JavaScript is not available.

ഷാങ്ഹായ്: ചൈനയുടെ വാണിജ്യ തലസ്ഥാനമായ ഷാങ്ഹായിൽ കൊവിഡ് കേസുകൾ വർധിച്ചതോടെ നിയന്ത്രണങ്ങൾ ശക്തമാക്കുന്നു. കൊവിഡ് വ്യാപനത്തിൻ്റെ ഹോട്ട്സ്പോട്ട് എന്നറിയപ്പെടുന്ന ഷാങ്ഹായ് നഗരത്തിലെ 2.6 കോടി ജനങ്ങൾ വീടുകളിൽ കഴിയുകയാണ്. ശക്തമായ ലോക്ക്ഡൗൺ നിയന്ത്രണങ്ങൾ തുടരുന്നതിനാൽ ജനങ്ങളിൽ നിന്നും പ്രതിഷേധം കനത്തതോടെ ഡ്രോണുകൾ ഉപയോഗിച്ചാണ് സർക്കാർ നിർദേശം നൽകുന്നത്.

പ്രതിദിന കൊവിഡ് കേസുകളുടെ എണ്ണത്തിൽ കഴിഞ്ഞ കുറച്ച് ദിവസങ്ങളായി കുറഞ്ഞ തോതിലാണ് രേഖപ്പെടുത്തുന്നതെങ്കിലും നിലവിലെ കണക്കുകൾ മറ്റ് രാജ്യങ്ങളെ അപേക്ഷിച്ച് ഉയർന്ന തോതിലാണ്. ലോക്ക്ഡൗൺ നിലനിൽക്കുന്നതിനാൽ വീടുകളിൽ നിന്ന് പുറത്തിറങ്ങാൻ കഴിയാത്തതിനാൽ ജനങ്ങൾക്ക് ആവശ്യസാധനങ്ങൾ ലഭിക്കുന്നതിൽ തടസം തുടരുകയാണ്. വീടിൻ്റെ ബാൽക്കണിയിലും കെട്ടിടത്തിൻ്റെ മുകളിലും കയറി ആളുകൾ പ്രതിഷേധിക്കുന്നത് പതിവായതോടെ ഡ്രോണുകൾ ഉപയോഗിച്ച് അധികൃതർ നിർദേശം നൽകുകയാണ്.

ജാനലകൾ തുറക്കാൻ പാടില്ലെന്നും ഉച്ചത്തിൽ പാട്ട് പാടരുതെന്നും അധികൃതർ നിർദേശം നൽകിയിട്ടുണ്ട്. മൈക്ക് ഉപയോഗിച്ചാണ് ഷാങ്ഹായിലെ തെരുവുകളിൽ സർക്കാർ അധികൃതർ നിർദേശം നൽകുന്നത്. കൊവിഡ് നിയന്ത്രണങ്ങളുടെ ഭാഗമായി ലോക്ക്ഡൗൺ നിലനിൽക്കുന്നതിനാൽ ദമ്പതിമാർ വെവ്വേറെ ഉറങ്ങണമെന്ന നിർദേശം അധികൃതർ നൽകിയതായി വിദേശ മാധ്യമങ്ങൾ റിപ്പോർട്ട് ചെയ്തു. ദമ്പതിമാർ വെവ്വേറെ കിടന്നുറങ്ങണം, ചുംബിക്കരുത്, ആലിംഗനം ചെയ്യരുത്, ഒന്നിച്ചിരുന്ന് ഭക്ഷണം കഴിക്കരുത് എന്നീ നിർദേശങ്ങൾ നൽകിയിട്ടുണ്ട്.

As seen on Weibo: Shanghai residents go to their balconies to sing & protest lack of supplies. A drone appears: “Please comply w covid restrictions. Control your soul’s desire for freedom. Do not open the window or sing.” https://t.co/0ZTc8fznaV pic.twitter.com/pAnEGOlBIh

— Alice Su (@aliceysu) April 6, 2022

കൊവിഡ് നിയന്ത്രണങ്ങൾ നിലനിൽക്കുന്നതിനാൽ ഭക്ഷണത്തിന്റെയും അവശ്യവസ്തുക്കളുടെയും വിതരണത്തിൽ അതൃപ്തി രൂക്ഷമാണ്. പ്രശ്നം പരിഹരിക്കുമെന്നും സാഹചര്യം മെച്ചപ്പെടുത്തുമെന്നും അധികൃതർ പറഞ്ഞു. ഷാങ്ഹായിൽ ആവശ്യ സാധനങ്ങളുടെ സ്റ്റോക്കുണ്ടെങ്കിലും കൊവിഡ് നിയന്ത്രണങ്ങൾ നിലവിലുള്ളതിനാൽ വിതരണം ചെയ്യുന്നതിൽ പ്രശ്നങ്ങൾ ഉള്ളതായി ഷാങ്ഹായ് വൈസ് മേയർ ചെൻ ടോംഗ് വ്യാഴാഴ്ച വാർത്താ സമ്മേളനത്തിൽ പറഞ്ഞു. നഗരത്തിലെ മൊത്തവ്യാപാര സ്ഥാപനങ്ങളും ഭക്ഷണ സാധനങ്ങൾ വിൽക്കുന്ന കടകൾ തുറന്ന് പ്രവർത്തിക്കാനുമുള്ള തയ്യാറെടുപ്പുകൾ തുടരുകയാണ്. ലോക്ക് ഡൗൺ നിയന്ത്രണങ്ങൾ കർശനമായുള്ള സ്ഥലങ്ങളിൽ ഡെലിവറി ജീവനക്കാരെ കൂടുതലായി ഏർപ്പെടുത്തും. വിലക്കയറ്റത്തിനെതിരെയും ഉദ്യോഗസ്ഥർ കർശന നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.

കൊവിഡ് വ്യാപനം നിയന്ത്രിക്കുകയെന്ന ലക്ഷ്യത്തോടെ ആരോഗ്യ പ്രവർത്തകർ, സന്നദ്ധപ്രവർത്തകർ, വിതരണക്കാർ എന്നിവർക്ക് മാത്രമാണ് നഗരത്തിൽ സഞ്ചരിക്കാൻ അനുവാദമുള്ളത്. ഇതോടെ ചൈനയുടെ വാണിജ്യ തലസ്ഥാനമായ ഷാങ്ഹായ് സാമ്പത്തിക പ്രതിസന്ധി നേരിടുകയാണ്. സാമ്പത്തിക പ്രതിസന്ധി മറികടക്കാൻ ഷാങ്ഹായിൽ ആയിരക്കണക്കിനാളുകൾ ഓഫീസുകളിൽ താമസിച്ച് ജോലി ചെയ്യുന്നുവെന്ന റിപ്പോർട്ട് കഴിഞ്ഞ ദിവസം പുറത്തുവന്നിരുന്നു. ബാങ്കിംഗ് മേഖലയിലും വ്യവസായ രംഗത്തുമായി പ്രവർത്തിക്കുന്ന ഓഫീസുകളിലെ 20,000ത്തിലധികം ജീവനക്കാർ ഓഫീസുകളിൽ താമസിച്ച് ജോലി ചെയ്യുകയാണെന്ന് റോയിട്ടേഴ്സ് റിപ്പോർട്ട് ചെയ്തു.

ചൈനയുടെ വാണിജ്യ തലസ്ഥാനമായ ഷാങ്ഹായിലാണ് സ്റ്റോക്ക് എക്സ്ചേഞ്ച്, ഫോറിൻ എക്സ്ചേഞ്ച്, ഡെറിവേറ്റീവ് ട്രേഡിംഗ് എന്നിവ പ്രവർത്തിക്കുന്നത്. സർക്കാരിൻ്റെ കീഴിലുള്ള സ്ഥാപനങ്ങൾക്ക് പുറമെ ബാങ്കിംഗ്, ഇതര ധനകാര്യ സ്ഥാപനങ്ങളും ഇവിടെ പ്രവർത്തിക്കുന്നുണ്ട്.

 Tight covid lockdown restrictions in china shanghai

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു   https://www.facebook.com/VISUM-Expresso-LLP-101011348734582
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു  https://twitter.com/VisumExpresso