JavaScript is not available.

തിരുവനന്തപുരം: വിദ്യാര്‍ഥികളുടെ പിഴവുകളെയും വികൃതിത്തരങ്ങളെയും തിരുത്താനുള്ള അവകാശം അധ്യാപകര്‍ക്കുണ്ടെന്ന കോടതി വിധി സ്വാ​ഗതം ചെയ്യുന്നെന്ന് കേരള അം​ഗീകൃത സ്കൂൾ മാനേജ്മെന്റ്സ് അസോസിയേഷൻ. വിദ്യാർത്ഥികളിൽ അച്ചടക്കമുണ്ടാക്കാൻ ശ്രമിക്കുന്ന വിദ്യാലയങ്ങളെയും അധ്യാപകരേയും ആരോപണം പരിശോധിക്കാതേയും വ്യക്തതയില്ലാതെയും ഏകപക്ഷീയമായ നടപടി സ്വീകരിച്ച് ശിക്ഷിക്കരുത്. വിദ്യാർത്ഥികളിൽ അച്ചടക്കമുണ്ടാക്കാൻ ശ്രമിക്കുന്ന വിദ്യാലയങ്ങളെയും അധ്യാപകരേയും ശിക്ഷിക്കുന്ന പ്രവണത ആർക്കും ഭൂഷണമല്ല. സർക്കാർ മുൻകൈയ്യെടുത്ത് നിയമത്തിൽ പൊതു സമ്മതമായതും കുട്ടികളുടെ ഉന്നതിക്ക് ഉതകുന്നതുമായ തിരുത്തൽ വരുത്തണം. നടപടിക്ക് അദ്ധ്യാപക, വിദ്യാർത്ഥി, രക്ഷകർതൃ സമൂഹത്തിന്റെ പിന്തുണയുണ്ടാകണം

കൗമാര പ്രായക്കാരിൽ ചിലർ കാട്ടികൂട്ടുന്ന വൈകൃതങ്ങളെ തിരുത്താനുള്ള സ്വാതന്ത്ര്യം അദ്ധ്യാപകർക്കുണ്ട്. അത് മറ്റ് വിദ്യാർത്ഥികളുടെ സുരക്ഷിതമായ പഠനം ഉറപ്പു വരുത്തുന്നതിനു കൂടിയാണ്. ബാലാവകാശങ്ങൾ സംരക്ഷിക്കപ്പെടുന്നതിനൊപ്പം അവരിലെ സ്വഭാവ രൂപീകരണത്തിലും ശ്രദ്ധയുണ്ടാകേണ്ടത് അധ്യാപക സമൂഹത്തിന്റെ കർത്തവ്യമാണ്.

വിദ്യാർത്ഥികളെ നേർവഴിക്ക് നയിക്കാൻ മിക്ക സ്കൂളുകളിലും ചില ചിട്ടകളും നിയമങ്ങളും നടപ്പിലാക്കാറുണ്ട്. അതിന് വിപരീതമായി കുട്ടികൾ പ്രവർത്തിക്കുമ്പോൾ സ്കൂളിന്റെ അച്ചടക്കത്തെ ബാധിക്കും. ഈ സാഹചര്യത്തിലാണ് സ്കൂളുകൾ കുട്ടികൾക്കെതിരെ നടപടികളുമായി മുന്നോട്ടു പോകുന്നത്. പൊതു സമൂഹത്തിൽ സഭ്യമല്ലാത്ത രീതിയിൽ വിദ്യാർത്ഥികൾ പെരുമാറിയാൽ അത് നീതീകരിക്കാനാവില്ല എന്ന് അംഗീകൃത സ്കൂൾ മനേജ്മെൻറ് സ് അസോസിയേഷൻ ജന: സെക്രട്ടറി ആനന്ദ് കണ്ണശ പത്രക്കുറിപ്പിൽ അറിയിച്ചു.

Kerala High Court said Teachers have the freedom to correct students