JavaScript is not available.

കെ റെയിൽ കുറ്റി അടിക്കാൻ വന്നവരെ തടഞ്ഞ വീട്ടമ്മയെ സ്വന്തം മകന്റെ മുന്നിലിട്ട് മൃഗീയമായി നേരിട്ട പിണറായി പോലീസിന്റെ  നടപടിയിൽ ശക്തമായി പ്രതിഷേദിക്കുക തന്നെ വേണം . വികസനം വേണം പക്ഷെ വികസനത്തിന്റെ പേരിൽ ഇപ്പോൾ കേരളത്തിൽ കാട്ടി കൂട്ടുന്ന നരനായാട്ട് കണ്ടില്ലെന്നു നടിക്കുന്ന കേരളത്തിലെ നവോത്ഥാന നായകരും സാഹിത്യ ശിരോമണികളും ആർക്കു വേണ്ടി ആണ് കണ്ണടക്കുന്നത് . വികസനം എന്ന മറയിൽ പല കമ്പനി കളുടെ കൈയിൽ നിന്ന് കോടികൾ കമ്മീഷൻ അടിച്ചു മാറ്റാൻ  പിണറായി സർക്കാർ കാണിക്കുന്ന വ്യഗ്രത കണ്ടില്ലെന്നു നടിക്കുന്ന ഒരുകൂട്ടം കൂലി എഴുത്തുകാരായി മാറി അവസരോജിതായി മാത്രം വാ തുറക്കുന്ന കേരളത്തിലെ നവോത്ഥാന നായകരും സാഹിത്യ ശിരോമണികളും . CAA വന്നാൽ നിങ്ങള്ക്ക്  വീടില്ലാതാകും നിങ്ങളെ രാജ്യത്തുനിന്ന് പുറത്താക്കും  , ശബരിമലയിൽ സ്ത്രീകളെ കയറ്റിയില്ലെങ്കിൽ നവോത്ഥാനം ഉണ്ടാവില്ല എന്ന് പറഞ്ഞു 50  കോടി ചിലവിട്ടു നവോത്ഥാനം ഉണ്ടാക്കാൻ നടന്ന അതെ സര്ക്കാര് അവരുടെ പോലീസിനെ വിട്ടു നടത്തുന്ന ഈ നരനായാട്ടിൽ മിണ്ടാതിരിക്കുന്ന കേരളത്തിലെ നവോത്ഥാന നായകരും സാഹിത്യ ശിരോമണികളും തൂങ്ങി ചാവുന്നതാണ് ഇനി നല്ലതു . 
   യുക്രൈനിൽ കടന്നാക്രമണം നടത്തി കുട്ടികളും സ്ത്രീകളും അടക്കം ആയിരങ്ങളെ കൂട്ടക്കൊല ചെയ്തു തന്റെ മിടുക്കു കാണിക്കുന്ന പുട്ടിനും , ചെറു രാജ്യങ്ങളെ  കടന്നാക്രമിച്ചു അവിടെ ഉള്ള കുട്ടികളെയും സ്ത്രീകളെയും കൊന്നൊടുക്കി രാജ്യം  തങ്ങളുടേതാക്കുകയും ചെയ്യുന്ന  ഷി ജിൻപിങ്ങും പിണറായിയും ഇപ്പോൾ ഒരുപോലെ തന്നെ . ഇവർക്ക് തമ്മിൽ പല സാമ്യങ്ങൾ ഉണ്ട് . മൂന്നു  പേരുടെയും രാഷ്ട്രീയം ഒന്ന് തന്നെ എന്നത് ആണ് പ്രധാനം . മൂന്നാളും തങ്ങകൾക്കു തുടർന്ന് ഭരിക്കാൻ വേണ്ടി പ്രത്യേക  നിയമം പാർട്ടിയിൽ ഉണ്ടാക്കിയവരാണ് . പിന്നെ ഉപദേശികൾ എന്ന ഒരു പടു വിഡ്ഢി കൂട്ടം മൂന്നാൾക്കും   ഉണ്ട് . ഷി ജിൻപിങ്ങും , പിണറായിയും , പുട്ടിനും ഒരുപോലെ ദാഷ്ട്ര്യം ഉള്ളവരും ആണ് . താൻ കേമനാകാൻ സ്വന്തം നാടും ജനതയെയും വരെ ഇല്ലാതാക്കുക എന്ന മനോഭാവമാണ് മൂന്നാൾക്കും . കൂടാതെ എതിരാളികളെ ഇല്ലാതാക്കുക എന്ന ഉന്മൂലന സിദ്ധാന്തത്തിൽ ജീവിക്കുന്നവർ ആണ് മൂന്നാളും  . എതിർ വായ് ഉണ്ടായാൽ അതിനെ ഇല്ലാതാക്കും  മൂന്നാളും .പിന്നെ ലോക നേതാവാകാനും അവാർഡ് വാങ്ങാനും തങ്ങളുടെ സാമ്പത്തിക ഭദ്രത ശക്തമാക്കാനും  സ്വന്തം ജനതയെ വരെ കുരുതി കൊടുത്തു കോവിഡ്  എന്ന മഹാമാരി യെ അഴിച്ചു വിട്ടു പിടിച്ചു കെട്ടി എന്ന് നുണപ്രചാരണം നടത്തുന്ന കൂട്ടരും ആണ് ഈ മൂന്നാളും . കൂടാതെ മൂന്നാളും  ഒന്നുമില്ലായ്മയിൽ നിന്ന് വന്നു കോടിക്കണക്കിനു സ്വത്തിനു അധിപനായവർ .  അങ്ങനെ എണ്ണിയാൽ ഒടുങ്ങാത്തത്ര സാമ്യങ്ങളാണ് മൂന്നാൾക്കും ഉള്ളത് . 

കെ റെയിൽ സാമ്പത്തികമായാ ലാഭം ഉണ്ടാകില്ല എന്ന് മാത്രം അല്ല സാമ്പത്തിക ബാധ്യത മാത്രമാണ് വരും കാലങ്ങളിൽ ഉണ്ടാക്കുക എന്ന് ഇ എം ശ്രീധരനെപോലെ പലരും പറഞ്ഞിട്ടും അതുമായി മുന്നോട്ടു പോകുന്നത് സ്വന്തം കീശ വീർപ്പിക്കാനും നവോത്ഥാനത്തിൽ തോറ്റതിന്റെ ക്ഷീണം തീർക്കാനും  ഉള്ള ഒരു അടവ് മാത്രം ആണ് കെ റെയിൽ എന്നാണ് വിലയിരുത്തുന്നത് . 

ഇന്നലെ കോട്ടയത്ത് ചങ്ങനാശേരി മാടപ്പള്ളിയിൽ സിൽവർലൈന്‍ പദ്ധതിക്കെതിരെ പ്രതിഷേധിക്കുന്നവരെ  പൊലീസ് നേരിട്ട രീതി ഒരു ഭീകരവാദിയോട് പോലും നമ്മുടെ രാജ്യം കാണിച്ചിട്ടുണ്ടാവില്ല . അത്രയ്ക്ക് മൃഗീയമായ രംഗങ്ങളാണ് നാം വീഡിയോയിൽ കണ്ടത് ( താഴെ വീഡിയോ കൊടുത്തിട്ടുണ്ട്  )  . എന്നിട്ടും വാതുറക്കാത്ത കേരളത്തിലെ നവോത്ഥാന നായകരും സാഹിത്യ ശിരോമണികളും ആർക്കു വേണ്ടിയാണു മിണ്ടുന്നതു എന്ന് മനസ്സിലായിക്കാണും അല്ലോ . കഴിഞ്ഞ ദിവസം ഷംസീർ നിയമസഭയിൽ പറഞ്ഞതെ ഉള്ളു കെ റെയിൽ നു എതിരെ സമരം ചെയ്താൽ തല്ലും കിട്ടും ചിലപ്പോൾ അതിനപ്പുറവും കിട്ടും എന്ന് . നിയമസഭയിൽ വരെ ഇത്രയും ചങ്കുറ്റത്തോടെ പറയാൻ ഷംസീറിനെ പ്രാപ്തനാക്കിയത് കേരളത്തിലെ ജനത കൊടുത്ത ധൈര്യം ആണ് .കേന്ദ്രം തന്ന സാധനങ്ങൾ കൂടുതൽ വിലക്കു തമിഴന്റെ കൈയിൽ നിന്ന് വാങ്ങിയ സഞ്ചിയിൽ ആക്കി  കിറ്റ് കൊടുത്തു വിജയൻ വാങ്ങിയ  വിജയത്തിൽ നിന്ന് കിട്ടിയ ധൈര്യം . തങ്ങൾ എന്ത് ചെയ്താലും നക്കാപ്പിച്ച കൊടുത്താൽ മിണ്ടാത്ത ഒരു ജനതയെ വാർത്തെടുക്കാൻ ഇടതു സർക്കാരിനായി എന്നതാണ് അവരുടെ ഭരണ നേട്ടം തന്നെ . ഇത്രക്ക് അധപതിച്ച സർക്കാർ ഇന്ന് വരെ ഇന്ത്യയിൽ ഒരു സംസ്ഥാനത്തും ഉണ്ടായിട്ടില്ല എന്ന് പറയേണ്ട അവസ്ഥയിലേക്ക് കാര്യങ്ങൾ എത്തിയിരിക്കുകയാണ് . 

