JavaScript is not available.

ലക്‌നൗ:ഉത്തർപ്രദേശിലെ മഥുരയിൽ  ശ്രീകൃഷ്ണ ‌ജന്മസ്ഥലത്തെ  ക്ഷേത്ര സമുച്ചയത്തോട് ചേർന്നുള്ള  പള്ളി നീക്കം ചെയ്യണമെന്ന് ആവശ്യപ്പെട്ട് സമർപ്പിച്ച ഹർജി തള്ളിക്കൊണ്ടുള്ള ഉത്തരവിനെതിരായ അപ്പീൽ കോടതി ഫയലിൽ സ്വീകരിച്ചതായി ‘ലൈവ് ലോ’ റിപ്പോർട്ട് ചെയ്തു.

മഥുരയിൽ ശ്രീകൃഷ്ണൻ ജനിച്ച കാരാഗ്രഹത്തിന്റെ നല്ലൊരു ഭാഗം പൊളിച്ചാണ് ഈ പള്ളി ഉണ്ടാക്കിയിരിക്കുന്നത് . മഥുരയിൽ ശ്രീകൃഷ്നൻ ജനിച്ച സ്ഥലം കാണാൻ പോകുന്നവർക്ക് അത് കൃത്യമായി കാണാൻ കഴിയും . പണ്ട് മുതലേ ഇതു ഒരു തർക്ക ഭൂമി ആയിരുന്നതിനാൽ പള്ളിക്കും അതിനു താഴെ സ്ഥിചെയുന്ന അമ്പലത്തിനും കനത്ത സുരക്ഷാ ഉണ്ട് . യാതൊരു വിധ ഇലക്ട്രോണിക്സ് വസ്തുക്കളും ആ സ്ഥലത്തു  അനുവദനീയം അല്ല . 

ശ്രീകൃഷ്ണൻ ജനിച്ച കാരാഗ്രഹത്തിനും അതിനോട് ചേർന്നുള്ള  അമ്പലങ്ങൾക്കും മുകളിൽ  സ്ഥിതിചെയ്യുന്ന ഷാഹി ഈദ്ഗാഹ് മസ്ജിദ് പൊളിച്ചുമാറ്റണമെന്ന് ആവശ്യപ്പെട്ടുള്ള ഹർജി മഥുരയിലെ സിവിൽ കോടതി തള്ളിയിരുന്നു. പള്ളി നിലനിൽക്കുന്നത് ശ്രീ കൃഷ്‌ണന്റെ ജന്മസ്ഥലത്താണെന്ന് മഥുരയിലെ സിവിൽ കോടതിയിൽ സമർപിച്ച ഹർജിയിൽ അവകാശപ്പെട്ടിരുന്നു. ഈ ഹർജി തള്ളിയതിനെതാരായ അപ്പീലാണ് ഇപ്പോൾ കോടതി സ്വീകരിച്ചിട്ടുള്ളത്.

സെപ്തംബർ 26നാണ് പള്ളി ഒഴിവാക്കണമെന്ന് ആവശ്യപ്പെട്ട് ഒരു സംഘം ആളുകൾ സിവിൽ കോടതിയിൽ സ്യൂട്ട് ഫയൽ ചെയ്തത്.

എന്നാൽ ഒക്ടോബർ രണ്ടിന് മഥുരയിലെ സിവിൽ കോടതി കേസ് തള്ളിയിരുന്നു. അഡീഷണൽ ജില്ലാ ജഡ്ജി മായാ ശർമയാണ് ഉത്തരവ് പുറപ്പെടുവിച്ചത്. 1991ലെ ആരാധനാലയ നിയമം പ്രകാരം ഈ ഹർജി പ്രോത്സാഹിപ്പിക്കാനാവില്ലെന്ന് കോടതി വ്യക്തമാക്കിയിരുന്നു.

പള്ളി സ്ഥിതി ചെയ്യുന്ന സ്ഥലം ശ്രീകൃഷ്‌ണന്റെ ജന്മസ്ഥലമാണെന്ന് ഹർജിക്കാർ അവകാശവാദം ഉന്നയിക്കുന്നു. 17-ാം നൂറ്റാണ്ടിൽ മുഗൾ ചക്രവർത്തിയായ ഔറംഗസേബിന്റെ നിർദേശപ്രകാരം ഹിന്ദു ക്ഷേത്രം തകർത്താണ് ഈ മുസ്‌ലിം പള്ളി നിർമിച്ചതെന്ന് ഹർജിക്കാർ ആരോപിക്കുന്നു.

1658 ജൂലൈ 31 മുതൽ എ ഡി 1707 മാർച്ച് 3 വരെ ഇന്ത്യ ഭരിച്ച മുഗൾ ചക്രവർത്തി ഔറംഗസേബ് “ധാരാളം ഹിന്ദു മതസ്ഥലങ്ങളും ക്ഷേത്രങ്ങളും തകർക്കാൻ ഉത്തരവ് പുറപ്പെടുവിച്ചിരുന്നു” എന്ന് പരാതിയിൽ പറയുന്നു.

13.37 ഏക്കർ സ്ഥലത്തിനുവേണ്ടിയാണ് ഹർജിയിൽ അവകാശവാദം ഉന്നയിച്ചിരിക്കുന്നത്. ഹിന്ദു വിശ്വാസപ്രകാരം ഈ സ്ഥലം തങ്ങൾക്ക് ഏറെ പൂജനീയമായതാണെന്ന് ഹർജിക്കാർ പറയുന്നു.

ഷാഹി ഈദ് ഗാഹ് മസ്ജിദ് ട്രസ്റ്റ്, യുപി സുന്നി വഖഫ് ബോർഡ് എന്നിവരെ എതിർ കക്ഷികളാക്കിയായിരുന്നു സ്യൂട്ട് ഫയൽ ചെയ്തിരുന്നത്.

ശ്രീകൃഷ്‌ണന്റെ ജന്മസ്ഥലം കൈയേറി നിർമിച്ച ഷാഹി ഈദ് ഗാഹ് പള്ളി സുന്നി വഖഫ് ബോർഡിന്റെ അനുമതിയോടെ പൊളിച്ചുനീക്കാൻ അനുവദിക്കണമെന്ന് ഹർജിയിൽ ആവശ്യപ്പെട്ടിരുന്നു. ശ്രീകൃഷ്ണന്റെ ജന്മസ്ഥലം ‘ഷാഹി ഈദ് ഗാഹ്’ സ്ഥിതി ചെയ്യുന്ന ഭൂമിയുടെ അടിയിലാണെന്നാണ് സിവില്‍ ഹര്‍ജിയില്‍ ഉന്നയിക്കുന്ന പ്രധാന വാദം. ഇവിടെ ഖനനം നടത്തിയാൽ ക്ഷേത്ര അവശിഷ്ടങ്ങൾ കാണാമെന്നും ഹർജിക്കാർ അവകാശപ്പെട്ടിരുന്നു.

13.37 ഏക്കറിലുള്ള ശ്രീകൃഷ്‌ണ ജന്മഭൂമിയിലെ കൈയേറ്റങ്ങൾ ഒഴിപ്പിക്കണമെന്നും ഹർജിയിൽ ആവശ്യമുണ്ട്. ആറ് വ്യക്തികൾ അഭിഭാഷകനായ രഞ്ജന അഗ്നിഹോത്രി മുഖേനയാണ് ഹർജി ഫയൽ ചെയ്തത്. ശ്രീ കൃഷ്ണ ജന്മഭൂമി ട്രസ്റ്റ് ആണ് സ്ഥലത്തിന്റെ യഥാർഥ അവകാശികളെന്ന് ഹർജിയിൽ പറഞ്ഞിരുന്നു.

Mathura court to hear plea for survey of Mathura mosque ‘on the lines of Gyanvapi’

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു  

Mathura’s Shahi Idgah Masjid Adjacent to Shri Krishna JanmabhoomiPhoto Credit : Siju Kuriyedam Sreekumar

Mathura’s Shahi Idgah Masjid Adjacent to Shri Krishna JanmabhoomiPhoto Credit : Siju Kuriyedam Sreekumar

Mathura’s Shahi Idgah Masjid Adjacent to Shri Krishna JanmabhoomiPhoto Credit : Siju Kuriyedam Sreekumar