JavaScript is not available.

കൂത്താട്ടുകുളം:  സ്കൂൾ ലൈബ്രറി നവീകരണ യജ്ഞത്തിന്റെ ഭാഗമായി തിരുമാറാടി വൊക്കേഷണൽ ഹയർ സെക്കണ്ടറി സ്കൂളിൽ ഡിജിറ്റലൈസ്ഡ് ലൈബ്രറി ജില്ല പഞ്ചായത്ത് പ്രസിഡന്റ് ഉല്ലാസ് തോമസ് ഉദ്ഘാടനം ചെയ്തു. എണ്ണായിരത്തോളം  പുസ്തകങ്ങളുള്ള ലൈബ്രറി വിദ്യാഭ്യാസ വകുപ്പുമായി ചേർന്നാണ് ആരംഭിച്ചിട്ടുള്ളത്. ജില്ല പഞ്ചായത്ത് സ്ഥിരം സമിതി ചെയർ പേഴ്സൺ ആശ സനിൽ അധ്യക്ഷത വഹിച്ചു. സ്കൂളിലെ സ്പെഷ്യൽ കെയർ സെന്റർ ഗ്രാമ പഞ്ചായത്ത് പ്രസിഡന്റ് രമ മുരളീധര കൈമൾ ഉദ്ഘാടനം ചെയ്തു. ജില്ല പഞ്ചായത്ത് നൽകിയ ഫർണിച്ചറുകൾ  ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ലളിത വിജയനും, വിദ്യാ കിരണം പദ്ധതിയിൽ പെടുത്തി ലാപ് ടോപ് വിതരണം ഗ്രാമ പഞ്ചായത്ത് വൈസ് പ്രസിഡന്റ് എം.എം. ജോർജും വിതരണം ചെയ്തു . ബാലസാഹിത്യ അവാർഡ് ജേതാവ് ഹരീഷ് ആ നമ്പൂതിരിപ്പാടിനെ പി.ടി.എ പ്രസിഡണ്ട് റ്റി. എ. രാജൻ ആദരിച്ചു. ലൈബ്രറി ഡിജിറ്റലൈസേഷൻ കോ ഓർഡിനേറ്റർ രവികുമാറിനെയും ,വിദ്യാർത്ഥികളെയും ചടങ്ങിൽ വച്ച് ആദരിച്ചു. ഹെഡ് മിസ്ട്രസ് റാണിക്കുട്ടി ടീച്ചർ, പ്രിൻസിപ്പൽ അനു ഏലിയാസ് , ലൈബ്രേറിയൻ എം.ബിന്ദു, എസ്.എം.സി. ചെയർമാൻ ബിജു തറമടം, സി.ആർ.സി. കോർഡിനേറ്റർ ഗീത പി, സ്റ്റാഫ് സെക്രട്ടറി ബിൻസി അഗസ്റ്റിൻ. സീനിയർ അസിസ്റ്റന്റ് സതി ടീച്ചർ എന്നിവർ പ്രസംഗിച്ചു.