JavaScript is not available.

തൃശൂർ∙തൃശൂരിലെ തിരുവാതിരക്കളി ന്യായീകരിച്ച് സിപിഎം ജില്ലാ സെക്രട്ടറി  എം.എം.വര്‍ഗീസ് .  സിപിഎം തൃശൂരില്‍ നടത്തിയ തിരുവാതിര മാനദണ്ഡം പാലിച്ചെന്നാണ് ജില്ലാ സെക്രെട്ടറിയുടെ ന്യായികരണം  . 80 പേ‍ര്‍മാത്രമാണ് പങ്കെടുത്തത് എന്നും  കോവിഡ് മാനദണ്ഡം ലംഘിച്ചിട്ടില്ലന്നും ജില്ലാ സെക്രട്ടറി വിശദീകരിച്ചു. 

എന്നാൽ എൺപതു പേര് എന്നത് തെറ്റായ കണക്കാണ് എന്നും കുറഞ്ഞത് 200 പേരെങ്കിലും ഉണ്ടായിരുന്നു എന്നും  ആരോപണം ഉണ്ട് . ഭരണത്തിന്റെ ആനുകൂല്യം സിപിഎം മുതലെടുക്കുകയാണ് എന്നും വിമർശനം ഉയർന്നിട്ടുണ്ട് . കോവിഡ് കേരളത്തിൽ ഇത്രയധികം ഉയരുന്ന സാഹചര്യത്തിൽ  കർശനമായ കോവിഡ് മാനദണ്ഡം ഉള്ളപ്പോൾ എന്തിനാണ് ഈ തിരുവാതിര നടത്തുന്നത് എന്നാണ് പാർട്ടിയുടെ ഇടയിലും ഉയരുന്ന ചോദ്യം 


അതേസമയം തൃശൂര്‍ ജില്ലാ സമ്മേളനത്തില്‍ പ്രതിനിധികളുടെ എണ്ണം കുറച്ചു. സമ്മേളനം വെല്‍ച്വലായി സിപിഎം സംസ്ഥാന സെക്രട്ടറി  കോടിയേരി ബാലകൃഷ്ണൻ ഉദ്ഘാടനം ചെയ്യുമെന്ന് എം.എം.വര്‍ഗീസ് അറിയിച്ചു.

21ന് ആരംഭിക്കുന്ന തൃശൂർ ജില്ലാ സമ്മേളനത്തിന്റെ പ്രചാരണാർഥം തെക്കുംകര വെസ്റ്റ് ലോക്കൽ കമ്മിറ്റിയുടെ നേതൃത്വത്തിൽ ഊരോക്കാട് സെന്ററിലെ ഗ്രൗണ്ടിലാണ് വെള്ളിയാഴ്ച വൈകിട്ട് തിരുവാതിരക്കളി നടത്തിയത്.

തിരുവനന്തപുരത്തെ വിവാദം ശമിക്കുംമുൻപേയായിരുന്നു തൃശൂരിലും തിരുവാതിരക്കളി അരങ്ങേറിയത്. നേരത്തേ തയാറാക്കിയ പരിപാടി ആയതിനാൽ തിരുവാതിരക്കളി ഒഴിവാക്കേണ്ട എന്നു  തീരുമാനിക്കുകയായിരുന്നെന്നാണ് വിശദീകരണം. 

CPM Thiruvathirakkali at thrissur