രാജധാനി എക്സ്പ്രസിൽ വച്ച് അന്താരാഷ്ട്ര യോഗാ ദിനം ആചാരിച്ച് മലയാളി കുരുന്നുകൾ വീഡിയോ കാണാം

BREAKING NEWS

അമ്പും വില്ലും എടുക്കാതെ മൂർച്ചയേറിയ വാക്കുമായി വേടനും അതിൽ വിറളിപിടിച്ചു വേടനെതിരെ ആയുധവുമായി നാട്ടിലെ രാജാക്കന്മാരുടെ കാടൻമാരും.
അറബി നാട്ടിലെ മൃഗീയ പീഡനത്തിനും യാതനകൾക്കും ഇടയിലെ അതിജീവനത്തിൻ്റെ കഥ പറയുന്ന ആടുജീവിതം റിവ്യൂ ബോംബിങ്ങിനെ അതിജീവിച്ചു മുന്നേറുബോൾ അതിലെ ചില കാണാപ്പുറങ്ങൾ പറയാം
അമ്പും വില്ലും എടുക്കാതെ മൂർച്ചയേറിയ വാക്കുമായി വേടനും അതിൽ വിറളിപിടിച്ചു വേടനെതിരെ ആയുധവുമായി നാട്ടിലെ രാജാക്കന്മാരുടെ കാടൻമാരും.
അറബി നാട്ടിലെ മൃഗീയ പീഡനത്തിനും യാതനകൾക്കും ഇടയിലെ അതിജീവനത്തിൻ്റെ കഥ പറയുന്ന ആടുജീവിതം റിവ്യൂ ബോംബിങ്ങിനെ അതിജീവിച്ചു മുന്നേറുബോൾ അതിലെ ചില കാണാപ്പുറങ്ങൾ പറയാം

Delhi

Home / News/ Delhi

International yoga day inside Rajadhani trainPhoto Credit : Video Screengrab

രാജധാനി എക്സ്പ്രസിൽ വച്ച് അന്താരാഷ്ട്ര യോഗാ ദിനം ആചാരിച്ച് മലയാളി കുരുന്നുകൾ വീഡിയോ കാണാം

By - Siju Kuriyedam Sreekumar -- Wednesday, June 22, 2022 , 11:51 PM

യോഗ ശീലമാക്കുന്നത് ശരീരത്തിനും മനസിനും ഉണർവേകും . എന്നും മുടങ്ങാതെ ചെയ്യുക എന്നതും എല്ലാവര്ക്കും പലപ്പോഴും പറ്റാറില്ല . എന്നാൽ യാത്രയിൽ പോലും മുടങ്ങാതെ യോഗ ചെയുന്നവർ ഉണ്ട് എന്ന് കേൾക്കുമ്പോൾ അത്ഭുതം തോന്നാം . അതും വ്യത്യസ്തമായി തങ്ങളുടെ ട്രെയിൻ യാത്രയിൽ ചിട്ടയോടുകൂടി ചെയുന്ന ഒരു കൂട്ടം കുരുന്നുകളെയും അവരുടെ അധ്യാപകരെയും പരിചയപ്പെടാം .

അന്താരാഷ്ട്ര യോഗാദിനത്തോട് അനുബന്ധിച്ചു ജൂൺ 18,19,20 തീയതികളിൽ എൻ. സി. ഇ. ആർ ടി ( NCERT )യുടെ നേതൃത്വത്തിൽ ഡൽഹിയിൽ നടന്ന നാഷണൽ യോഗ ഒളിമ്പിയാഡിൽ കേരളത്തെ പ്രതിനിതീകരിച്ചു പങ്കെടുക്കാൻ പോയ കുട്ടികളും അധ്യാപകരും ആണ് ഇവർ . കേരളത്തിൽ നിന്ന് പതിനാറു കുട്ടികളാണ് പങ്കെടുത്തത് അതിൽ എട്ടു പേർക്ക് സ്വർണം കിട്ടി . കേരളത്തിനും അതുപോലെ തന്നെ ഇതിൽ പങ്കെടുത്ത കുട്ടികൾക്കും ട്രെയിനിങ് കൊടുത്ത യോഗ അദ്ധ്യാപകർക്കും രക്ഷിതാക്കൾക്കും ഒരുപോലെ അഭിമാനിക്കാം .

ദേശീയ യോഗ ഒളിമ്പ്യാഡിൽ മിന്നുന്ന വിജയം നേടി മടങ്ങി വരുന്ന കേരള ടീം ആണ് യോഗദിനം വ്യത്യസ്തമായ രീതിയിൽ ആഘോഷിച്ചത് .യോഗ അസോസിയേഷൻ കൊല്ലം ജില്ലാ കമ്മറ്റി അംഗം ആശാ ബിജു സ്വാഗതം പറഞ്ഞു .യോഗ അസോസിയേഷൻ മലപ്പുറം ജില്ലാ പ്രസിഡണ്ട് ആലങ്കോട് സുരേഷ് അധ്യക്ഷത വഹിച്ച ചടങ്ങ് യോഗ ടീച്ചേഴ്സ് അസോസിയേഷൻ സംസ്ഥാന ട്രഷറർ പ്രേമരാജൻ കാന ഉദ്ഘാടനം ചെയ്തു .തുടർന്ന് ട്രെയിനിൽ വച്ച് തന്നെ യോഗ അദ്ധ്യാപിക നേഹ ഹസ്സൻന്റെ നേതൃത്വത്തിൽ കേരളത്തിൻ്റെ പതിനാറ് ദേശീയ താരങ്ങളും മറ്റു അധ്യാപകരും അണിനിരന്ന യോഗപ്രദർശനവും നടത്തി . ട്രയിനിലെ മറ്റു യാത്രക്കാർക്ക് ഇതു ഒരു പുതിയ അനുഭവവും യോഗയെ അടുത്തറിയാൻ ഉള്ള അവസരവും ആയിരുന്നു . യാത്രക്കാർ പലരും കുരുന്നുകളുടെ പ്രകടനം കണ്ടു അവരോടൊപ്പം യോഗ ചെയ്യുകയും ചെയ്തു . നാഷണൽ ചമ്പ്യാന്മാർക്കും അവർക്കു പരിശീലനം കൊടുത്ത അധ്യാപകർക്കും ഒപ്പം യോഗചെയ്യാനായി എന്നത് ഭാഗ്യമായി കരുതുന്നു എന്ന് പല യാത്രക്കാരും പറഞ്ഞു .

