JavaScript is not available.

  കലയിലും രാഷ്ട്രീയവും , മതവും കാണുന്ന നാടായി  കേരളം അധഃപതിച്ചു എന്ന് കാണുമ്പോൾ വിഷമം ഉണ്ട് . ഇതേ പറ്റി എഴുതണ്ട എന്നു കരുതിയതാണ് പക്ഷെ നമ്മുടെ   കുറച്ചു വായനക്കാർ അഭിപ്രായം അറിയാൻ   പല സ്ഥലങ്ങളിലും നിന്ന് എഴുതി ചോദിച്ച കാരണം എഴുതുന്നു . 

ഒരു നല്ല കലാസൃഷ്ട്ടിയെ മതത്തിന്റെയും രാഷ്ട്രീയത്തിന്റെയും നിറം കൊടുത്താൽ ഇല്ലാതാക്കാം എന്ന ഹിഡൻ അജണ്ടയിടെ ഭാഗമാണോ  എന്നു തോന്നി പോകും . അതിനു ഉത്തമ ഉദാഹരണമാണ് ഈ അടുത്ത് ഇറങ്ങിയ  സുരേഷ് ഗോപി ചിത്രവും , മോഹൽലാൽ ചിത്രവും ഇപ്പോൾ ദാ ഉണ്ണിമുകുന്ദൻ ചിത്രമായ മേപ്പടിയാൻ ഇകഴ്ത്തുന്നതും . മേപ്പടിയാൻ  കാണരുത് എന്ന് പറഞ്ഞു സോഷ്യൽ മീഡിയയിൽ  നെഗറ്റീവ് കമെന്റ്സ്   തുടങ്ങിയതും അതിനാലാണ് . 

മേപ്പടിയാൻ എന്ന ചിത്രത്തിന്റെ നിർമാതാവും അഭിനേതാവും ആയ ഉണ്ണി മുകുന്ദനും  , സംവിധായകനും ആവർത്തിച്ചു വന്നു പറയേണ്ട ഗതികേട് തന്നെ ഉണ്ടായി സാക്ഷര കേരളത്തിൽ . ഒന്ന് ആലോചിച്ചു നോക്കു സാക്ഷരതയിൽ ഒന്നാം സ്ഥാനത്തുള്ള ഒരു സംസ്ഥാനത്തിലെ സിനാമാ നിര്മാതാവിന്റെയയും സംവിധായകന്റെയും ഒരു ഗതികേട്  . എന്തിനും കേമം എന്ന് ഊറ്റം കൊള്ളുന്ന മലയാളികൾക്കിടയിലാണ്  ഇത്രക്ക് സംസ്ക്കാരശൂന്യരായ   ആളുകൾ  ഉള്ളത് എന്ന് കാണുമ്പോൾ  വിഷമം തോന്നുന്നു . 

ഉണ്ണി  മുകുന്ദൻ  ഫിലിംസ് ന്റെ ബാനറിൽ വിഷ്ണു മോഹൻ കഥ  എഴുതി സംവിധാനം ചെയുന്ന മേപ്പടിയാനിൽ ഉണ്ണിമുകുന്ദനെ  കൂടാതെ മേജർ  രവി , സൈജു കുറുപ്പ് ,  അജു  വര്ഗീസ് , അഞ്ചു  കുരിയൻ , ഇന്ദ്രൻസ് ,ടി . ജി . രവി , ശ്രീജിത്ത്  രവി , കലാഭവൻ  ഷാജോൺ ,ശങ്കർ  രാമകൃഷ്ണൻ  ,കുണ്ടറ  ജോണി , നൂറിന്  ഷെരീഫ് , വിജയ്  ബാബു , പോളി  വത്സൻ , നിഷ  സാരംഗ് അങ്ങിനെ വലിയ ഒരു താര നിര തന്നെ ഉണ്ട്.  കൂടാതെ ശ്രീനിവാസനും , ലാലു അലക്‌സും , വിജയരാഘവനും കൂടി ആയപ്പോൾ എക്കാലത്തെയും വലിയ താരനിരകളിൽ ഇടം പിടിച്ചു മേപ്പടിയാനും   .

പ്രശ്നങ്ങളുടെ തുടക്കം എങ്ങനെ എന്നു നോക്കാം  .  മേപ്പടിയാൻ എന്ന  സിനിമയിൽ ആംബുലൻസിന്റെ കുറച്ചു സീൻ ഉണ്ട് അതിനായി നിർമാതാവും അഭിനേതാവുമായ ഉണ്ണി മുകുന്ദൻ  പല ആംബുലൻസിന്റെ  ഉടമകളെയും സമീപിച്ചപ്പോൾ വലിയ തുകയാണ് പ്രതി ദിന വാടകയായി പറഞ്ഞത് . കുറച്ചു ദിവസം വേണ്ടി വരും എന്നതിനാൽ അത് വലിയ സാമ്പത്തിക ബാധ്യത ഉണ്ടാക്കും എന്ന ചിന്തയിൽ ആയിരുന്നു സംവിധായകനും . അപ്പോൾ ആണ് സേവാഭാരതി തങ്ങളുടെ ആംബുലൻസ് ഫ്രീ ആയി തരാം എന്ന് പറഞ്ഞത്  . അതിനാൽ സേവാഭാരതിയുടെ ആംബുലൻസ് അവർ സിനിമക്കായി ഉപയോകിഗിക്കുകയും ചെയ്തു . സേവാഭാരതിക്കു കുഴപ്പം  ഇല്ല എന്ന് പറഞ്ഞതിനാൽ  എല്ലാ സീനിലും മറ്റു സ്റ്റിക്കർ ഒട്ടിക്കാതെ  സേവാഭാരതി എന്നു എഴുതിയ ആംബുലൻസ് തന്നെ ആണ് കാണിക്കുന്നത് . ഇതിന്റെ പേരിൽ സിനിമയെ ഒരു സംഘി ചിത്രമായി ചിത്രീകരിച്ചു ഇകഴ്ത്തുന്നു .

  ഇത്തരം വിലകുറഞ്ഞ ആരോപണങ്ങൾ ഉന്നയിച്ചു ഒരു കലാസൃഷ്ട്ടിയെ ഇല്ലാതാക്കാൻ നോക്കുന്ന തരത്തിലേക്ക് അധപതിച്ചുവോ കേരളം ? . ഹിന്ദുത്വം ഒളിച്ചു കടത്തുന്നുവെന്ന ആക്ഷേപമാണ് പരക്കെ മേപ്പടിയനെ പറ്റി  കേട്ടിരുന്നത്. രണ്ട് മണിക്കൂർ തികച്ചില്ലാത്ത ചിത്രത്തിൽ എവിടെയാണ് ആ ഹിഡൻ അജണ്ടയെന്ന് ആവർത്തിച്ചു നോക്കിയിട്ടും കണ്ടെത്താനായില്ല എന്നാണ് പ്രേക്ഷകർ പറയുന്നത് . നെറ്റിയിലെ കുറിയും കഴുത്തിലെ രുദ്രാക്ഷവും മരം പതിച്ച ഉമ്മറക്കോലായും സേവാഭാരതിയുടെ ആംബുലൻസും ,സന്ദര്ഭങ്ങൾക്കു അനുസരിച്ചു  കാവിമുണ്ടും , കറുത്ത മുണ്ടും ഉടുത്ത നായകൻ  ഒക്കെ ആണോ ഒരു സിനിമയെ എങ്ങനെ ഇകഴ്ത്താൻ കാരണം . നായകൻ സിനിമയിലെ കഥക്കനുസരിച്ചു പല വേഷത്തിലും ഭാവത്തിലും വരും അതിനെ ഇങ്ങനെ ചിത്രീകരിക്കേണ്ട ആവശ്യം ഉണ്ടോ സിനിമയെ സിനിമയായി കാണാൻ മനസുണ്ടാവണം . അല്ല എങ്കിൽ പല നല്ല കലാസൃഷ്ട്ടിയും  നമുക്ക് നഷ്ട്ടമാകും. പല കലാകാരന്മാരുടെ അഭിനയ മികവും നമുക്ക് അനുഭവിക്കാൻ യോഗം ഇല്ലാതെ പോകും .ഒരു സിനിമയിൽ നായകൻ രാഷ്ട്രീയക്കാരനോ   ഒരു മത നേതാവോ അല്ലെങ്കിൽ  അത്തരം വേഷങ്ങളോ ആണെകിൽ  ആ സിനിമ ഓടിക്കാൻ പറ്റില്ല എന്ന   അവസ്ഥയിലേക്ക് കേരളം അധഃപതിച്ചുവോ ? അദ്വിതവും , പരിണയവും , അഗ്നിസാക്ഷിയും ,  ദേശാടനവും , കളിയാട്ടവും , എന്തിനു സ്വാമി അയ്യപ്പൻ വരെ ഹിറ്റാക്കിയ നാടാണ് കേരളം എന്ന് ഓർക്കണം  ദയവു ചെയ്തു കഥയെ കഥയായും    കലയെ കലയായും  മാത്രം കാണുക . അതിൽ രാഷ്ട്രീയമോ മതമോ കലർത്തരുത് .  ഇതു എല്ലാ കാര്യത്തിലും പാലിച്ചാൽ ലോകം തന്നെ മാറി മറയും എന്നും ഇതോടൊപ്പം കൂട്ടി ചേർക്കുന്നു .  

മേപ്പടിയാൻ ഒരു നല്ല സിനിമ ആണ് എന്നാണ് പരക്കെ ഉള്ള പ്രതികരണം . നിങ്ങളും കോവിഡ് മാനദണ്ഡങ്ങൾ പാലിച്ചു സിനിമ കാണുക  അഭിപ്രായം പറയുക വിലയിരുത്തുക , തെറ്റുകളും കുറ്റങ്ങളും ചൂണ്ടി കാണിക്കണം പക്ഷെ അത് കണ്ട ശേഷം മാത്രം, അല്ലാതെ ഇകഴ്ത്തുകയല്ല വേണ്ടത് . വലിയോരിലോകം  നന്നാവാൻ ചെറിയോരു മനസു നന്നായാൽ  മതി  അതാണ് എനിക്ക് ഈ സന്ദർഭത്തിൽ  പറയാനുള്ളത് . 

Unni mukundan movie Meppadiyan and seva bharathi ambulance issue

Unni Mukundan in front off seva bharathi ambulance in Meppadiyan moviePhoto Credit : Siju Kuriyedam Sreekumar

MeppadiyanPhoto Credit : Siju Kuriyedam Sreekumar