JavaScript is not available.

തൃശൂർ സ്വരാജ് റൌണ്ടിൽ നടുവിലാലിനു സമീപം മൂന്നുപേർ തമ്മിലുള്ള തർക്കം വാക്കേറ്റവും തുടർന്ന് അതിലൊരാൾ കൈവശം കരുതിയിരുന്ന കത്തിയെടുത്ത് മറ്റെയാളെ കുത്താൻ ശ്രമിക്കുന്നതിനിടെയാണ് നഗരത്തിൽ പട്രോളിങ്ങ് നടത്തിയിരുന്ന പിങ്ക് പോലീസ് വാഹനം അതുവഴി വന്നത്. 
സംഭവം കണ്ട പിങ്ക് പോലീസിലെ സീനിയർ സിവിൽ പോലീസ് ഓഫീസർമാരായ ടി.കെ. ഗീത, കെ.വി രാജി എന്നിവർ പോലീസ് വാഹനം അവിടെ നിർത്തി, അക്രമികളുടെ അടുത്തേക്ക് ചെന്നു. നഗരമധ്യത്തിലായിരുന്നതുകൊണ്ടുതന്നെ പെട്ടെന്നുതന്നെ അവിടെ ആൾക്കൂട്ടം രൂപപ്പെട്ടു. 

അക്രമികളോട് അനുനയത്തോടെ സംസാരിക്കാമെന്നു കരുതി, പോലീസുദ്യോഗസ്ഥർ അവരുടെ അടുത്തെത്തി, അക്രമം നിർത്തുന്നതിനും, ആയുധം ഉപേക്ഷിക്കുവാനും ആവശ്യപ്പെട്ടു. അവർ തമ്മിലുള്ള തർക്കം ഒരു പക്ഷേ, കൊലപാതകത്തിലേക്ക് വരെ എത്താൻ സാധ്യതയുണ്ടെന്നു മനസ്സിലാക്കിയ ഗീത, ഇക്കാര്യം വയർലെസ് മുഖാന്തിരം കൺട്രോൾ റൂമിലേക്ക് അറിയിക്കുകയുണ്ടായി. അതേസമയം വനിതാ പോലീസുദ്യോഗസ്ഥരല്ലേയെന്നു കരുതി, അക്രമികൾ പരസ്പരം പോർവിളി തുടരുകയായിരുന്നു.
തങ്ങളുടെ നിർദ്ദേശം അക്രമികൾ അനുസരിക്കാൻ തയ്യാറാകുന്നില്ലെന്നു മനസ്സിലാക്കിയ വനിതാ പോലീസുദ്യോഗസ്ഥർ,  അക്രമികൾ മൂന്നുപേരേയും ബലപ്രയോഗത്തിലൂടെ തള്ളിമാറ്റി. അതേ സമയം അക്രമികളിലൊരാൾ മറ്റേയാളെ അടിച്ചു വീഴ് ത്തുകയും, അടികൊണ്ട് നിലത്തുവീണയാളെ കത്തികൊണ്ട് കുത്താൻ ശ്രമിക്കുകയും ചെയ്തു. നിമിഷനേരം കൊണ്ട് അതിസാഹസികമായി വനിതാ പോലീസുദ്യോഗസ്ഥർ അവരുടെ മേൽ ചാടിവീണ്, കത്തി തട്ടിമാറ്റുകയും, അക്രമിയുടെ കയ്യിൽ നിന്നും കത്തി മറ്റൊരിടത്തേക്ക് തെറിച്ചുപോവുകയും ചെയ്തു. തുടർന്ന് നിലത്തുവീണുകിടന്നയാളെ എഴുന്നേൽപ്പിക്കുകയും ചെയ്തു. 

അൽപ്പസമയം കൊണ്ടുതന്നെ കൺട്രോൾ റൂം വാഹനത്തിൽ കൂടുതൽ പോലീസുദ്യോഗസ്ഥരെത്തിയപ്പോൾ ഓടിരക്ഷപ്പെടാൻ ശ്രമിച്ച ഇവരെ പോലീസുദ്യോഗസ്ഥർ പിടികൂടി. ഇവർക്കെതിരെ ഈസ്റ്റ് പോലീസ് സ്റ്റേഷനിൽ കേസ് രജിസ്റ്റർ ചെയ്തു. പ്രതികൾ വിവിധ സ്റ്റേഷനുകളിലായി നിരവധി കേസുകളിലെ പ്രതികളാണെന്ന് അന്വേഷണത്തിൽ അറിവായിട്ടുണ്ടെന്നും ഈസ്റ്റ് പോലീസ് പറഞ്ഞു.

വനിതാ പോലീസുദ്യോഗസ്ഥരുടെ സമയോചിതവും ആത്മവിശ്വസത്തോടെയുമുള്ള ഇടപെടലിലാണ് അക്രമികളെ കീഴടക്കുന്നതിനും, ക്രമസമാധാനം സംരക്ഷിക്കുന്നതിനും ഇടയാക്കിയത്. മാതൃകാപരമായി ഡ്യൂട്ടി നിർവ്വഹിച്ച പിങ്ക് പോലീസ് സീനിയർ സിവിൽ പോലീസ് ഓഫീസർമാരായ ടി.കെ. ഗീത, കെ.വി രാജി എന്നിവർക്ക് തൃശൂർ സിറ്റി പോലീസിന്റെ അഭിനന്ദനങ്ങൾ.


Proud of Thrissur Pink Police Geetha And Raji  

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു