലൂക്കിൽ ഹർത്താൽ ആചരിച്ചിരുന്നു. 


 Murder of Yuvamorcha Leader , DYFI Leader Surrendered

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു