JavaScript is not available.

അഹമ്മദാബാദ്: ഗുജറാത്ത് എംഎൽഎ ജിഗ്നേഷ് മേവാനിയെ രാത്രിയിൽ അറസ്റ്റ് ചെയ്ത് അസം പൊലീസ്. ഗുജറാത്തിലെ പാലൻപുരിലെ വീട്ടിൽ (സർക്യൂട്ട് ഹൗസിൽ  ) നിന്ന് ബുധനാഴ്ച രാത്രി 11.30 ഓടെ ആണ് മേവാനിയെ അറസ്റ്റ് ചെയ്തത്. സ്വതന്ത്ര എംഎൽഎ ആയിരുന്ന ജിഗ്നേഷ് കഴിഞ്ഞ വർഷം സെപ്റ്റംബറിൽ കോൺഗ്രസിന് പിന്തുണ പ്രഖ്യാപിച്ചിരുന്നു.ഇദ്ദേഹത്തെ ട്രെയിനിൽ ഇന്നു ഗുവാഹത്തിയിലേക്കു കൊണ്ടുപോകും.

കസ്റ്റഡിയിലെടുത്തതിന് പിന്നാലെ  രാത്രി തന്നെ പാലംപൂരില്‍ നിന്ന് അഹമ്മദബാദിലെത്തിച്ച മേവാനിയെ ഇന്ന് തന്നെ ട്രെയിന്‍ മാര്‍ഗം ഗുവാഹട്ടിയിലേക്ക് കൊണ്ടുപോകുമെന്നാണ് റിപ്പോര്‍ട്ടുകള്‍. എന്ത് കുറ്റം ചുമത്തിയാണ് ജിഗ്നേഷിനെ അറസ്റ്റ് ചെയ്തതെന്ന് പോലീസ് വ്യക്തമാക്കിയിട്ടില്ല. ഇതുസംബന്ധിച്ച് ഇതുവരെയും വിവരങ്ങളൊന്നും ലഭ്യമല്ലെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. 

 എഫ്ഐആറിന്‍റെയോ പരാതിയുടെയോ വിവരങ്ങൾ കൈമാറാൻ പോലീസ് തയ്യാറായിട്ടില്ല എങ്കിലും കിട്ടിയ വിവരം അനുസരിച്ചു പ്രധാനമന്ത്രി നരേന്ദ്ര മോദിയെ വിമർശിക്കുന്ന ട്വീറ്റുമായി ബന്ധപ്പെട്ട് അസമിൽ ലഭിച്ച പരാതിയെത്തുടർന്നാണ് അറസ്റ്റെന്നാണു വിവരം . "ഗോഡ്‌സെയെ ദൈവമായി കാണുന്ന പ്രധാനമന്ത്രി ഗുജറാത്തിലെ വർഗീയ സംഘർഷങ്ങൾ ഇല്ലാതാക്കി സമാധാനത്തിനും സൗഹാർദത്തിനും അഭ്യർഥിക്കണമെന്നായിരുന്നു ട്വീറ്റ് . അസം സ്വദേശിയായ അനൂപ് കുമാർ ദേ ആണ് പരാതി നൽകിയത് എന്നാണ്  അറിയാൻ കഴിഞ്ഞത് .  ജിഗ്നേഷിന്റെ വിവാദ ട്വീറ്റുകൾ ട്വിറ്റർ തടഞ്ഞിട്ടുണ്ട്.

 കൃത്യമായ  വിവരങ്ങൾ അരിക്കാതെ ആണ്  അസം പൊലീസ് ജിഗ്നേഷിനെ അറസ്റ്റ് ചെയ്തതെന്ന് ആരോപണം ഉണ്ട് . ജിഗ്നേഷിന്റെ അറസ്റ്റിനെതിരെ കോൺഗ്രസ് നേതാക്കൾ ഇന്നു ന്യൂഡൽഹിയിൽ പ്രതിഷേധിക്കും എന്ന് റിപ്പോർട്ട് ഉണ്ട് . 

ഗുജറാത്തിലെ   വദ്ഗാം  നിയമസഭമണ്ഡലത്തിൽ നിന്നാണ്  ജിഗ്നേഷ് മേവാനി ജയിച്ചു വന്നത് . ദളിത് പോരാട്ടങ്ങളിലൂടെ ശ്രദ്ധേയനായ ജിഗ്നേഷ് കഴിഞ്ഞ വര്‍ഷമാണ് സിപിഐ നേതാവായിരുന്ന കനയ്യ കുമാറിനൊം കോണ്‍ഗ്രസില്‍ ചേര്‍ന്നത്‌.

Jignesh Mevani arrested in Gujarath by assam police 

 Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു