JavaScript is not available.

കൊല്ലം∙ സമരത്തിൽ പങ്കെടുക്കാതെ ജോലിക്കു വന്ന 15 അധ്യാപകരെ സമരാനുകൂലികളായ സിപിഎം പ്രവർത്തകർ ക്ലാസ് മുറിയിൽ പൂട്ടിയിട്ടു. കൊല്ലം ചിതറ സർക്കാർ ഹയർ സെക്കൻഡറി സ്കൂളിൽ ജോലിക്കെത്തിയ 15 അധ്യാപകരെ ആണ്  സമരാനുകൂലികളായ സിപിഎം പ്രവർത്തകർ ക്ലാസ് മുറിയിൽ പൂട്ടിയിട്ടത് . പിടിഎ പ്രസിഡന്റും സിപിഎമ്മിന്റെ ലോക്കൽ കമ്മിറ്റി അംഗവും ചിതറ സർവീസ് സഹകരണ ബാങ്ക് ജീവനക്കാരനും മുൻ ചിതറ പഞ്ചായത്ത് അംഗവുമായ എസ്.ഷിബുലാലിന്റെ നേതൃത്വത്തിലാണ് അധ്യാപകരെ പൂട്ടിയിട്ടത്. സ്വന്തം മക്കളെ പഠിപ്പിക്കുന്ന അധ്യാപകരോടാണ്  ഷിബുലാൽ ഇത്തരത്തിൽ മോശമായ രീതിയിൽ പെരുമാറിയത് . 

അധ്യാപകർക്കുനേരെ അസഭ്യവർഷവും നടത്തി. വൈകിട്ട് പുറത്തിറങ്ങുമ്പോള്‍ ‘കാണിച്ചുതരാമെന്ന്’ ഷിബുലാല്‍ അധ്യാപകരെ ഭീഷണിപ്പെടുത്തി. അധ്യാപകർ പോലീസിനെ ഫോൺ ചെയ്തതനുസരിച്ചു  പൊലീസ് സ്ഥലത്തെത്തിയെങ്കിലും ഒരു നടപടിയും സ്വീകരിച്ചില്ലെന്ന് അധ്യാപകർ ആരോപിച്ചു. വൻ പൊലീസ് സന്നാഹം സ്കൂളിനു മുന്നിൽ നിലയുറപ്പിച്ചിട്ടുണ്ട്. സമരക്കാരെ അനുനയിപ്പിച്ചു പിന്നീട് വാതിൽ തുറന്നു കൊടുത്തു എന്നാണ് അറിയാൻ കഴിഞ്ഞത് . എങ്കിലും പോലീസിന്റെ മുന്നിൽ വച്ചും ഷിബുലാൽ വളരെ മോശമായ രീതിയിലാണ് അധ്യാപകരോട്  സംസാരിച്ചത് . സമരക്കാർക്കു ഭരിക്കുന്ന പാർട്ടിയുടെ സഹായം ഉണ്ട് എന്നതും താൻ ഭരിക്കുന്ന പാർട്ടിയുടെ ആളാണ് എന്ന അഹങ്കാരവുമാണ് ഷിബു ലാലിനെ ഇങ്ങനെ ചെയ്യാനും പറയാനും പ്രേരിപ്പിക്കുന്നത് എന്ന ആക്ഷേപം പരക്കെ ഉണ്ട് .  
 

National Strike Protesters locked Teachers inside class room at Chithara kollam

Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു