JavaScript is not available.

ഛത്തീസ്ഗഡിലെ / ജഷ്‌പുർ:   ദസറ ആഘോഷത്തിനിടെ ഛത്തീസ്ഗഡിലെ ജഷ്‌പുർ ജില്ലയിൽ തീർഥാടകർക്കിടയിലേക്ക് കഞ്ചാവുമായി എത്തിയ കാർ ഇടിച്ചുകയറി നാല് പേർ മരിച്ചു. മധ്യപ്രദേശ് നമ്പർ പ്ലേറ്റുള്ള കാറാണ് ഇടിച്ചത്. രോഷാകുലരായ നാട്ടുകാർ കാർ അടിച്ചു തകർത്തു കത്തിച്ചു .  16 പേർക്ക് പരുക്കേറ്റു. ജാഷ്പുരിലെ പത്തൽഗാവ് സ്വദേശിയായ ഗൗരവ് അഗർവാൾ (21) ആണ് മരിച്ചവരിൽ ഒരാൾ. പരുക്കേറ്റവരെ പത്തൽഗാവ് സിവിൽ ആശുപത്രിയിൽ പ്രവേശിപ്പിച്ചു. ദുർഗാദേവിയുടെ വിഗ്രഹം നിമജ്ജനം ചെയ്യാൻ നടന്നുപോകുന്ന 20ഓളം തീർഥാടകർക്കിടയിലേക്കാണ് കാർ ഇടിച്ചുകയറിയത്.

    കാറിൽനിന്ന് കഞ്ചാവ് കണ്ടെടുത്തതായി റിപ്പോർട്ടുണ്ട്. രണ്ട് പ്രതികളെ അറസ്റ്റ് ചെയ്തതായി ജില്ലാ പൊലീസ് മേധാവിയുടെ ഓഫിസ് അറിയിച്ചു. മധ്യപ്രദേശിലെ സിംഗ്രോളി സ്വദേശികളായ ബബ്ലു വിശ്വകർമ (21), ശിശുപാൽ സാഹു (26) എന്നിവരാണ് അറസ്റ്റിലായത്. സംഭവത്തിൽ ദുഃഖം രേഖപ്പെടുത്തിയ ഛത്തീസ്ഗഡ് മുഖ്യമന്ത്രി ഭൂപേഷ് ബാഗേൽ അന്വേഷണത്തിന് ഉത്തരവിട്ടു.
 

Chhattisgarh, Patthargaon village in Jaspur. A vehicle ran over crowd on street celebrating Dussehra causing death of 4 with 14 injured. No election state, non BJP ruling state. So we can accept pindrop silence #Chhattisgarh #ChhattisgarhAccident #chhttisgarhdussehraaccident pic.twitter.com/tnUK3Wih6N

— Siju Kuriyedam Sreekumar (@sijusreekumar) October 15, 2021