ഇന്നലെ കോട്ടയത്ത് ചങ്ങനാശേരി മാടപ്പള്ളിയിൽ നടന്ന സംഭവത്തിൽ ഖേദ പ്രകടനം പോലും നടത്താത്ത മന്ത്രിമാരും മുഖ്യമന്ത്രിയും കേരളം ഭരിക്കാൻ ഒരു കാരണവശാലും യോഗ്യരല്ല . ഇതിൽ നിന്ന് എല്ലാം മനസിലാകുന്നത് ഇതു മുഖ്യമന്ത്രിയുടെ അറിവോടെ തന്നെ നടക്കുന്ന നാടകം ആണ് .  ഏത് സാഹചര്യത്തിലും കുലുങ്ങാതെ എന്തിനെയും തരണം ചെയ്തു ഇതു നടപ്പാക്കും എന്ന് പറയുന്ന മുഖ്യനും മുഖ്യന് സ്തുതി  പാടുന്ന മന്ത്രിമാരും പാർട്ടിയും പിന്നെ കേരളത്തിലെ നവോത്ഥാന നായകരും സാഹിത്യ ശിരോമണികളും പ്രബുദ്ധരായ ജനങ്ങളും മനസിലാക്കേണ്ടത് ഒന്നും അധികം കാലം ഉണ്ടാകില്ല എന്തിനും ഒരു തിരിച്ചടി ഉണ്ടാകും എന്നാണ് . അന്ന് നിങ്ങൾ കരയും , ദുഖിക്കേണ്ടി വരും . 

കേരളം കടത്തിന്റെ മുകളിൽ കടം കയറി നിൽക്കുന്നു . കഴിഞ്ഞ കുറച്ചു കൊല്ലം കൊണ്ട് കടം ഇരട്ടിയിൽ കൂടുതലായി മൂന്നു ലക്ഷം കോടിയിൽ കൂടുതലായി നിൽക്കുന്നു . എന്നിട്ടും അത് വീട്ടാനുള്ള മാര്ഗങ്ങള് നോക്കാതെ . സ്വാർത്ഥ ലാഭത്തിനായി കടം കൂട്ടാനുള്ള വഴികൾ നോക്കുന്ന ഒരു സർക്കാരായി അധപതിച്ചു കൊണ്ടിരിക്കുകയാണ് ഇടതു സർക്കാർ . കേരളം ടുറിസത്തിൽ നല്ല ഭാവി ഉള്ള സംസ്ഥാനമായിട്ടും അതിനായി ഒന്നും തന്നെ ചെയത്തെ വെറുതെ പൊള്ളയായ കുറെ വാഗ്ദാനങ്ങളും റോഡ് ഷോയും മുൻകൂട്ടി തിരക്കഥ എഴുതി തയാറാക്കിയ പോലെ ഉള്ള കുറെ റെയ്‌ഡുകളും മാത്രമാണ് ഇപ്പോൾ മന്ത്രിമാർ ചെയുന്നത് . 

 വിദ്യാഭ്യാസത്തിന്റെ കാര്യത്തിൽ മുന്നിൽ ഉള്ള സംസ്ഥാനമായ കേരളത്തിൽ ഒരു നല്ല നിലവാരം ഉള്ള കോളേജോ ഉപരിപഠന സംവിധാനമോ ഉണ്ടാക്കാതെ മറ്റുള്ളവരെ കുറ്റം പറഞ്ഞു നടക്കുന്നു . ഇന്ത്യയിൽ ഭാക്കി എല്ലാ സ്ഥലത്തും കാര്യങ്ങൾ മാറി തുടങ്ങിയിട്ടും കേരളം ഇപ്പോളും പിന്നിലോട്ടാണ് പോകുന്നത് . 

ആരോഗ്യരംഗം വളരെ നല്ലതാണു കേരളത്തിന്റേത് . നമുക്ക് ഒരു നല്ല സിസ്റ്റം  പണ്ട് മുതൽ ഉണ്ട് . പക്ഷെ അത് കലഹരണ പെട്ട് പോകാതെ കാലത്തിന്റെതായ രീതിയിൽ മാറ്റങ്ങൾ വരുത്തി മുന്നോട്ടു കൊണ്ട് പോകാൻ ഈ സർക്കാറിനായിട്ടില്ല എന്നതാണ് നോക്കിയാൽ കാണുന്നത് . കേരളത്തിലെ  ആരോഗ്യരംഗം ശരി അല്ല എന്നതിന് ഏറ്റവും നല്ല ഉദാഹരണം ആണ് ചെറിയ അസുഖങ്ങൾക്ക് പോലും കേരളത്തിലെ മുഖ്യമന്ത്രിയും  പാർട്ടി നേതാക്കളും മറ്റു സംസ്ഥാനത്തെയോ രാജ്യങ്ങളെയോ ആശ്രയിക്കുന്നത് . എന്തിനു നാളിതുവരെ ഒരു AIIMS കേരളത്തിൽ കൊണ്ട് വരാൻ ആയിട്ടില്ല . കേരളത്തിലെ മെഡിക്കൽ കോളേജിന്റെ അവസ്ഥ മോശമാണ് എന്ന്‌  മന്ത്രി തന്നെ വീഡിയോ ഇട്ടു കാണിക്കുന്നു . നടത്തിപ്പ് മോശമാണ് എന്ന്‌ മന്ത്രി തന്നെ സമ്മതിക്കുന്നു . 

വ്യവസായത്തിന്റെ കാര്യം എടുത്താൽ . മുട്ടുസൂചി പോലും കേരളത്തിന് പുറത്തുനിന്നു വാങ്ങണം എന്ന്‌ മാത്രം അല്ല കോവിഡ് സമയത്തു ശ്വസിക്കുന്ന വായു വരെ വേണ്ടത്ര കേരളത്തിൽ ഇല്ല എന്ന്‌ നാം കണ്ടതാണ് ഉള്ളതാണെങ്കിലും അധികവും  കേരള  സർക്കാരിന്റെ   ഉടമസ്ഥതയിൽ ഉള്ളതല്ലതാനും . പിന്നെ വ്യവസായം തുടങ്ങാനുള്ള അന്തരീക്ഷം സൃഷ്ട്ടിക്കും എന്ന്‌ കൂടെ കൂടെ പറയുന്നതല്ലാതെ ഓരോ ദിവസവും പൂട്ടി പോകുന്ന വ്യവസായങ്ങളുടെ  എണ്ണം കൂടുമ്പോൾ ആ  വ്യവസായങ്ങളെ പുനര്ജീവിപ്പിക്കാനോ അതിന്റെ കാര്യങ്ങൾ പഠിച്ചു അത് പരിഹരിക്കാനോ നോക്കുന്നില്ല കേരള സർക്കാർ . കേരളത്തിൽ നിക്ഷേപം നടത്തുന്നവരെ  കുത്തുപാള എടുപ്പിക്കുക എന്ന നയമാണ് കേരളത്തിലെ ഇടതു സർക്കാരിന്റേതു . കേരളത്തിൽ നിന്ന് എല്ലാ വ്യവസായികളും സംരംഭകരും കൂടും കുടുക്കയും എടുത്തു മറ്റു  സ്ഥലങ്ങളിലേക്ക് പോകുന്ന അവസ്ഥയാണ് നാം കാണുന്നത് .

കേരളം വേണ്ടത്ര മഴയും  കാറ്റും സൂര്യ പ്രകാശവും കിട്ടുന്ന ഒരു സംസ്ഥാനം ആണ്  . അതിൽ നിന്ന് എങ്ങനെ പ്രകൃതിക്കു കോട്ടം തട്ടാത്ത രീതിയിൽ  പ്രായോഗികമായി വൈദ്യുതി ഉണ്ടാക്കാം എന്ന്‌ പഠിക്കാതെ പ്രായോഗികമല്ലാത്ത മാർഗങ്ങൾ പ്രകൃതിക്കു ദോഷമുണ്ടാക്കുന്ന രീതിയിൽ  അവലംബിച്ചു വെള്ളപൊക്കത്തിണ്റ്റെയും പ്രകൃതി ക്ഷോഭത്തിന്റെയും ആക്കം കൂട്ടുന്നു . പല സംസ്ഥാങ്ങളും ഈ കാര്യത്തിൽ കേരളത്തിനേക്കാളും ബഹുദൂരം മുന്നിലാണ് . 

കേരളത്തിലെ കാർഷിക രംഗം എടുത്താൽ ഒരു ചീര പോലും ഉണ്ടാക്കാൻ തയാറല്ല കേരളത്തിലെ കർഷകർ കാരണം വേണ്ട രീതിയിൽ പ്രോത്സാഹനമോ സഹായങ്ങളോ സർക്കാരിന്റെ ഭാഗത്തു നിന്ന് കിട്ടുന്നില്ല എന്നത് തന്നെ . ഉപ്പു മുതൽ കർപ്പൂരം വരെ അന്യ സംസ്ഥാനത്തു നിന്ന് കിട്ടിയിട്ട് വേണം മലയാളിക്ക് കഞ്ഞി വക്കാൻ . പാടങ്ങളായ പാടങ്ങൾ എല്ലാം ഭൂമാഫിയക്ക് കൊടുത്തു കമ്മീഷൻ അടിച്ചു മാറ്റുന്ന സർക്കാരായി മാറി ഇടതു സർക്കാർ . ഏതെങ്കിലും തരത്തിൽ ആരെങ്കിലും  സ്വന്തമായി   കൃഷി ചെയ്യാൻ തീരുമാനിച്ചാൽ അവരെ സഹായിക്കുന്നതിന് പകരം അധിക മായാ ഭാരം അടിച്ചേൽപ്പിച്ചു അവനെ കടക്കെണിയിലേക്കും . യൂണിയനുകളുടെ അതിപ്രസരം എവിടെയും കാണാം . എന്നാൽ ഈ യൂണിയനുകൾ കൊണ്ട് തൊഴിലാളി നന്നായോ എന്ന്‌ ചോദിച്ചാൽ പണി എടുക്കാൻ അറിയാത്ത യൂണിയൻ നേതാക്കൾ എന്ന്‌ പറയുന്ന വ്യാജ തൊഴിലാളി നേതാക്കൾ കോടിശ്വരന്മാരായി എന്ന്‌ മാത്രം . കൃഷിക്ക് പണിക്കു ആളെ കിട്ടില്ല കൃഷിക്കായി സാധനങ്ങൾ  കൊണ്ട് വന്നാൽ ഇറക്കാൻ പറ്റില്ല ഇനി ആരെങ്കിലും നിർത്തി ചെയ്യിക്കാം എന്ന്‌ വച്ചാൽ നോക്ക് കൂലി വേറെയും കൊടുക്കണം പിന്നെ സമയത്തു ചെയ്യാൻ സമ്മതിക്കില്ല താനും . കേരളം  വേണ്ടത്ര മഴയും  കാറ്റും സൂര്യ പ്രകാശവും കിട്ടുന്ന ഒരു സംസ്ഥാനം ആണ് . അതിനെ മുതലെടുത്തു വേണ്ട പോലെ സാങ്കേതികമായ  കൃഷി രീതികൾ സർക്കാർ സംവിധാനത്തിലൂടെ അവലംഭിക്കാതെ പരസ്പ്പരം പഴിചാരി നടക്കുന്നു 

ഇടതു  സർക്കാർ വന്നാൽ മദ്യനയം മാറ്റും എന്ന്‌ പരസ്യം ചെയ്തു വന്നവർ മദ്യത്തിൽ നീരാടുകയാണ് കാരണം ഭരിക്കാനും കക്കാനും ഉള്ള പൈസ കിട്ടുന്നത് അതിൽ നിന്നാണ് . ഭരണത്തിൽ വന്നാൽ മദ്യ ഷാപ്പുകളല്ല  വിദ്യാലയങ്ങളാണ് തുറക്കുക എന്ന്‌ പറഞ്ഞവർ വിദ്യാലയങ്ങൾ തുറന്നും ഇല്ലാ അധ്യാപികക്ക് നെഞ്ചത്ത് റീത്തു വച്ച് മദ്യ ഷാപ്പുകൾ മുക്കിലും മൂലയിലും തുടങ്ങി എന്നുമാത്രം .

പെട്രോൾ ഡീസൽ വിലക്ക് എതിരെ വാതോരാതെ സംസാരിക്കുകയും സമരം ചെയുകയും ചെയുന്ന സർക്കാർ . മറ്റു എല്ലാ സർക്കാരും ടാക്സ്  കുറച്ചു വില കുറച്ചിട്ടും വിലകുറക്കാതെ ജനങ്ങളെ ബുദ്ധിമുട്ടിക്കുന്നു . എന്നിട്ടും അതിനും ന്യായം കണ്ടത്തുന്നു കാരണം ഭരിക്കാനും കട്ടുമുടിക്കാനും ടാക്സ് ഇനത്തിൽ മദ്യത്തെപോലെ തന്നെ  പൈസ കിട്ടുന്ന പൊന്മുട്ട ഇടുന്ന തറവാണ് പെട്രോളും ഡീസലും . അതിനാൽ അതിനെ രണ്ടിനെയും തൊട്ടു കളിക്കില്ല . 

ഗതാഗത സംവിധാനം എടുത്താൽ ഇന്ത്യയിൽ ഒരു നല്ല ഗതാഗത സംവിധാനം ഉണ്ടാകേണ്ട  സംസ്ഥാനം ആണ്  കേരളം . അതിന്റെ പ്രായോഗിക വശങ്ങൾ മനസിലാക്കി അതിനെ വേണ്ട രീതിയിൽ മുതലെടുത്തു   ഉപയോഗിക്കാതെ സംരക്ഷിക്കാതെ എല്ലാം താറുമാറായി കിടക്കുന്നു . ഒരു വശം മുഴുവനായി തന്നെ കടൽ ഉള്ളതും പുഴകളും കായലും വേണ്ടുവോളം  ഉള്ള സംസ്ഥാനമായ കേരളം അതിന്റെ ഗുണം മുതലെടുക്കാതെ പ്രായോഗികമായ രീതിയിൽ ജല ഗതാഗതം ഉണ്ടാക്കാതെ അതിൽ നിന്ന് ജല ടുറിസം എന്ന ആശയത്തിന് നല്ല സാഹചര്യങ്ങൾ ഉണ്ടായിട്ടും അത് പ്രായോഗിക തലത്തിൽ എത്തിക്കാതെ അതിനു  വേണ്ടി ഒന്നും തന്നെ ചെയ്യാത്ത ഒരു ബോർഡും അതിന്റെ മന്ത്രിയും ആണ് കേരളത്തിൽ ഇപ്പോൾ ഉള്ളത് . റോഡുകളാണെങ്കിൽ വേണ്ട രീതിയിൽ അറ്റകുറ്റ പണികൾ നടത്താത്തതും സാങ്കേതികമായരീതിയിൽ ഒന്നും ചെയ്യാത്തതും കാരണം മോശം അവസ്ഥയിൽ ആണ് . ജനസാന്ദ്രത ഇത്രയും ഉള്ള സംസ്ഥാനത്തു റോഡുകൾക്ക് ഒട്ടും തന്നെ വീതി ഇല്ലാത്തതു റോഡപകടങ്ങൾക്കു ആക്കം കൂട്ടുന്നു . പല റോഡുകൾക്കും വേണ്ട നിലവാരമോ ഗുണമോ ഇല്ല എങ്കിലും ഇല്ലാത്ത പൈസ ഉണ്ടാക്കി കോടികളുടെ കടബാധ്യതയിൽ കെ റെയിൽ ഉണ്ടാക്കാൻ കാണിക്കുന്ന മിടുക്കു റോഡിനും പൊതു ഗതാഗതം മെച്ചപ്പെടുത്താനും ഉണ്ടാക്കുകയാണ് വേണ്ടത് . 

നമ്മൾ ഒരു സർക്കാരിനെയോ പാർട്ടി യെയോ പക്ഷം പിടിച്ചോ പുകഴ്‌ത്തിയോ അനാവശ്യമായി വിമർശിച്ചോ മാധ്യമ വിചാരണ നടത്തി ക്രൂശിക്കുകയോ ചെയ്യാറില്ല. പക്ഷെ അടുത്ത് ഉണ്ടായ സംഭവ  വികാസങ്ങളും പ്രത്യേകിച്ച്   ഇന്നലെ ഉണ്ടായ സംഭവത്തിൽ തുറന്നു പറഞ്ഞില്ല എങ്കിൽ മാധ്യമം നടത്തുന്നതിന് പകരം കൂട്ടികൊടുപ്പിനു പോകുന്നതാവും മിണ്ടാതിരിക്കുന്ന  ഏതൊരു മാധ്യമ ത്തിനും നല്ലതു എന്ന് തോന്നിയത് കൊണ്ട് പറഞ്ഞു എന്ന്‌ മാത്രം . ഇതു ഒരു മാധ്യമത്തിന് യോജിച്ച ഭാഷ ആണോ എന്ന്‌ ചോദിച്ചാൽ അല്ല എന്ന്‌ അറിയാം എങ്കിലും സത്യസന്ധമായി നിഷ്പക്ഷമായി ജനങ്ങൾക്ക് വേണ്ടി നിലകൊള്ളുന്ന മാധ്യമം ആയതിനാൽ അവരുടെ ഭാഷയിൽ പറഞ്ഞു എന്ന്‌ മാത്രം . ഇതു ഞങ്ങളുടെ മാത്രം വാക്കല്ല  ജനങ്ങളുടെ വികാരം ഞങ്ങൾ ഒപ്പിയെടുത്തു എഴുതിയതാണ് . സർക്കാർ ഇതിനെ കണ്ടില്ല എന്ന്‌ നടിക്കുകയാണ് എങ്കിൽ ഇതിലും വലിയ പ്രക്ഷോഭങ്ങൾക്കു  ജനങ്ങൾ ഇറങ്ങുക തന്നെ ചെയ്യും. കേരളം കാണാത്ത തരത്തിലായിരിക്കും അത് എന്ന്‌ കൂടി ഓർമിപ്പിച്ചു കൊണ്ട് നിർത്തുന്നു . 

Protest against k rail in kottayam changanasseri MadappalliPhoto Credit : Siju Kuriyedam Sreekumar

Protest against k rail in kottayam changanasseri MadappalliPhoto Credit : Siju Kuriyedam Sreekumar

Protest against k rail in kottayam changanasseri MadappalliPhoto Credit : Siju Kuriyedam Sreekumar

Protest against k rail in kottayam changanasseri MadappalliPhoto Credit : Siju Kuriyedam Sreekumar

Protest against k rail in kottayam changanasseri MadappalliPhoto Credit : Siju Kuriyedam Sreekumar

Protest against k rail in kottayam changanasseri MadappalliPhoto Credit : Siju Kuriyedam Sreekumar

Protest Against Hijab BAN in KeralaPhoto Credit : Siju Kuriyedam Sreekumar

Women rally for gender equality in Kerala by CPMPhoto Credit : Siju Kuriyedam SReekumar

CPI(M) youth wing DYFI holds rally Against CAB and CAAPhoto Credit : Siju Kuriyedam Sreekumar

CAA ProtestPhoto Credit : Siju Kuriyedam Sreekumar

kerala government , kerala Police ,Silverline protest at Madapally

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു