JavaScript is not available.

ഡൽഹി : കേരള പിറവി ദിനാഘോഷങ്ങളെക്കുറിച്ച്  ആലോചിക്കാൻ കേരളാ ഹൌസിൽ വിളിച്ചു ചേർത്ത യോഗത്തിൽ വീണ്ടും ഡൽഹിയിലെ മലയാളി സംഘടനകളെ അവഗണിച്ച് കേരളാ ഹൌസ് അധികൃതർ. കേരളാ ഹൌസ്  അധികൃതർ വിളിച്ച   യോഗത്തിൽ നവോദയം , ബാലഗോകുലം , ഗായത്രി  ഉൾപ്പെടെയുള്ള മലയാളി സംഘടനകളെ ഒഴിവാക്കുകയും ഇടതുപക്ഷ ആഭിമുഖ്യമുള്ള സംഘടനയെ ഉൾപ്പെടുത്തുകയും ചെയ്ത കേരളാ ഹൌസ് അധികൃതരുടെ നടപടി അങ്ങേയറ്റം പ്രതിഷേധാർഹമാണ്.
ഏതാനും വർഷങ്ങൾക്കു മുൻപ് കേരളാ സർക്കാരിന്റെ പ്രത്യേക പ്രതിനിധി ഡോ. എ സമ്പത്ത് വിളിച്ചു ചേർത്ത യോഗത്തിലും ഡൽഹിയിലെ പ്രമുഖ മലയാളി സംഘടനകളെ ഒഴിവാക്കിയിരുന്നു. അന്ന് വ്യാപകമായ പ്രതിഷേധങ്ങളെ തുടർന്ന് ഇനി ഇത്തരം സംഭവങ്ങൾ  ആവർത്തിക്കില്ലെന്ന് കേരളാ ഹൌസ് അധികൃതർ ഉറപ്പ് നൽകിയിരുന്നു.
ഇതേക്കുറിച്ചു കേരളാ ഹൌസ് ഇൻഫർമേഷൻ ഓഫീസിൽ വിളിച്ചപ്പോൾ റെസിഡന്റ് കമ്മീക്ഷണർ ആണ് 3 സംഘടനകളെ വിളിക്കാൻ തീരുമാനം എടുത്തത് എന്നാണ് അറിയിച്ചത്. എന്നാൽ റെസിഡന്റ് കമ്മിഷണർ പറയുന്നത് അദ്ദേഹത്തിന് അറിയില്ല എന്നാണ്.
ഡൽഹിയിലെ എല്ലാ മലയാളികളെയും കക്ഷി, രാഷ്ട്രീയ ഭേദമെന്യേ പരിഗണിക്കേണ്ട കേരളാ ഹൗസിനെ സി പി എം അനുകൂല സംഘടനയുടെ  വരുതിയിലാക്കാൻ നടക്കുന്ന ഇത്തരം പ്രവർത്തനങ്ങൾ അത്യന്തം അപലപനീയവും, ആശങ്കാ ജനകവും ആണ്.
ഡൽഹിയിലെ എല്ലാ മലയാളി സംഘടനകളെയും ഒരുമിച്ചു നിർത്താൻ 
ഇടതു പക്ഷ സർക്കാർ ശ്രമിക്കുമ്പോഴാണ് കേരളാ ഹൌസ് ഇത്തരത്തിൽ ഉള്ള വിഭാഗീയ പ്രവർത്തനങ്ങൾ നടത്തുന്നത് എന്നതാണ് ഏറ്റവും വൈരുദ്ധ്യം.