JavaScript is not available.

മുംബൈ: ഭാരത് ജോഡോ യാത്രയിൽ ദേശീയ ഗാനത്തിന് പകരം നേപ്പാളിലെ ദേശീയ ഗാനം   തെറ്റായി പ്ലേ ചെയ്ത സംഭവം വിവാദമാകുന്നു. മഹാരാഷ്ട്രയിലെ വാഷിമിൽ നടന്ന യോഗത്തിലാണ് ദേശീയ ​ഗാനത്തിന് പകരം മറ്റൊരു ​ഗാനം കേൾപ്പിച്ചത്. അബദ്ധം മനസ്സിലാക്കി രാഹുൽ​ഗാന്ധി തന്നെ ഇടപെട്ട് ​ഗാനം നിർത്തിച്ചെങ്കിലും ഇതിന്റെ ദൃശ്യങ്ങൾ വ്യാപകമായി പ്രചരിക്കുകയാണ്. ഇതിനിടെ, സംഭവത്തെ രാഷ്ട്രീയ ആയുധമാക്കി മാറ്റുകയാണ് ബിജെപി.

വാഷിമിൽ പ്രസംഗത്തിന് ശേഷം രാഹുൽ ഗാന്ധി പരിപാടിയുടെ സമാപനം പ്രഖ്യാപിക്കുകയും ദേശീയ ഗാനം കേൾപ്പിക്കാൻ ആവശ്യപ്പെടുകയും ചെയ്തു. കോൺഗ്രസ് നേതാക്കളെല്ലാം വേദിയിൽ നിൽക്കുമ്പോൾ ആണ്  സംഭവം നടന്നത്  . എന്നാൽ ദേശീയ ഗാനത്തിന് പകരം വേദിയിൽ നേപ്പാളിലെ ദേശീയ  ഗാനമാണ് മുഴങ്ങിയത്.തുടർന്ന് രാഹുൽ ഗാന്ധി നേതാക്കളോട് ആംഗ്യം കാണിക്കുകയും ആ ഗാനം നിർത്തി ഉടൻ തന്നെ ജനഗണമന പ്ലേ ചെയ്യുകയും ചെയ്തു.

ദേശീയ ഗാനത്തിന് പകരം നേപ്പാളിലെ ദേശീയ ഗാനം പ്ലേ ചെയ്ത വീഡിയോ സോഷ്യൽമീഡിയയിൽ വ്യാപകമായി പ്രചരിച്ചു. ഇതിന് പിന്നാലെയായിരുന്നു ബിജെപിയുടെ വിമർശനം.തമിഴ്നാട് ബി.ജെ.പി നേതാവ് അമർ പ്രസാദ് റെഡ്ഡി, ‘രാഹുൽഗാന്ധി എന്താണിത്?’ എന്ന തലക്കെട്ടോടെ വീഡിയോ ഷെയർ ചെയ്യുകയും ചെയ്തു.

സെപ്തംബർ ഏഴിന് തമിഴ്നാട്ടിലെ കന്യാകുമാരിയിൽ നിന്ന് ആരംഭിച്ച ഭാരത് ജോഡോ യാത്ര ഇതുവരെ ആറ് സംസ്ഥാനങ്ങളിലായി 28 ജില്ലകളിൽ സഞ്ചരിച്ച് നിലവിൽ മഹാരാഷ്ട്രയിലെ അകോല ജില്ലയിലാണ്. നവംബർ 20ന് യാത്ര മധ്യപ്രദേശിൽ പ്രവേശിക്കും.

Video Link  https://youtu.be/SQdTtZhIRIg

Dear @RahulGandhi , what is this? Your party changed our national anthem @DDNational @ndtv @timesofindia @nytimes @INCDelhi @INCKerala @INCIndia @VisumExpresso #sijukuriyedamsreekumar #NationalAnthem @AmarUjalaNews @SoniaGandhiiINC pic.twitter.com/iBaFs3NO1m

— Siju Kuriyedam Sreekumar (@sijusreekumar) November 17, 2022

Congress party changed our national anthem in Bharat Jodo Yatra at Maharashtra