JavaScript is not available.

Input From Thrissur City Police 

പിൻനമ്പർ എഴുതിയ എ.ടി.എം കാർഡ്, മറ്റു രേഖകൾ, പണം എന്നിവ സഹിതമുള്ള പേഴ്സ് കളഞ്ഞുകിട്ടിയപ്പോൾ ഉടമസ്ഥനെ തിരികെ ഏല്പിച്ച്, എരുമപ്പെട്ടി ടെലഫോൺ എക്സ്ചേഞ്ചിനു സമീപം താമസിക്കുന്ന കേളംപുലായ്ക്കൽ വീട്ടിൽ അബ്ദുൾ സലാം എന്ന വഴിയോര കച്ചവടക്കാരനാണ് കഴിഞ്ഞ ദിവസം ഏവരുടേയും ശ്രദ്ധയാകർഷിച്ച് മാതൃകയായത്.

പാലക്കാട്  സ്വദേശിയായ ഷാജഹാൻ സിമൻറ് ബിസിനസ്സുമായി ബന്ധപ്പെട്ടാണ് എരുമപ്പെട്ടിയിലെത്തിയത്. കടങ്ങോട് ജംങ്ങ്ഷനിലെത്തിയ ഷാജഹാൻ ഒരു ഹോട്ടലിലിൽ കയറി ചായകുടിച്ച് കടയിൽ നിന്നും ഇറങ്ങി റോഡുമുറിച്ചുകടക്കുന്നതിനിടയിലാണ് പേഴ്സ് വീണുപോയത്. ഇക്കാര്യം ഷാജഹാൻ അറിഞ്ഞിരുന്നില്ല. റോഡിൽ വീണുകിടക്കുന്ന പേഴ്സ് എരുമപ്പെട്ടി കടങ്ങോട് റോഡ് ജംഗ്ഷന് സമീപം തണ്ണിമത്തൻ കച്ചവടം നടത്തുന്ന അബ്ദുൾ സലാമിൻെറ ശ്രദ്ധയിൽ പെടുകയായിരുന്നു. തനിക്ക് കിട്ടിയ പേഴ്സ് അതുവഴി വന്നിരുന്ന എരുമപ്പെട്ടി പോലീസ് സ്റ്റേഷനിലെ ഹോം ഗാർഡ് സുരേഷ്കുമാറിനെ അബ്ദുൾ സലാം ഏല്പിക്കുകയും ചെയ്തു. പേഴ്സ് പരിശോധിച്ചപ്പോൾ പിൻ നമ്പർ എഴുതിയ എ.ടി.എം കാർഡ്, പണവും മറ്റുരേഖകളും പേഴ്സിൽ ഉണ്ടായിരുന്നു. 

ഷാജഹാൻ തിരിച്ച് വാഹനത്തിലെത്തിയപ്പോഴാണ് പേഴ്സ് നഷ്ടപ്പെട്ടെന്ന് മനസ്സിലായത്. തൻെറ ജോലി സംബന്ധമായ പണമടങ്ങിയ എ.ടി.എം കാർഡുള്ള പേഴ്സ് നഷ്ടപ്പെട്ട ഷാജഹാൻ വളരെ പരിഭ്രമിച്ച് പേഴ്സിനായി തെരച്ചിൽ തുടങ്ങി. വാഹനത്തിലും റോഡിലും മറ്റു സ്ഥലങ്ങളിലും വിഷമിച്ച് തിരയുമ്പോഴാണ് ഷാജഹാന് എരുമപ്പെട്ടി പോലീസ് സ്റ്റേഷനിൽ നിന്നും തൻെറ പേഴ്സ് കിട്ടിയിട്ടുണ്ടെന്ന വാർത്തയുമായി ഫോൺ കോൾ വന്നത്. 

പേഴ്സ് തിരിച്ചുകിട്ടിയെന്നറിഞ്ഞ ഷാജഹാൻ ഏറെ സന്തോഷത്തിൽ സ്റ്റേഷനിലെത്തി. സീനിയർ സിവിൽ പോലീസർമാരായ കെ.വി സുഗതൻ, ഷാജൻ െഎ.ബി എന്നിവർ മുഖേന ഷാജഹാനേയും കൂട്ടി അബ്ദുൾ സലാം തണ്ണിമത്തൻ വിൽക്കുന്ന കടങ്ങോട് ജംങ്ഷൻ റോഡിൽ എത്തി, വളരെ സന്തോഷത്തോടെ നന്ദിയും പറഞ്ഞ് അബ്ദുൾ സലാമിൽനിന്നുതന്നെ പേഴ്സ് തിരിച്ചു വാങ്ങുകയും ചെയ്തു. അബ്ദുൾ സലാമിൻെറ സത്യസന്ധ്യതയാണ് ഷാജഹാന് പേഴ്സ് തിരികെ ലഭിക്കാൻ ഇടയായത്.

എ.ടി.എം കാർഡിൽ ഒരിക്കലും പിൻ നമ്പർ രേഖപ്പെടുത്തരുതെന്ന് അറിയില്ലേ എന്ന് ചോദിച്ചപ്പോൾ ഈ തെറ്റ് ഒരിക്കലും ഇനി ആവർത്തിക്കില്ലെന്ന് എരുമപ്പെട്ടി പോലീസിനു ഉറപ്പു നൽകിയാണ് ഷാജഹാൻ പാലക്കാട്ടേയ്ക്കു യാത്രയായത്.

lost purse containing the ATM card, other documents and cash with the pin number returns  to the owner

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു   https://www.facebook.com/VISUM-Expresso-LLP-101011348734582
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു  https://twitter.com/VisumExpresso