JavaScript is not available.

കൊച്ചി: അനധികൃത സ്വത്ത് സമ്പാദന കേസില്‍ മുസ്ലിം ലീഗ് നേതാവും മുന്‍ എം എല്‍ എയുമായ കെ എം ഷാജിയുടെ ഭാര്യയുടെ സ്വത്ത് എന്‍ഫോഴ്‌സ്‌മെന്റ് ഡയറക്ടറേറ്റ് (ഇ ഡി) കണ്ടുകെട്ടി. ഇഡി വാർത്താ കുറിപ്പിലാണ് ഇക്കാര്യം വ്യക്തമാക്കിയത്.  കണ്ണൂർ അഴീക്കോട് ഹയർ സെക്കന്ററി സ്കൂളിൽ പ്ലസ് ടു അനുവദിക്കാൻ മുൻ എംഎൽഎയും മുസ്ലിം ലീഗ് നേതാവുമായ കെ എം ഷാജി 25 ലക്ഷം രൂപ കോഴ വാങ്ങിയെന്ന കേസിൽ ഷാജിയുടെ ഭാര്യ ആശയുടെ 25 ലക്ഷം രൂപ വരുന്ന സ്വത്തു വകകൾ എൻഫോഴ്സ്മെന്റ് ഡയറക്ട്രേറ്റ് (ഇഡി) കണ്ടുകെട്ടി. കെ എം ഷാജി എം എല്‍ എയായിരുന്ന അഴീക്കോട് മണ്ഡലത്തിലെ സ്‌കൂളിന് പ്ലസ് ടു ബാച്ച് അനുവദിക്കാന്‍ മാനേജ്മെൻ്റിൽ നിന്ന് 25 ലക്ഷം കോഴ വാങ്ങിയെന്നതിലാണ് ഇ ഡി കേസെടുത്തിരുന്നത്. ഈ കേസില്‍ കെ എം ഷാജിയെയും ഭാര്യയെയും നിരവധി തവണ ഇ ഡി ചോദ്യം ചെയ്തിരുന്നു. 

 ആശ ഷാജിയുടെ പേരിൽ വേങ്ങേരി വില്ലേജിൽ നിർമ്മിച്ച വീട് അടക്കമുള്ള സ്വത്തുക്കളാണ് കണ്ടുകെട്ടിയതെന്ന് ഇഡി അറിയിച്ചു. വിജിലൻസ് റിപ്പോർട്ട് പ്രകാരമാണ് കേസിൽ ഇഡി അന്വേഷണം ആരംഭിച്ചത്. ഇഡിയുടെ അന്വേഷണത്തിൽ കോഴ പണം ഉപയോഗിച്ചാണ് വീട് നിർമ്മിച്ചതെന്ന് കണ്ടെത്തി.

എംഎൽഎയായിരിക്കെ 2016ൽ അഴീക്കോട് സ്കൂളിൽ പ്ലസ് ടു കോഴ്സ് അനുവദിക്കാൻ സ്കൂൾ മാനേജ്മെന്റിൽ നിന്നും അധ്യാപകൻ വഴി 25 ലക്ഷം രൂപ കോഴ വാങ്ങിയെന്നാണ് ആരോപണം. പിന്നീട് ഈ അധ്യാപകന് സ്കൂളിൽ സ്ഥിര നിയമനം നൽകി. ഷാജി കോഴ വാങ്ങിയ കാര്യം ലീഗ് നേതാവാണ് വെളിപ്പെടുത്തിയത്.

സ്കൂൾ മാനേജ്മെന്റിൽ നിന്നും വാങ്ങിയ പണം ഉപയോഗിച്ചാണ് ആശ ഷാജിയുടെ പേരിൽ വീട് നിർമ്മിച്ചതെന്ന് ഇഡി കണ്ടെത്തി. കൂടുതൽ അന്വേഷണം നടന്നു വരികയാണെന്ന് ഇഡി വാർത്താ കുറിപ്പിൽ പറയുന്നു.

2020 ഏപ്രിലിൽ കണ്ണൂർ വിജിലൻസാണ് ഷാജിക്കെതിരെ അന്വേഷണം ആരംഭിച്ചത്. ഈ കേസിൽ അന്വേഷണം ഇപ്പോഴും തുടരുകയാണ്. നിയമസഭാ തെരഞ്ഞെടുപ്പ് കാലത്തടക്കം കോഴിക്കോട് ഓഫീസിൽ വിളിച്ചു വരുത്തി ഷാജിയെ ഇഡി ചോദ്യം ചെയ്തിരുന്നു.


 Enforcement directorate confiscated k m shajis wifes assets

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു