JavaScript is not available.

Input from Kashmir Zone police 

വെള്ളിയാഴ്ച പുലർച്ചെ ജമ്മുവിന്റെ പ്രാന്തപ്രദേശത്തുള്ള സൈനിക ക്യാമ്പിന് സമീപമുള്ള പ്രദേശത്ത് ഭീകരരുമായുണ്ടായ ഏറ്റുമുട്ടലിൽ ഒരു സുരക്ഷാ സേന ഉദ്യോഗസ്ഥൻ വീരമൃത്യു വരിക്കുകയും  ഒമ്പത് പേർക്ക് പരിക്കേൽക്കുകയും ചെയ്തതായി അധികൃതർ അറിയിച്ചു. തുടർന്ന് നടന്ന ഓപ്പറേഷനിൽ ഒരു തീവ്രവാദി കൊല്ലപ്പെട്ടു, കനത്ത വെടിവയ്പ്പ് റിപ്പോർട്ട് ചെയ്യപ്പെട്ടിട്ടുണ്ട്.    

പ്രധാനമന്ത്രി നരേന്ദ്ര മോദിയുടെ സാംബ ജില്ല സന്ദർശനത്തിന് രണ്ട് ദിവസം മുമ്പ് ജമ്മു കശ്മീരിലെ സുരക്ഷാ ക്രമീകരണങ്ങൾ ശക്തമാക്കുന്നതിനിടെയാണ് സുൻജ്വാനിൽ ഏറ്റുമുട്ടൽ നടന്നത് എന്നത് ശ്രദ്ധേയമാണ് 

പോലീസിന്റെ സ്‌പെഷ്യൽ ഓപ്പറേഷൻസ് ഗ്രൂപ്പും സിആർപിഎഫും പ്രദേശത്ത് സംയുക്ത തിരച്ചിൽ ആരംഭിച്ചതോടെയാണ് ഏറ്റുമുട്ടൽ ആരംഭിച്ചതെന്ന് ജമ്മു അഡീഷണൽ ഡയറക്ടർ ജനറൽ മുകേഷ് സിംഗ് പറഞ്ഞു. വെടിവെപ്പിൽ ഒരു സുരക്ഷാ സേനാംഗം കൊല്ലപ്പെടുകയും 9 പേർക്ക് പരിക്കേൽക്കുകയും ചെയ്തു. ഏറ്റുമുട്ടൽ നടക്കുകയാണെന്ന് അദ്ദേഹം പറഞ്ഞു.

പാകിസ്ഥാൻ ആസ്ഥാനമായുള്ള ജെയ്‌ഷെ മുഹമ്മദ് (ജെഇഎം) സംഘടനയിൽ നിന്നുള്ളത് എന്ന് സംശയിക്കുന്ന  വൻ ആയുധധാരികളായ രണ്ട് ഭീകരരുടെ സാന്നിധ്യത്തെക്കുറിച്ചുള്ള വ്യക്തമായ വിവരത്തിന്റെ അടിസ്ഥാനത്തിൽ സുൻജ്‌വാൻ സൈനിക സ്റ്റേഷനോട് ചേർന്നുള്ള പ്രദേശത്ത് തിരച്ചിൽ ആരംഭിച്ചത്  . നഗരത്തിൽ ഒരു വലിയ ആക്രമണം  നടത്താനായിരുന്നു അവരുടെ ഉദ്ദേശം എന്ന്  ഉദ്യോഗസ്ഥർ പറഞ്ഞു. തിരിച്ചടിച്ച തിരച്ചിൽ സംഘത്തിന് നേരെ ഭീകരർ ഗ്രനേഡ് എറിയുകയും  വെടിയുതിർക്കുകയും ചെയ്തു .

പുലർച്ചെ 4:20 ന് ഏകദേശം 15 സിഐഎസ്എഫ് ഉദ്യോഗസ്ഥർ രാവിലെ ഡ്യൂട്ടിക്ക് റിപ്പോർട്ട് ചെയ്തു  ഛദ്ദ ക്യാമ്പിൽനിന്നു തിരച്ചിലിനായി  ഒരു ബസിൽ യാത്ര ചെയ്യുകയായിരുന്നു അപ്പോളാണ് പെട്ടന്ന് ആക്രമണം ഉണ്ടായതു   ഗ്രനേഡുകൾ എറിയുകയും   4  ഭാഗങ്ങളിൽ നിന്ന് വെടിയുതിർക്കുകയും ചെയ്തു. ഇരുട്ടായതിനാൽ ഭീകരരുടെ കൃത്യമായ എണ്ണം കണ്ടെത്താനായിട്ടില്ല എന്ന് ഉദ്യോഗസ്ഥർ പറഞ്ഞു.

ഉടൻ തന്നെ സിഐഎസ്എഫുകാർ ബസിൽ നിന്ന് തിരിച്ചടിച്ചു. അക്രമികൾ  ഓടി ഒളിച്ചെങ്കിലും   ഇവർ സമീപത്തെ ഏതെങ്കിലും വീട്ടിൽ അഭയം പ്രാപിച്ചതായി സംശയം ഉണ്ടായിരുന്നു .  ഉടൻ തന്നെ സിആർപിഎഫും പോലീസും എത്തുകയും  ഏറ്റുമുട്ടൽ ആരംഭിച്ചു  എന്ന് ഉദ്യോഗസ്ഥർ   പറഞ്ഞു.

പ്രദേശത്ത് സേനയെ എത്തിച്ചിട്ടുണ്ടെന്നും ഭീകരരെ നിർവീര്യമാക്കാനുള്ള ഓപ്പറേഷൻ പുരോഗമിക്കുകയാണെന്നും ഉദ്യോഗസ്ഥർ പറഞ്ഞു. 2018 ഫെബ്രുവരി 10 ന് മൂന്ന് ജെയ്‌ഷെ ഇ മുഹമ്മദ് (JeM )ഭീകരർ സുൻജ്‌വാൻ സൈനിക ക്യാമ്പിലേക്ക് ഇരച്ചുകയറുകയും തുടർന്നുണ്ടായ ഏറ്റുമുട്ടലിൽ ആറ് സൈനികർ ഉൾപ്പെടെ ഏഴ് പേർ  വീരമൃത്യു വരിക്കുകയും  അതെ തുടർന്നുള്ള പ്രത്യാക്രമണത്തിൽ  മൂന്ന് ഭീകരരും വെടിയേറ്റ് മരിച്ചിരുന്നു . 

മറ്റൊരു സംഭവത്തിൽ, നാല് ലഷ്‌കർ ഇ തൊയ്ബ (LeT ) തീവ്രവാദികൾ കൊല്ലപ്പെട്ടു, രണ്ട് പേർ ബാരാമുള്ളയിൽ നടന്നുകൊണ്ടിരിക്കുന്ന ഏറ്റുമുട്ടൽ സൈറ്റിൽ കുടുങ്ങിക്കിടക്കുന്നു. വിശദാംശങ്ങൾ പ്രകാരം ഏപ്രിലിൽ ഇതുവരെ 16 തീവ്രവാദികൾ കൊല്ലപ്പെട്ടു.

ഏപ്രിൽ 24 ന് ദേശീയ പഞ്ചായത്തിരാജ് ദിനത്തിൽ, പ്രധാനമന്ത്രി ഇവിടെ നിന്ന് 17 കിലോമീറ്റർ അകലെയുള്ള പാലി ഗ്രാമത്തിൽ ഒരു സമ്മേളനത്തെ അഭിസംബോധന ചെയ്യാൻ ഇരിക്കുകയാണ് . 2019 ഓഗസ്റ്റിൽ സംസ്ഥാനത്തിന്റെ പ്രത്യേക പദവി റദ്ദാക്കുകയും വിഭജിക്കുകയും ചെയ്തതിന് ശേഷം അതിർത്തികളല്ലാതെ ജമ്മു കശ്മീരിലേക്കുള്ള മോദിയുടെ ആദ്യ സന്ദർശനമാണിത്. 2019 ഒക്ടോബർ 27 ന് രജൗരിയിലും (സൈനിക ജവാൻമാർക്കൊപ്പം ദീപാവലി ആഘോഷിച്ചിരുന്നു )   2021 നവംബർ 3 നു  ജമ്മു ഡിവിഷനിലെ നൗഷേര സെക്ടറിലും  അദ്ദേഹം സന്ദർശിച്ചിരുന്നു  .

അതേസമയം, വാർഷിക തീർഥാടനത്തിന് മുന്നോടിയായി തീവ്രവാദ വിരുദ്ധ പ്രവർത്തനങ്ങൾ ശക്തമാക്കി ഈ വർഷം സുഗമവും അപകടരഹിതവുമായ അമർനാഥ് യാത്ര ഉറപ്പാക്കാൻ സുരക്ഷാ സേനയും പോലീസും പ്രവർത്തിക്കുന്നുണ്ടെന്ന് ജമ്മു കശ്മീർ ഡിജിപി ദിൽബാഗ് സിംഗ് അടുത്തിടെ പറഞ്ഞിരുന്നു. സാംബ ജില്ലയിൽ ഒരു ചടങ്ങിനോടനുബന്ധിച്ച് മാധ്യമപ്രവർത്തകരോട് സംസാരിക്കുകയായിരുന്നു ഡിജിപി.

