JavaScript is not available.

കൊച്ചി∙ കോവിഡ് വാക്സിനേഷൻ സർട്ടിഫിക്കറ്റിൽനിന്നും പ്രധാനമന്ത്രി നരേന്ദ്ര മോദിയുടെ ചിത്രം നീക്കം ചെയ്യണമെന്ന് ആവശ്യപ്പെട്ട ഹർജിക്കാരനെ ശകാരിച്ച് ഹൈക്കോടതി. നരേന്ദ്ര മോദി നമ്മുടെ രാജ്യത്തിന്റെ പ്രധാനമന്ത്രിയാണ്. മറ്റൊരു രാജ്യത്തിന്റെയും പ്രധാനമന്ത്രിയല്ല. ജനവിധിയിലൂടെയാണ് അദ്ദേഹം അധികാരത്തിലെത്തിയത്. നിങ്ങൾക്ക് രാഷ്ട്രീയമായ അഭിപ്രായവ്യത്യാസങ്ങൾ ഉള്ളതിനാൽ, നിങ്ങൾക്ക് ഇതിനെ വെല്ലുവിളിക്കാൻ കഴിയില്ല. എന്തിനാണ് നമ്മുടെ പ്രധാനമന്ത്രിയെ കുറിച്ച് ലജ്ജിക്കുന്നതെന്നും കോടതി ചോദിച്ചു.?  100 കോടി ജനങ്ങൾക്കില്ലാത്ത എന്ത് പ്രശ്നമാണ് ഹർജിക്കാരനുള്ളതെന്നു ചോദിച്ച ജസ്റ്റിസ് പി.വി കുഞ്ഞികൃഷ്ണൻ, ഹർജിക്കാരൻ കോടതിയുടെ സമയം പാഴാക്കുകയാണെന്നും കുറ്റപ്പെടുത്തി.

കോവിഡ് -19 വാക്സിൻ സർട്ടിഫിക്കറ്റിൽ പ്രധാനമന്ത്രി നരേന്ദ്ര മോദിയുടെ ചിത്രം ഉപയോഗിക്കുന്നത് ചോദ്യം ചെയ്തുള്ള ഹർജിയുടെ വിശ്വാസ്യതയെ തിങ്കളാഴ്ച കേരള ഹൈക്കോടതി ചോദ്യം ചെയ്തു. ഹർജി പരിഗണിച്ച ജസ്റ്റിസ് പി വി കുഞ്ഞികൃഷ്ണൻ, ജവഹർലാൽ നെഹ്‌റു ഇൻസ്റ്റിറ്റ്യൂട്ട് ഓഫ് ലീഡർഷിപ്പിൽ ജോലി ചെയ്യുന്ന ഹർജിക്കാരനോട് വാക്‌സിൻ സർട്ടിഫിക്കറ്റിൽ പ്രധാനമന്ത്രി മോദിയുടെ ഫോട്ടോ ഉപയോഗിക്കുന്നത് ഇന്സ്ടിട്യൂട്ടിനു  മുൻ പ്രധാനമന്ത്രി നെഹ്‌റുവിന്റെ പേരിടുന്നതിൽ നിന്ന് എങ്ങനെ വ്യത്യാസപ്പെട്ടിരിക്കുന്നുവെന്ന് ചോദിച്ചു.

കോവിഡ് -19 വാക്സിൻ സർട്ടിഫിക്കറ്റുകളിൽ പ്രധാനമന്ത്രിയുടെ ചിത്രം ഉപയോഗിക്കുന്നതിന് "ഒരു വസ്തുതയും പ്രയോജനവും  അല്ലെങ്കിൽ പ്രസക്തിയും  ഇല്ല,” എന്ന് വാദിച്ച് ഹരജിക്കാരനായ പീറ്റർ മൈൽപറമ്പിൽ ഒക്ടോബറിൽ കോടതിയെ സമീപിച്ചിരുന്നു.

നവംബർ 23 ന് മറ്റൊരു ബെഞ്ചിൽ മുന്പാകെ  വാദം കേൾക്കുമ്പോൾ കോടതി ചോദിച്ചിരുന്നു  "ഇത് വളരെ അപകടകരമായ ഒരു നിർദ്ദേശമാണ്. നാളെ ആരെങ്കിലും ഇവിടെ വന്ന് മഹാത്മാഗാന്ധിയെ ഇഷ്ടമല്ലെന്ന് പറഞ്ഞ് പ്രതിഷേധിക്കാം, അത് (കറൻസി) അവരുടെ രക്തവും വിയർപ്പും ആണെന്നും അതിൽ അദ്ദേഹത്തിന്റെ മുഖം കാണാൻ ആഗ്രഹിക്കുന്നില്ലെന്നും പറഞ്ഞ് നമ്മുടെ കറൻസിയിൽ നിന്ന് അദ്ദേഹത്തിന്റെ ചിത്രം നീക്കം ചെയ്യാൻ ആവശ്യപ്പെടാം. അപ്പോൾ എന്ത് സംഭവിക്കും?" 

റിസർവ് ബാങ്ക് ഓഫ് ഇന്ത്യ ചട്ടങ്ങൾക്കനുസൃതമായാണ് കറൻസിയിൽ ഗാന്ധിയുടെ മുഖം അച്ചടിച്ചിരിക്കുന്നതെങ്കിലും വാക്‌സിൻ സർട്ടിഫിക്കറ്റിൽ മോദിയുടെ മുഖം വേണമെന്ന് സമാനമായ നിയമ വ്യവസ്ഥകളൊന്നുമില്ലെന്ന് ഹർജിക്കാരന്റെ അഭിഭാഷകൻ  അജിത് റോയ് പ്രതികരിച്ചു.  

വാക്‌സിൻ സർട്ടിഫിക്കറ്റ് തന്റെ സ്വകാര്യ സ്ഥലമാണെന്നും അതിൽ തനിക്ക് ചില അവകാശങ്ങളുണ്ടെന്നും ഹർജിക്കാരന് വേണ്ടി ഹാജരായ അഭിഭാഷകൻ അജിത് എം ജോയ് വാദിച്ചു. ഹർജിക്കാരൻ വാക്സിൻ വാങ്ങാൻ പണം നൽകിയതിനാൽ സർക്കാർന് അതിന്റെ ക്രെഡിറ്റ് എടുക്കാനാകില്ലെന്നും അദ്ദേഹം പറഞ്ഞു. ഇത് ഹർജിക്കാരന്റെ മൗലികാവകാശങ്ങളുടെ ലംഘനമാണെന്നും അദ്ദേഹം വാദിച്ചു. വാക്‌സിൻ സർട്ടിഫിക്കറ്റിൽ മോദിയുടെ ഫോട്ടോ വേണമെന്ന് സർക്കാർ നിർബന്ധിച്ചാൽ പ്രധാനമന്ത്രിയുടെ ചിത്രമില്ലാത്ത സർട്ടിഫിക്കറ്റ് നൽകാനുള്ള സൗകര്യവും വേണമെന്ന് അഭിഭാഷകൻ വാദിച്ചു.

മറ്റ് പല രാജ്യങ്ങളിലെയും വാക്സിനേഷൻ സർട്ടിഫിക്കറ്റുകളിൽ സർക്കാർ തലവന്റെ ചിത്രങ്ങൾ ഇല്ലെന്ന് അഭിഭാഷകൻ ചൂണ്ടിക്കാട്ടി.  “അവർക്ക് അവരുടെ പ്രധാനമന്ത്രിയെക്കുറിച്ച് അഭിമാനമില്ലായിരിക്കാം , പക്ഷേ നമുക്ക്  ഉണ്ട് . അദ്ദേഹം (മോദി) പ്രധാനമന്ത്രിയായത് ജനങ്ങളുടെ ജനവിധി കൊണ്ടാണ്. നിങ്ങൾക്ക്  വ്യത്യസ്ത രാഷ്ട്രീയ അഭിപ്രായങ്ങളുണ്ടാകാം, പക്ഷേ ഇപ്പോഴും അദ്ദേഹം നമ്മുടെ പ്രധാനമന്ത്രിയാണ്," ജഡ്ജി മറുപടി പറഞ്ഞു.

കൊറോണ വൈറസ് രോഗത്തിനെതിരായ കുത്തിവയ്പ്പ് ഡ്രൈവിനെക്കുറിച്ച് അവബോധം സൃഷ്ടിക്കാൻ മോദിയുടെ ചിത്രവും വാക്സിൻ സർട്ടിഫിക്കറ്റിലെ വാക്കുകളും സഹായിക്കുമെന്ന് കേന്ദ്ര സർക്കാരിന്റെ അഭിഭാഷകൻ പ്രധാനമന്ത്രിയുടെ ഫോട്ടോ ഉപയോഗിക്കുന്നതിനെ ന്യായീകരിച്ചു.

ഓഗസ്റ്റിൽ ഉപരിസഭയിൽ ഒരു ചോദ്യം വന്നപ്പോൾ, വാക്സിനേഷൻ ഡ്രൈവിനെക്കുറിച്ചുള്ള അവബോധം പ്രോത്സാഹിപ്പിക്കുന്നതിന് വാക്സിൻ സർട്ടിഫിക്കറ്റിലെ പ്രധാനമന്ത്രിയുടെ ചിത്രം അനുയോജ്യമാണെന്ന് ആരോഗ്യ കുടുംബക്ഷേമ സഹമന്ത്രി ഭാരതി പവാർ പറഞ്ഞിരുന്നു.