JavaScript is not available.

മനോരോഗികള്‍ക്ക് ഡോക്ടറുടെ നിര്‍ദ്ദേശാനുസരണം നല്‍കിവരുന്ന നൈട്രാസെപാം ഗുളികകളുമായി ചാവക്കാടുന്നിന്നും വെസ്റ്റ് ബംഗാളിലെ ജെയ്പാൽഗിരി രാംറോജ സ്വദേശി  പ്രവീൺ എന്ന സന്ദീപിനെ(29)യും, കുന്നംകുളത്തുനിന്നും വെസ്റ്റ് ബംഗാൾ സ്വദേശി ജൽപൈഗുരി ജില്ലയിലെ സൂരജി(30)നെയുമാണ് അറസ്റ്റുചെയ്തത്.

ചാവക്കാട് ബസ് സ്റ്റാൻഡ് പരിസരത്ത് നിന്നാണ് പ്രവീൺ എന്നുവിളിക്കുന്ന സന്ദീപിനെ പിടികൂടിയത്. ഇയാളിൽ നിന്ന് 350 നൈട്രാസെപാം ഗുളികകളാണ് പോലിസ് കണ്ടെടുത്തത്. മയക്കുമരുന്നിന്റെ പരിധിയില്‍ വരുന്ന നിട്രാസെപം ഗുളികകൾ ഒരെണ്ണത്തിന് 200 രൂപ വച്ചാണ് വില്പന നടത്തിയിരുന്നത്. മദ്യത്തിനെക്കാളും കഞ്ചാവിനെക്കാളും ലഹരിയുള്ള ഇത്തരം ഗുളികകള്‍ ഇയാൾക്ക് എങ്ങനെ ലഭിച്ചുവെന്ന അന്വേഷണത്തിലാണ് പോലീസ്. ചാവക്കാട് ഇൻസ്പെക്ടർ എസ്.എച്ച്.ഒ  ബോബിൻ മാത്യുവിന് ലഭിച്ച വിവരത്തെ തുടർന്ന് സബ് ഇൻസ്പെക്ടർ സിനോജ്,  അസിസ്റ്റൻറ് സബ് ഇൻസ്പെക്ടർ സജിത്ത്, എന്നിവരും ജില്ലാ പോലീസ് മേധാവിയുടെ ലഹരി വിരുദ്ധ സേനയിലെ അംഗങ്ങളായ സിവിൽ പോലീസ് ഓഫീസർമാരായ ആഷിഷ് , ശരത്ത്, മെൽവിൻ  പ്രദീപ് എന്നിവരുമടങ്ങിയ സംഘമാണ് പ്രതിയെ പിടികൂടിയത്.

ബുധനാഴ്ച രാത്രി പത്ത് മണിയോടെ സ്റ്റേഷൻ ഹൗസ് ഓഫീസർ വിസി സൂരജിന്റെ നിർദ്ദേശപ്രകാരം അഡീഷണൽ എസ്ഐ ഷക്കീർ അഹമ്മദും സംഘവും പെട്രോളിങ് നടത്തുന്നതിനിടെയാണ്  സംശയാസ്പദമായ രീതിയിൽ ഇതര സംസ്ഥാന തൊഴിലാളിയായ സൂരജിനെ കണ്ടത്. തുടർന്ന് ഇയാളുടെ ബാഗ് പരിശോധിച്ചപ്പോൾ 150 ഗ്രാം കഞ്ചാവും 17  ലഹരി ഗുളികകളും കണ്ടെത്തി. സബ് ഇൻസ്പെക്ടർമാരായ ഗോപി, ബസന്ത്, എന്നിവരും ജില്ലാ പോലീസ് മേധാവിയുടെ ലഹരി വിരുദ്ധ സേനയിലെ അംഗങ്ങളായ സബ് ഇൻസ്പെക്ടർ രാകേഷ്, സിവിൽ പോലീസ് ഓഫീസർമാരായ ശരത്ത്, സുജിത്ത് എന്നിവരുമടങ്ങുന്ന സംഘമാണ് പ്രതിയെ പിടികൂടിയത്.



Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു  

Two arrested for possession of psychiatric pills and With cannabis in thrissur