JavaScript is not available.

ന്യൂഡൽഹി: 2018 ലെ അനധികൃത മണൽ ഖനന കേസുമായി ബന്ധപ്പെട്ട കള്ളപ്പണം വെളുപ്പിക്കൽ ആരോപണവുമായി ബന്ധപ്പെട്ട്  വീടുകളും ഓഫീസുകളും റെയ്ഡ് ചെയ്ത് ആഴ്ചകൾക്ക് ശേഷം പഞ്ചാബ് മുഖ്യമന്ത്രി ചരൺജിത് സിംഗ് ചന്നിയുടെ അനന്തരവൻ ഭൂപീന്ദർ സിങ്ങിനെ ജലന്ധറിൽ നിന്ന് വെള്ളിയാഴ്ച എൻഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തതായി ഉദ്യോഗസ്ഥർ അറിയിച്ചു. 

പഞ്ചാബ് നിയമസഭാ തിരഞ്ഞെടുപ്പിന് രണ്ടാഴ്ച മാത്രമുള്ളപ്പോളാണ്  ഭൂപീന്ദർ സിങ്ങിന്റെ അറസ്റ്റ് എന്നത് കോൺഗ്രസിനു വലിയ തലവേദനയായി  . പഞ്ചാബിലെ അനധികൃത മണൽ ഖനന പ്രവർത്തനങ്ങൾക്കെതിരെ കള്ളപ്പണം വെളുപ്പിക്കൽ വിരുദ്ധ അന്വേഷണത്തിൽ ജനുവരി 19 ന് നടത്തിയ റെയ്ഡുകളിൽ 10 കോടി രൂപ ഇഡി പിടിച്ചെടുത്തിരുന്നു. ഭൂപീന്ദർ സിങ്ങുമായി ബന്ധമുള്ള സ്ഥലങ്ങളിൽ നിന്ന് എട്ട് കോടി രൂപ പിടിച്ചെടുത്തതായാണ് റിപ്പോർട്ട്.
സംസ്ഥാനത്ത് അനധികൃത മണൽ ഖനനത്തിൽ ഏർപ്പെട്ടതായി ആരോപിക്കപ്പെടുന്ന കമ്പനികൾക്കും വ്യക്തികൾക്കുമെതിരായ നവാൻഷഹർ പോലീസിന്റെ 2018 ലെ എഫ്‌ഐആറും മറ്റ് ചില പോലീസ് പരാതികളും കണക്കിലെടുത്താണ് നടപടി ആരംഭിച്ചതെന്ന് ഇഡി ഉദ്യോഗസ്ഥർ പറഞ്ഞിരുന്നു.

ജനുവരിയിൽ ഫിറോസ്പൂർ സന്ദർശന വേളയിൽ ഷെഡ്യൂൾ ചെയ്ത ഒരു പരിപാടിയിൽ പങ്കെടുക്കാനാകാതെ പ്രധാനമന്ത്രി നരേന്ദ്ര മോദി മടങ്ങിയതിന് “പ്രതികാരം” തീർക്കാൻ ബിജെപി ശ്രമിക്കുകയാണ് എന്ന് മുഖ്യമന്ത്രി ചന്നി പ്രതികരിച്ചു .

ഇഡി റെയ്ഡുകളെ "പകപോക്കൽ രാഷ്ട്രീയം" എന്ന് വിശേഷിപ്പിച്ച ചന്നി, കേസിൽ തന്റെ അനന്തരവന് എതിരെ  കേസെടുത്തിട്ടില്ലെന്ന് അവകാശപ്പെട്ടിരുന്നു.

മുഖ്യമന്ത്രിയുടെ മണ്ഡലമായ ചാംകൗർ സാഹിബിലെ അനധികൃത മണൽ ഖനനത്തിനെതിരെ ഭരണകക്ഷിയായ കോൺഗ്രസും ചന്നിയും കണ്ണടച്ചിരിക്കുകയാണെന്ന് ആരോപിച്ച പഞ്ചാബിലെ പ്രതിപക്ഷ പാർട്ടികൾക്ക് ചന്നിയുടെ അനന്തരവന്റെ അറസ്റ്റ് കോൺഗ്രസിന് എതിരെ ഉള്ള തുറുപ്പുചീട്ടാണ് 
 

Punjab CM Charanjit Singh Channi's nephew Bhupinder Singh Honey arrested by Enforcement Directorate (ED) from Jalandhar on Thursday evening following day-long questioning in an illegal sand mining case: Sources

— ANI (@ANI) February 4, 2022

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു.  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു.   


ED arrests Punjab CM Charanjit Singh Channi's nephew on charges of money laundering