JavaScript is not available.

പിറവം : രാമമംഗലം  കിഴുമുറി ഗവ.എൽ പി സ്കൂളിലെ കുട്ടികളുടെ വരയും കുറിയും മാഗസിൻ എ ഡി പി ഐ  സി എ  സന്തോഷ്  വിതരണോത്ഘാടനം  നിർവ്വഹിച്ചു. മൂവാറ്റുപുഴ വിദ്യാഭ്യാസ ജില്ല ഓഫീസർ  ആർ വിജയ , പഞ്ചായത്ത് പ്രസിഡന്റ് ഇ പി  ജോർജ്   ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ ജിജോ ഏലിയാസ്, വാർഡ് മെമ്പർ  ആലീസ് ജോർജ്,   അധ്യാപക അവാർഡ് ജേതാവ്  ശ്രീനിവാസൻ , എന്നിവരുടെ സാന്നിധ്യം .

ഒന്നാം ക്ലാസിലെ  കുട്ടികളിൽ എഴുത്തും വായനയും ഉറപ്പിക്കാൻ 140 ൽ പരം ഓൺലൈൻ ക്ലാസിലൂടെ ടി ടി പൗലോസ് മാഷ് ഏറ്റെടുത്ത ശ്രമത്തിന്റെ ഫലമായാണ് വരയും കുറിയും മാഗസിൻ രൂപപ്പെട്ടത്. മാഷിന്റെ വേറിട്ട പഠന പ്രവർത്തനങ്ങളിലൂടെ കുട്ടികളിൽ എഴുത്തും വായനയും ഉറപ്പിക്കാൻ സാധിച്ചു. ഇത് പൊതു സമൂഹത്തെ ബോധ്യപ്പെടുത്തുക എന്ന ലക്ഷ്യത്തോടെ നടത്തിയ രണ്ട് ദിവസത്തെ ശില്പശാലയിൽ നിന്ന് രൂപപ്പെട്ടതാണ് വരയും കുറിയും എന്ന ഈ മാഗസിൻ. ഒന്നാം ക്ലാസുകാരുടെ പതിനഞ്ചോളം വ്യവഹാര രചനങ്ങൾ ഇതിൽ കാണാൻ കഴിയും . ഹെഡ്മിസ്ട്രസ് ബിന്ദു , അദ്ധ്യാപക അവാർഡ് ജേതാവ് നൗഫൽ , ടി.ടി പൗലോസ് , മറ്റ് അധ്യാപകർ, അധ്യാപക രക്ഷാകർതൃ സമിതി അംഗങ്ങൾ മാതൃസമിതി അംഗങ്ങൾ , അഭ്യുദയകാംക്ഷികൾ   എന്നിവർ ചടങ്ങിൽ പങ്കെടുത്തു

Work of The kids in the Kizhumuri LP School Released