 തീവ്രവാദ വിരുദ്ധ ഓപ്പറേഷൻ പരമ്പരകൾ എല്ലാം തന്നെ വിജയകരമായി  നടന്നിട്ടുണ്ടെന്നും ജൂൺ 30 ന് ആരംഭിക്കുന്ന അമർനാഥ് യാത്രയ്ക്ക് മുന്നോടിയായി സുരക്ഷാ സേന തീവ്രവാദികൾക്കെതിരായ പ്രവർത്തനങ്ങൾ ശക്തമാക്കുമെന്നും അദ്ദേഹം പറഞ്ഞു. “സുരക്ഷാ സാഹചര്യം മുൻകാലങ്ങളെ അപേക്ഷിച്ച് വളരെ മെച്ചപ്പെട്ടതാണ്. സിവിലിയൻ കൊലപാതകങ്ങൾ നടത്തിയ എല്ലാ തീവ്രവാദികളെയും സുരക്ഷാ സേനയെ കൊലപ്പെടുത്തിയവരെയും കണ്ടെത്താൻ ഞങ്ങൾക്ക് കഴിഞ്ഞു.

“രണ്ട് റെയിൽവേ പ്രൊട്ടക്ഷൻ ഫോഴ്‌സ് ഉദ്യോഗസ്ഥരെ കൊലപ്പെടുത്തിയവരെ കുറിച്ച്  ഞങ്ങൾക്ക് വ്യക്തമായ സൂചനകൾ ലഭിച്ചിട്ടുണ്ട്  അതിൽ ഉൾപ്പെട്ടവരെ ഉടൻ പിടികൂടും. അധികം അറിയപ്പെടാത്ത പല സംഘടനകളും ആക്രമണത്തിന്റെ ഉത്തരവാദിത്തം ഏറ്റെടുത്തിട്ടുണ്ട്, എന്നാൽ ഇവയെല്ലാം ലഷ്‌കർ-ഇ-തൊയ്ബയുടെ ശാഖകളാണെന്നതാണ് വസ്തുത,” അദ്ദേഹം പറഞ്ഞു. വിദേശ തീവ്രവാദികൾ തങ്ങളുടെ ഐഡന്റിറ്റി മറയ്ക്കാൻ വ്യാജ തിരിച്ചറിയൽ കാർഡുകൾ ഉപയോഗിക്കുന്നുണ്ടെന്നും സിംഗ് കൂട്ടിച്ചേർത്തു.

“വ്യാജ തിരിച്ചറിയൽ കാർഡുമായി വന്ന രണ്ട് വിദേശ തീവ്രവാദികളെ ഞങ്ങൾ ശ്രീനഗറിൽ വധിച്ചു.  Ak-47, പിസ്റ്റളുകൾ എന്നിവയുൾപ്പെടെ ഡ്രോണുകൾ ഉപയോഗിച്ച് അതിർത്തിക്കപ്പുറത്ത് നിന്ന് ആയുധങ്ങൾ അയയ്ക്കുന്നതും ഏറെ കുറെ പിടിച്ചു .  

“ശ്രീനഗർ പോലുള്ള നഗരങ്ങളിൽ, സിവിലിയന്മാർക്ക് നേരെ ആക്രമണം നടത്താൻ പുതിയ റിക്രൂട്ട്‌മെന്റുകൾ  നടത്തി അവർക്ക്  പിസ്റ്റളുകളും ഗ്രനേഡുകളും നൽകുന്നു. സാധാരണക്കാരെയും നാട്ടുകാരല്ലാത്തവരെയും റെയിൽവേ പോലീസുകാരെയും കൊലപ്പെടുത്തുന്നതിൽ ഉൾപ്പെട്ടവരെ ഒന്നുകിൽ അറസ്റ്റ് ചെയ്യുകയോ അല്ലെങ്കിൽ ഇല്ലാതാക്കുകയോ ചെയ്തിട്ടുണ്ട് . ഇപ്പോൾ സെക്യൂരിറ്റി ശക്തമാണ് അതിനാൽ പണ്ട് ചെയ്തിരുന്ന പോലെ അവർക്കു പറ്റുന്നില്ല  എന്ന് സിംഗ്  കൂട്ടിച്ചേർത്തു.
 

#BaramullaEncounterUpdate:Another #terrorist killed (Total 04). #Operation in progress. Further details shall follow.@JmuKmrPolice https://t.co/0eZxpoJg74

— Kashmir Zone Police (@KashmirPolice) April 22, 2022

#BaramullaEncounterUpdate: So far, 03 #terrorists have been killed. #Operation going on. Further details shall follow.@JmuKmrPolice https://t.co/AvMhkHwJF8

— Kashmir Zone Police (@KashmirPolice) April 21, 2022

1 Jawan Killed, 9 Injured in Encounter in J&K; 1 Militant Killed Amid Heavy Gunfire

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു