JavaScript is not available.

തിരുവനന്തപുരം: കുറച്ചു കാലം മുൻപ് വരെ ചർച്ച വിഷയ മായിരുന്നതും സർക്കാരിനെ സമ്മർദ്ദത്തിൽ ആകിയതുമായ വിഷയം ആയിരുന്നു മുട്ടില്‍ മരം മുറി.   മുട്ടില്‍ മരം മുറിക്കേസില്‍ ശക്തമായ നിലപാട് സ്വീകരിച്ച വനംവകുപ്പ് ഉദ്യോഗസ്ഥനെ ഇപ്പോൾ സർക്കാർ  സ്ഥലം മാറ്റി. കണ്ണൂര്‍ സി.സി.എഫ് വിനോദ് കുമാറിനെയാണ് കൊല്ലം സോഷ്യല്‍ ഫോറസ്ട്രി കണ്‍സര്‍വേറ്ററായി സ്ഥലം മാറ്റിയത്. അതേസമയം കേസില്‍ ആരോപണ വിധേയനായ എന്‍.ടി സോജന് സുപ്രധാന ചുമതലയിലേക്ക് മാറ്റവും നല്‍കിയിട്ടുണ്ട്. ഇത് ഈ കേസിനെ അട്ടിമറിക്കാനാണ് എന്ന ആരോപണം ഉയർന്നിട്ടുണ്ട് . 
ഐ.എഫ്.എസ് ഉദ്യോഗസ്ഥനെ രണ്ട് വര്‍ഷത്തിനിടയില്‍ ഒരു തസ്തികയില്‍ നിന്ന് മാറ്റണമെങ്കില്‍ സിവില്‍ സര്‍വീസ് ബോര്‍ഡ് കൂടി തീരുമാനം എടുക്കണമെന്നാണ് ചട്ടം. എന്നാല്‍ അത്തരത്തിലുള്ള നടപടിക്രമങ്ങള്‍ ഒന്നും പാലിക്കാതെയാണ് വിനോദ് കുമാറിനെ താരതമ്യേനെ അപ്രധാനമായ കൊല്ലം സോഷ്യല്‍ ഫോറസ്ട്രി കണ്‍സര്‍വേറ്ററായി സ്ഥലം മാറ്റിയത്.

അതോടൊപ്പം മുട്ടില്‍ മരം മുറിക്കേസില്‍ ആരോപണ വിധേയനായ എന്‍.ടി സാജനെ വളരെ സുപ്രധാനമായ ഒരു തസ്തികയിലേക്ക് മാറ്റിയിട്ടുമുണ്ട്. നിലവില്‍ കണ്‍സര്‍വേറ്ററായ സാജന് ചീഫ് കണ്‍സര്‍വേറ്ററുടെ ചുമതലയാണ് നല്‍കിയിരിക്കുന്നത്. കൊല്ലം ആസ്ഥാനമായ സതേണ്‍ സര്‍ക്കിളിന്റെ തലവനായാണ് നിയമനം നല്‍കിയിരിക്കുന്നത്. ഈ കേസില്‍ ആരോപണ വിധയനായതിനെ തുടര്‍ന്നാണ് കോഴിക്കോട് നിന്ന് കൊല്ലം സോഷ്യല്‍ ഫോറസ്ട്രിയിലേക്ക് മാറ്റിയിരുന്നത്. വകുപ്പ് തല അന്വേഷണത്തില്‍ സാജന്‍ കുറ്റക്കാരനാണെന്ന് വ്യക്തമാക്കുന്ന റിപ്പോര്‍ട്ട് വന്നിരുന്നു.


മുട്ടില്‍ മരം മുറിക്കേസില്‍ ഏറ്റവും ശക്തമായ നിലപാട് സ്വീകരിച്ച ഐ.എഫ്.എസ് ഉദ്യോഗസ്ഥനായിരുന്നു കണ്ണൂര്‍ സി.സി.എഫ് ഡി.കെ വിനോദ് കുമാര്‍. വനം വകുപ്പിന് അകത്ത് നിന്ന് തന്നെ മുട്ടില്‍ മരംമുറി കേസ്‌ അട്ടിമറിക്കാനും മറ്റൊരു കള്ളക്കേസുണ്ടാക്കാനും വേണ്ടി നടന്ന ശ്രമങ്ങളെ കുറിച്ചൊക്കെ ആദ്യം റിപ്പോര്‍ട്ട് നല്‍കിയത് ഡി.കെ വിനോദ്കുമാറായിരുന്നു. എന്‍.ടി സാജന്‍ എന്ന ഉദ്യോഗസ്ഥന്‍ ഈ കേസ് അട്ടിമറിക്കാന്‍ നടത്തിയ ശ്രമങ്ങളും പുറത്തുകൊണ്ടുവന്നത് വിനോദ് കുമാറായിരുന്നു.


Muttil tree felling scam in Wayanad officer transferred





Visum Expresso ഫേസ്ബുക് പേജ്  സബ്സ്ക്രൈബ് ചെയ്യുന്നതിന്  ക്ലിക് ചെയ്യു  
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ   ക്ലിക് ചെയ്യു