JavaScript is not available.

ന്യൂഡല്‍ഹി:  സംസ്ഥാന സർക്കാരിനെതിരെ രൂക്ഷ വിമർശനമുയർത്തി സുപ്രീം കോടതി. മന്ത്രിമാരുടെ പേഴ്‌സണല്‍ സ്റ്റാഫില്‍ രണ്ട് വര്‍ഷം ജോലി ചെയ്യുന്നവര്‍ക്ക് ജീവിതാവസാനം വരെ പെന്‍ഷന്‍ നല്‍കുന്ന കേരളം എന്തിന് ഡീസല്‍ വില വര്‍ധനവിനെതിരെ കോടതിയില്‍ എത്തുന്നുവെന്ന് സുപ്രീം കോടതി . പഴ്സനൽ സ്റ്റാഫിലുണ്ടായിരുന്നവർക്കു പെന്‍ഷൻ നൽകാൻ പണമുണ്ടല്ലോയെന്നു കോടതി ചോദിച്ചു.  രണ്ടുവര്‍ഷം കഴിഞ്ഞാല്‍ പെന്‍ഷന്‍ നൽകുന്ന രീതി രാജ്യത്തെവിടെയുമില്ല. ഇതിനു പണമുണ്ടല്ലോ എന്നും കോടതി ചോദിച്ചു. ജസ്റ്റിസ് എ.എം. നസീർ അധ്യക്ഷനായ ബെഞ്ചാണു സർക്കാരിനെതിരെ വിമർശനം ഉന്നയിച്ചത്.

രാജ്യത്ത് മറ്റൊരിടത്തും രണ്ട് വര്‍ഷം സേവനം നടത്തുന്നവര്‍ക്ക് പെന്‍ഷന്‍ ലഭിക്കില്ലെന്നും കോടതി പറഞ്ഞു. ഇക്കാര്യത്തിലുള്ള തങ്ങളുടെ അതൃപ്തി സംസ്ഥാന സര്‍ക്കാരിലെ ഉന്നതരെ അറിയിക്കാന്‍ കെ.എസ്.ആര്‍.ടി.സി. വേണ്ടി ഹാജരായ അഭിഭാഷകന്‍ വി. ഗിരിയോട് സുപ്രീം കോടതി നിര്‍ദേശിച്ചു. താന്‍ അറിയിച്ചില്ലെങ്കിലും അഞ്ച് മിനുട്ടിനുള്ളില്‍ മാധ്യമങ്ങളിലൂടെ വാര്‍ത്ത എല്ലാവരും അറിയുമെന്ന് ഗിരി മറുപടി നല്‍കി. ഏതായാലും കോടതിയുടെ വികാരം സര്‍ക്കാരിനെ അറിയിക്കാമെന്ന് അദ്ദേഹം ബെഞ്ചിന് ഉറപ്പ് നല്‍കി.

കോടതി നോട്ടീസ് അയക്കാന്‍ വിസമ്മതിച്ചതിനാല്‍ കെ.എസ്.ആര്‍.ടി.സി. ഹര്‍ജി പിന്‍വലിച്ചു. ആവശ്യമെങ്കില്‍ ഇതേ ആവശ്യം ഉന്നയിച്ച് ഹൈക്കോടതിയെ കെ.എസ്.ആര്‍.ടി.സിക്ക് സമീപിക്കാവുന്നതാണെന്ന് കോടതി വ്യക്തമാക്കി.

വിപണി വിലയേക്കാള്‍ കൂടുതല്‍ തുക ഡീസലിന് ഈടാക്കുന്നതിനെതിരെ കെ.എസ്.ആര്‍.ടി.സി. നല്‍കിയ ഹര്‍ജി പരിഗണിക്കവെയാണ് ജസ്റ്റിസ് അബ്ദുല്‍ നസീറിന്റെ അധ്യക്ഷതയിലുള്ള ബെഞ്ച് സംസ്ഥാന സര്‍ക്കാരിനെ രൂക്ഷമായി വിമര്‍ശിച്ചത്. കേരളത്തിലെ മന്ത്രിമാരുടെ പേഴ്‌സണല്‍ സ്റ്റാഫ് അംഗങ്ങളുടെ പെന്‍ഷന്‍ സ്‌കീമിനെ സംബന്ധിച്ച് ഇന്ന് രാവിലെ ഒരു പത്രത്തില്‍ വായിച്ചതായി ബെഞ്ചിന് നേതൃത്വം നല്‍കിയ ജസ്റ്റിസ് അബ്ദുല്‍ നസീര്‍ പറഞ്ഞു. രണ്ട് വര്‍ഷം ജോലി ചെയ്യുന്നവര്‍ക്ക് ജീവിതാവസാനം വരെ പെന്‍ഷന്‍ നല്‍കാന്‍ കഴിയുന്ന ഒരു സംസ്ഥാനം എന്തിനാണ് ഡീസല്‍ വില വര്‍ധനവിനെതിരെ കോടതിടയെ സമീപിക്കുന്നതെന്ന് സുപ്രീംകോടതി ആരാഞ്ഞു.

Supreme court slams Kerala government on Ministers personal staff pension 
Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു