JavaScript is not available.

ശ്രീനഗര്‍: അമര്‍നാഥ് തീര്‍ഥാടകര്‍ക്ക് നേരെ ആക്രമണം നടത്താന്‍ പദ്ധതിയിട്ടതിനെ തുടര്‍ന്ന് അറസ്റ്റിലായ ലഷ്‌കര്‍ ഭീകരന്‍ താലിബ് ഹുസൈന്‍ ഷാ യെ  ചോദ്യം ചെയ്തതിൽ നിന്ന്  പുറത്തുവരുന്നത് ഞെട്ടിക്കുന്ന വിവരങ്ങൾ . ഇന്ത്യയിൽ  തീവ്രവാദ പ്രവർത്തനം നടപ്പാക്കാൻ ഇന്ത്യയിലെ ഭരണകഷിയും കൂടുതൽ സംസ്ഥാങ്ങളിൽ ഭരിക്കുന്നതുമായ ബിജെപി യുടെ  ന്യൂന പക്ഷ മോർച്ചയിൽ കയറിപറ്റി ഹിന്ദുക്കൾക്കും മുസ്ലിമുകൾക്കും എതിരെ കലാപം ഉണ്ടാക്കി രാജ്യത്തു ഭീകരാന്തരീക്ഷം സൃഷ്ട്ടിക്കാൻ പദ്ധതിയും നടക്കുന്നതായി റിപ്പോർട്ട് .  

 ബിജെപി ന്യൂന പക്ഷ മോർച്ചയിൽ കയറിപ്പറ്റിയാൽ ആരും സംശയിക്കില്ല എന്ന വിശ്വാസം ആണ്   തീവ്രവാദ ബന്ധമുള്ളവർ ബിജെപി ന്യൂന പക്ഷ മോർച്ചയിൽ ഓൺലൈൻ വഴി അഗത്വം എടുക്കുകയോ അല്ലെങ്കിൽ  ന്യൂന പക്ഷ മോർച്ചയുമായി ചേർന്ന് പ്രവർത്തിക്കുകയോ ചെയ്യാൻ കാരണം എന്നാണ് വിലയിരുത്തൽ . ഉദയ്പൂർ കൊലപാതകക്കേസിലെ പ്രതികളും ബിജെപി ന്യൂന പക്ഷ മോർച്ചയുമായി പ്രവർത്തിക്കാൻ മൂന്ന് കൊല്ലം ശ്രമം നടത്തിയിരുന്നു എന്ന് തെളിഞ്ഞിരുന്നു . 

 അമര്‍നാഥ് തീര്‍ഥാടകര്‍ക്ക് നേരെ ആക്രമണം നടത്താന്‍ പദ്ധതിയിട്ടതിനെ തുടര്‍ന്ന് അറസ്റ്റിലായ ലഷ്‌കര്‍ ഭീകരന്‍ ബിജെപിയുെട മുന്‍ ഐടി സെല്‍ തലവന്‍ ആയി പ്രവർത്തിച്ചിരുന്നു എന്നാണ് റിപോർട്ടുകൾ പറയുന്നത് . പിടിയിലായ താലിബ് ഹുസൈന്‍ ഷാ ബിജെപിയുടെ സജീവ പ്രവര്‍ത്തകനും ന്യൂനപക്ഷ മോര്‍ച്ചയുടെ ജമ്മുവിലെ ഐടി സെല്‍ ചുമതലക്കാരനുമായിരുന്നു. നാട്ടുകാരുടെ സഹായത്തോടെയാണ് ജമ്മു കശ്മീര്‍ പോലീസ് ഭീകരരെ പിടികൂടിയത്. ഇവരുടെ പക്കല്‍ നിന്ന് എ.കെ 47 തോക്കുകളുള്‍പ്പെടെയുള്ള ആയുധങ്ങളും പിടിച്ചെടുത്തിരുന്നു.

  ഓണ്‍ലൈന്‍ വഴിയുള്ള അംഗത്വ ക്യാമ്പയിനാണ് ആളുകളുടെ പശ്ചാത്തലം പരിശോധിക്കാതെ സംഘടനയ്ക്കുള്ളില്‍ നുഴഞ്ഞ് കയറാന്‍ കാരണമാവുന്നതെന്നാണ് ബിജെപി നേതൃത്വം പറയുന്നത് . ഇതൊരു പുതിയ രീതിയാണെന്നും ബിജെപിയുടെ ഭാഗമായി വിശ്വാസ്യത നേടിയെടുത്ത ശേഷം ക്രിമിനല്‍ പ്രവര്‍ത്തനങ്ങള്‍ നടത്തുന്നതാണ് ഇത്തരക്കാരുടെ രീതിയെന്നും പാര്‍ട്ടി വക്താവ് ആര്‍.എസ് പത്താനിയ പറഞ്ഞു. ജമ്മുവിലെ റിയാസിയില്‍ നിന്ന് ഞായറാഴ്ചയാണ് പോലീസ് താലിബ് ഹുസൈന്‍, ഫൈസല്‍ അഹമ്മദ് ധര്‍ എന്നിവരെ പിടികൂടിയത്.

ഇവര്‍ ലഷ്‌കര്‍-ഇ-ത്വയ്ബയുമായി ചേര്‍ന്ന് ഭീകരപ്രവര്‍ത്തനം നടത്തുന്നവരാണെന്ന് പോലീസ് പറഞ്ഞു. രജൗരിയിലേയും തെക്കന്‍ കശ്മീരിലേയും നിരവധി തീവ്രവാദ കേസുകളില്‍ പോലീസ് അന്വേഷിച്ചുനടക്കുന്ന കുറ്റവാളികള്‍ കൂടിയാണ് പിടിയിലായവര്‍. ഇവരില്‍ നിന്ന് രണ്ട് തോക്കുകളും പിസ്റ്റളുകളും ഗ്രനേഡുകളും വെടിമരുന്നുകളും കണ്ടെടുത്തിട്ടുണ്ട്. സുരക്ഷാസേന ഇവര്‍ക്കായുള്ള തിരച്ചില്‍ നേരത്തെ തന്നെ ആരംഭിച്ചിരുന്നു.

രക്ഷപ്പെടാനായി തുക്സോണ്‍ ധാക് മേഖലയില്‍ ഒളിച്ച ഇവരെ പ്രദേശവാസികള്‍ തിരിച്ചറിഞ്ഞു. നാട്ടുകാരാണ് ഇവരെ പിടികൂടിയതും പോലീസിനേയും സൈന്യത്തേയും അറിയിച്ചതുമെന്നും ജമ്മു കശ്മീര്‍ പോലീസ് എഡിജിപി മുകേഷ് സിങ് പറഞ്ഞു. കുറ്റവാളികളെ കണ്ടെത്തുന്നവര്‍ക്കായി പോലീസ് നേരത്തെ പ്രഖ്യാപിച്ച അഞ്ച് ലക്ഷം രൂപ പാരിതോഷികം നല്‍കുമെന്നും അദ്ദേഹം വ്യക്തമാക്കി. കഴിഞ്ഞ വര്‍ഷം രജൗരിയിലുണ്ടായ ഭീകരാക്രമണത്തിന്റെ മുഖ്യസൂത്രധാരകര്‍ പിടിയിലായ താലിബ് ഹുസൈന്‍ ആണ്.

അമര്‍നാഥ് യാത്രസംഘത്തിന് നേരെ ആക്രമണം പദ്ധതിയിട്ടതിന് പിന്നിലും താലിബ് ഹുസൈന്‍ ആണെന്നാണ് പോലീസ് പറയുന്നത്. ഓണ്‍ലൈന്‍ വാര്‍ത്താപോര്‍ട്ടല്‍ നടത്തുന്ന താലിബ് ഹുസൈന്റെ സോഷ്യല്‍ മീഡിയ അക്കൗണ്ടില്‍ നിരവധി ബിജെപി നേതാക്കള്‍ക്കൊപ്പമുള്ള ചിത്രങ്ങള്‍ പോസ്റ്റ് ചെയ്തിട്ടുണ്ടെന്നും പോലീസ് പറഞ്ഞു. ഇക്കഴിഞ്ഞ മെയ് 9-ന് ആണ് താലിബ് ഹുസൈനെ ബിജെപി ജമ്മു മേഖലയിലെ ന്യൂനപക്ഷ മോര്‍ച്ചയുടെ ഐടി സെല്‍ ചുമതലക്കാരനായി നിയമിച്ചത്.

Lashkar Terrorist Caught In Jammu Was BJP's minority morcha  IT Cell Chief