JavaScript is not available.

കൊച്ചി ∙ കോവിഡ് പശ്ചാത്തലമാക്കി എറണാകുളം സ്വദേശി അനൂപ് രാധാകൃഷ്ണൻ വരച്ച കാർട്ടൂണിന് ലളിതകലാ അക്കാദമി മികച്ച കാർട്ടൂണിനുള്ള പുരസ്കാരം നൽകിയതിനെതിരെ ഹൈക്കോടതിയിൽ ഹർജി. ഹൈന്ദവീയം ഫൗണ്ടേഷനാണ് ഹൈക്കോടതിയെ സമീപിച്ചിരിക്കുന്നത്. ദേശദ്രോഹപരമായ കാർട്ടൂണിന് അംഗീകാരം നൽകിയത് പിൻവലിക്കണമെന്നാണ് ആവശ്യം.

ജസ്റ്റിസ് എൻ.നഗരേഷിനു മുൻപാകെ എത്തിയ ഹർജി ഫയലിൽ സ്വീകരിച്ചു. പിന്നീട് പരിഗണിക്കുന്നതിനു മാറ്റിവച്ചു. ഇൗ കാർട്ടൂണിന് അവാർഡ് നൽകിയതിനെതിരെ നേരത്തേതന്നെ പ്രതിഷേധം ഉയർന്നിരുന്നു. യുവമോർച്ച ഉൾപ്പെടെയുള്ള സംഘടനകൾ പ്രതിഷേധ റാലികളും നടത്തി.