JavaScript is not available.

തിരുവനന്തപുരം: കേരളത്തിൽ ബസ്, ഓട്ടോ, ടാക്സി നിരക്കുകൾ മേയ് ഒന്നു മുതൽ വർധിക്കും. ഗതാഗത മന്ത്രി ആൻ്റണി രാജുവാണ് ഇക്കാര്യം അറിയിച്ചത്. കൊവിഡ് കാലത്ത് സംസ്ഥാനത്ത് ഏർപ്പെടുത്തിയ പ്രത്യേക യാത്രാനിരക്ക് വർധന പിൻവലിച്ചതായും മന്ത്രി പറഞ്ഞു.

ബസ്, ഓട്ടോ, ടാക്സി നിരക്കുകളിൽ മേയ് ഒന്ന് മുതൽ വർധനയുണ്ടാകുമെന്ന് വ്യക്തമാക്കിയെങ്കിലും വിദ്യാർഥികളുടെ യാത്രാനിരക്ക് കൂട്ടുന്നത് സംബന്ധിച്ച് അന്തിമ തീരുമാനം ഉണ്ടായിട്ടില്ലെന്ന സൂചനയാണ് ഗതാഗത മന്ത്രിയുടെ ഭാഗത്ത് നിന്നുമുണ്ടായത്. വിദ്യാർഥികളുടെ യാത്രാനിരക്ക് കൂട്ടുന്ന കാര്യത്തിൽ ഇതുമായി ബന്ധപ്പെട്ട് നിയോഗിച്ചിരിക്കുന്ന സമിതിയുടെ റിപ്പോർട്ട് വന്നശേഷം കൈക്കൊള്ളുമെന്ന് മന്ത്രി വ്യക്തമാക്കി.

വിദ്യാർഥികളുടെ യാത്ര നിരക്ക് വർധിപ്പിക്കണമെന്ന ബസുടമകളുടെ ആവശ്യം പരിശോധിക്കാൻ പ്രത്യേക സമിതിയെ നിയമിക്കാൻ തീരുമാനിച്ചിട്ടുണ്ട്. ഈ സമിതി നൽകുന്ന റിപ്പോർട്ട് പരിശോധിച്ച ശേഷമേ ഇക്കാര്യത്തിൽ അന്തിമതീരുമാനം സ്വീകരിക്കൂ. യാത്രാ നിരക്ക് വർധനയിൽ സർക്കാർ ജാഗ്രതയോടെയുള്ള സമീപനമാണ് സ്വീകരിക്കുന്നതെന്ന് മന്ത്രി പറഞ്ഞു. അതേസമയം, കൊവിഡ് കാലത്തെ നിരക്കുകളിൽ മാറ്റം വന്നോ എന്ന കാര്യത്തിൽ അറിയിപ്പ് ലഭിച്ചിട്ടില്ലെന്നാണ് കെഎസ്ആർടിസി ഉദ്യോഗസ്ഥർ വ്യക്തമാക്കുന്നത്.

നിരക്ക് വർധനവ് സംബന്ധിച്ച് പഠിക്കാൻ നിയോഗിച്ച സമിതിയുടെ ശുപാർശ അനുസരിച്ച് ബസിൻ്റെ മിനിമം ചാർജ് എട്ട് രൂപയിൽ നിന്നും പത്ത് രൂപയായി വർധിക്കും. ഓട്ടോയുടെ മിനിമം നിരക്ക് 25 രൂപയിൽ നിന്ന് 30 രൂപയായി ഉയരും. ബസുകളുടെ മിനികം ചാർജ് കഴിഞ്ഞുള്ള ഓരോ കിലോമീറ്ററിനും ഒരു രൂപ വർധിക്കും. നേരത്തെ ഇത് 90 പൈസയായിരുന്നു.

ഓട്ടോ മിനിമം ചാർജ് നേരത്തെ ഒന്നര കിലോമീറ്ററിന് 25 രൂപയായിരുന്നു. ഇത് രണ്ട് കിലോമീറ്ററിനും 30 രൂപയാണ് വർധിപ്പിച്ചത്. അധികം വരുന്ന ഓരോ കിലോമീറ്ററിനും 15 രൂപയാക്കി ഉയർത്തി. മുൻപ് 12 രൂപയായിരുന്നു നിരക്ക്. പുതിയതായി സർവീസ് ആരംഭിച്ച കെഎസ്ആർടിസി സ്വിഫ്റ്റ് കമ്പനിയുടെ ബസുകൾ അപടത്തിൽപ്പെട്ട സംഭവം ഗൗരവമായി കാണുന്നില്ലെന്ന് മന്ത്രി ആൻ്റണി രാജു പറഞ്ഞു. ജാഗ്രത പാലിക്കണമെന്ന നിർദേശം കെ സ്വിഫ്റ്റ് ഡ്രൈവർമാർക്ക് നൽകിയിട്ടുണ്ട്. ഉണ്ടായത് അപകടമല്ലെന്നും ചെറിയ സംഭവങ്ങൾ മാത്രമാണെന്നും ഗാതാഗത മന്ത്രി പറഞ്ഞു.

bus auto taxi fares to go up in kerala from may 1 says transport minister antony raju

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു