JavaScript is not available.

കരിപ്പൂർ: സംസ്ഥാനത്ത് വിമാനത്താവളം വഴിയുള്ള സ്വർണകടത്ത് വർധിക്കുന്ന സാഹചര്യത്തിൽ കോഴിക്കോട് വീണ്ടും സ്വർണകടത്ത്. വിമാനത്താവളത്തിൽ സ്വർണം കടത്താൻ ശ്രമിച്ച വിമാന ജീവനക്കാരനാണ് പിടിയിലായത്. കരിപ്പൂർ കരുവാംകല്ല് സ്വദേശി മുഹമ്മദ് ഷമീം (35) ആണ് പിടിയിലായത്. സിഐഎസ്എഫാണ് മൂന്ന് കിലോയോളം സ്വർണ മിശ്രിതവുമായി ജീവനക്കാരനെ പിടിച്ചത്. എയർലൈൻ ഗ്രൗണ്ട് സ്റ്റാഫാണ് സംഭവത്തിൽ പിടിയിലായ ഷമീം. ഒരു കോടിയോളം രൂപയുടെ സ്വർണമാണ് കടത്താൻ ശ്രമിച്ചത്.

2.64 കിലോ സ്വർണ മിശ്രിതമാണ് ഇയാളിൽ നിന്നും പിടിച്ചെടുത്തത്. കഴിഞ്ഞ രണ്ട് മാസത്തിനിടെ രണ്ടാമത്തെ വിമാനക്കമ്പനി ജീവനക്കാരനാണ് സ്വർണ്ണക്കടത്തിന് പിടിയിലായത്. വിമാനത്തിൽ സ്വർണ്ണവുമായി എത്തിയ യാത്രക്കാരൻ പരിശോധന ഒഴിവാക്കുന്നതിന് വേണ്ടി സ്വർണ്ണം, വിമാനക്കമ്പനി ജീവനക്കാരനായ മുഹമ്മദ് ഷമീമിന് കൈമാറുകയായിരുന്നു. ഇയാൾ മറ്റൊരു ഗേറ്റ് വഴി സ്വർണ്ണം പുറത്തെത്തിച്ച് പുറത്ത് കാത്തുനിൽക്കുന്നവർക്ക് കൈമാറാനായിരുന്നു പ്ലാൻ. സംശയം തോന്നിയ സിഐഎസ്എഫ് ജീവനക്കാരനെ പരിശോധിച്ചപ്പോഴാണ് സ്വർണ്ണക്കടത്ത് തിരിച്ചറിഞ്ഞത്.


 
കോഴിക്കോട് വാഹന പരിശോധനക്കിടെ പോലീസിന് നേരെ ആക്രമണം; 2 പേർ പിടിയിൽ

കോഴിക്കോട്: വാഹന പരിശോധനയ്ക്കിടെ പൊലീസിന് നേരെ ആക്രമണം. കോഴിക്കോട് പൂന്താനം ജംഗ്ഷനിൽ വെച്ച് ഇന്ന് രാവിലെ മൂന്നു മണിയോടെയാണ് സംഭവം നടന്നത്. വാഹനം നിർത്തിയിട്ടത് കണ്ട് സംശയം തോന്നിയ പൊലീസ് ചോദ്യം ചെയ്യുകയായിരുന്നു. അപ്പോഴാണ് ആക്രമണമുണ്ടായതെന്നാണ് പൊലീസ് പറയുന്നത്. തുടർന്ന് കൂടുതൽ പൊലീസെത്തി പ്രതികളെ അറസ്റ്റ് ചെയ്യുകയായിരുന്നു. എസ്‌ഐക്കും പൊലീസ് ഡ്രൈവർക്കും പരിക്കേറ്റു.

കസബ എസ് ഐ അഭിഷേകിനും പൊലീസ് ഡ്രൈവർ സക്കരിയക്കുമാണ് പരിക്കേറ്റത്. സംഭവത്തിൽ രണ്ടുപേരെ അറസ്റ്റ് ചെയ്തു. വിപിൻ, പുതിയാപ്പ സ്വദേശി ശിഹാബ് എന്നിവരെയാണ് അറസ്റ്റ് ചെയ്തത്. സംഭവത്തിൽ എസ്.ഐ അഭിഷേകിന്‌ കൈക്കും സക്കരിയക്ക് തലയ്ക്കുമാണ് പരിക്കേറ്റത്.


Flight attendant Muhammad Shamim  arrested  for Gold Smugling in Karipur