"ആരോഗ്യത്തിന് വേണ്ടിയുള്ള നല്ല മാര്‍ഗമാണ് യോഗ. ശരീരത്തെയും മനസിനെയും ആത്മാവിനെയും സന്തുലിതപ്പെടുത്താനും യോഗയ്‌ക്ക് കഴിയും." എന്ന് രാഷ്ട്രപതിയും , "യോഗ പ്രപഞ്ചത്തിനൊട്ടാകെ സമാധാനം നല്‍കുന്നു. പ്രപഞ്ചം മുഴുവനും ആരംഭിക്കുന്നത് നമ്മുടെ ശരീരത്തില്‍ നിന്നും ആത്മാവില്‍ നിന്നുമാണ്. അതായത് പ്രപഞ്ചം ആരംഭിക്കുന്നത് നമ്മില്‍ നിന്നാണ്. നമ്മുടെ ഉള്ളിലുള്ള എല്ലാ കാര്യങ്ങളെയും കുറിച്ച് യോഗ നമ്മെ ബോധവാന്മാരാക്കുകയും അവബോധം വളര്‍ത്തുകയും ചെയ്യുന്നു" എന്ന് പ്രധാനമന്ത്രിയും യോഗദിന സന്ദേശത്തില്‍ വ്യക്തമാക്കിയപോലെ യോഗ ശരീരത്തിനും മനസിനും അതോടൊപ്പം പ്രകൃതിക്കും പ്രപഞ്ചത്തിനും ഒരുപോലെ ഗുണം ചെയ്യും .

നാഷണൽ യോഗ ഒളിമ്പിയാഡ്

നാഷണൽ യോഗ ഒളിമ്പിയാഡ് നടത്തുന്നത് NCERT ആണ് . NCERT യുടെ നിർദേശ പ്രകാരം ഇന്ത്യയിലെ എല്ലാ SCERT കളും അതാതു സംസ്ഥാനങ്ങളിൽനിന്ന് 4 ടീമുകളെ തിരഞ്ഞെടുക്കും . ജൂനിയർ വിഭാഗത്തിൽ 4 പെൺകുട്ടികളും 4 ആൺ കുട്ടികളും , സീനിയർ വിഭാഗത്തിൽ 4 പെൺകുട്ടികളും 4 ആൺ കുട്ടികളും അടങ്ങുന്ന ടീം ആണ് തിരഞ്ഞു എടുക്കുന്നത് . ഓരോ ടീമിലും 4 കുട്ടികൾ വീതം 4 ടീം ആണ് നാഷണൽ ലെവൽ മത്സരത്തിനായി ഓരോ സംസ്ഥാനത്തുനിന്നും ഡൽഹിയിലേക്ക് എത്തുന്നത്

കേരളത്തിലെ ടീം

കേരളത്തിൽ നിന്ന് വന്ന നാലു ടീമിൽ ജൂനിയർ വിഭാഗത്തിൽ ഉള്ള ആൺകുട്ടികളുടെ ടീമിനും സീനിയർ വിഭാഗത്തിൽ ഉള്ള പെൺകുട്ടികളുടെ ടീമിനും ആണ് സ്വർണം കിട്ടിയത് . ഇത് ആദ്യമായാണ് കേരളത്തിന് സ്വർണം കിട്ടുന്നത് ഇതിനു മുൻപ് ബ്രോൺസ് മെഡലാണ് കിട്ടിയിട്ടുള്ളത് .

കേരള ടീമിന് വേണ്ടി സ്വർണം നേടിയ കുട്ടികൾ

രേവതി രാജേഷ് , ശിവഗംഗ ടി കെ , അഭിന എസ് ജെ , അദിഫ പി എന്നിവർ സീനിയർ പെൺകുട്ടികളുടെ വിഭാഗത്തിലെ ടീമിന് വേണ്ടിയും . ശ്രേയസ് എസ് , സ്നേഹിൽ പി , ജിതിൻ കൃഷ്ണ ജെ , ഋഷികേശ് സി എന്നിവർ ജൂനിയർ വിഭാഗത്തിൽ ഉള്ള ആൺകുട്ടികളുടെ ടീമിനും വേണ്ടി സ്വർണം നേടി

മറ്റു ടീമംഗങ്ങൾ

സന്മയാ എസ് നമ്പ്യാർ , വൈഗ ദ്രൗപതി കെ , അനഘ പി , ചന്ദന കെ എന്നിവർ പെൺകുട്ടികളുടെ ജൂനിയർ വിഭാഗത്തിലും . അർജുൻ സി വി , ഡെൽവിൻ സി രാജു , ആദിശ് കെ , സൂരജ് എസ് എന്നിവർ ആൺകുട്ടികളുടെ സീനിയർ വിഭാഗത്തിലും മത്സരിച്ചു .

യോഗ അദ്ധ്യാപകർ

പ്രേമരാജൻ കെ ,ആലംകോട് സുരേഷ് കെ , ആശ ബിജു , നേഹ ഹസ്സൻ