കോൺഗ്രസിനെതിരെ തൃശൂർ അതിരൂപതയുടെ ലേഖനം തമ്മിലടിച്ച് ബിജെപിയെ ജയിപ്പിക്കുന്നു എന്നും പേരിൽ ഗാന്ധി ഉള്ളതുകൊണ്ട് വിജയിക്കില്ല എന്നും

BREAKING NEWS

അമ്പും വില്ലും എടുക്കാതെ മൂർച്ചയേറിയ വാക്കുമായി വേടനും അതിൽ വിറളിപിടിച്ചു വേടനെതിരെ ആയുധവുമായി നാട്ടിലെ രാജാക്കന്മാരുടെ കാടൻമാരും.
അറബി നാട്ടിലെ മൃഗീയ പീഡനത്തിനും യാതനകൾക്കും ഇടയിലെ അതിജീവനത്തിൻ്റെ കഥ പറയുന്ന ആടുജീവിതം റിവ്യൂ ബോംബിങ്ങിനെ അതിജീവിച്ചു മുന്നേറുബോൾ അതിലെ ചില കാണാപ്പുറങ്ങൾ പറയാം
അമ്പും വില്ലും എടുക്കാതെ മൂർച്ചയേറിയ വാക്കുമായി വേടനും അതിൽ വിറളിപിടിച്ചു വേടനെതിരെ ആയുധവുമായി നാട്ടിലെ രാജാക്കന്മാരുടെ കാടൻമാരും.
അറബി നാട്ടിലെ മൃഗീയ പീഡനത്തിനും യാതനകൾക്കും ഇടയിലെ അതിജീവനത്തിൻ്റെ കഥ പറയുന്ന ആടുജീവിതം റിവ്യൂ ബോംബിങ്ങിനെ അതിജീവിച്ചു മുന്നേറുബോൾ അതിലെ ചില കാണാപ്പുറങ്ങൾ പറയാം

Kerala

Home / News/ Kerala

Article in Catholica Sabha , Congress flag , Rahul GandhiPhoto Credit : Siju Kuriyedam Sreekumar

കോൺഗ്രസിനെതിരെ തൃശൂർ അതിരൂപതയുടെ ലേഖനം തമ്മിലടിച്ച് ബിജെപിയെ ജയിപ്പിക്കുന്നു എന്നും പേരിൽ ഗാന്ധി ഉള്ളതുകൊണ്ട് വിജയിക്കില്ല എന്നും

By - Siju Kuriyedam Sreekumar -- Monday, April 11, 2022 , 01:10 PM

തൃശൂ‍ര്‍: അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പിൽ ഏറ്റ കനത്ത തിരിച്ചടിയ്ക്കു പിന്നാലെ കോൺഗ്രസിനെ രൂക്ഷമായി വിമര്‍ശിച്ച് തൃശൂര്‍ അതിരൂപത. കോൺഗ്രസ് സ്വയം ശവക്കുഴി തോണ്ടുകയാണെന്നാണ് അതിരൂപതയുടെ വിമര്‍ശനം. പാര്‍ട്ടിയ്ക്കും മുൻ അധ്യക്ഷൻ രാഹുൽ ഗാന്ധിയ്ക്കുമെതിരെ രൂക്ഷവിമര്‍ശമാണ് തൃശൂര്‍ അതിരൂപത മുഖപത്രമായ കത്തോലിക്കാ സഭയിൽ എഴുതിയ ലേഖനത്തിൽ ഉയര്‍ത്തുന്നത്.

നേതാക്കള്‍ തമ്മിലടിച്ച് ബിജെപിയെ സഹായിക്കുകയാണെന്നും പാര്‍ട്ടിയുടെ നേതൃനിരയിലുള്ള രാഹുൽ ഗാന്ധിയുടെ നിലപാടുകള്‍ ഇരട്ടത്താപ്പാണെന്നും അതിരൂപത കുറ്റപ്പെടുത്തി. പേരിൽ ഗാന്ധി എന്നുള്ളതു കൊണ്ടു മാത്രം തെരഞ്ഞെടുപ്പിൽ വിജയിക്കാൻ കഴിയില്ലെന്നാണ് വിമര്‍ശനം. പാര്‍ട്ടിയിലെ കുതികാൽവെട്ടും ഉള്‍പ്പോരും കോൺഗ്രസിനു തന്നെ നാണക്കേടാണെന്നും ലേഖനത്തിൽ വ്യക്തമാക്കുന്നു. കോൺഗ്രസിനു പുറമെ സമാജ് വാദി പാര്‍ട്ടിയ്ക്കും ലേഖനത്തിൽ വിമര്‍ശനമുണ്ട്.

20 കര്‍ഷക സംഘടനകളുടെ നേതൃത്വത്തിൽ നടന്ന കര്‍ഷകസമരം വെള്ളത്തിൽ വരച്ച വരയായെന്നും പഞ്ചാബിൽ ഏകപ്രതീക്ഷ എഎപിയിലെത്തിയെന്നും ലേഖനത്തിൽ പറയുന്നു. പഞ്ചാബിൽ കുത്തക പാര്‍ട്ടിയായ അകാലിദളിനെയും കര്‍ഷകവിരുദ്ധ നയം സ്വീകരിച്ച ബിജെപിയെയും ജനം കൈവിട്ടു. യുപിയിൽ പ്രിയങ്ക ഗാന്ധി വലിയ പരീക്ഷണം നടത്തിയിട്ടും കോൺഗ്രസ് ചിത്രത്തിൽ പോലുമില്ല. പാര്‍ട്ടിയുടെ പരാജയത്തിൻ്റെ കാരണം എല്ലാവര്‍ക്കും അറിയാമെന്നും എന്നാൽ പ്രതിവിധി ഉണ്ടാക്കാൻ ആരും തയ്യാറല്ലെന്നും ലേഖനത്തിൽ പറയുന്നു. യുപിയിൽ ബിജെപി പ്രചാരണത്തിൽ 50 ശതമാനത്തിലേറെ ഹൈന്ദവ വോട്ടുകൾ സമാഹരിച്ചു. മുസ്ലീം വിഭാഗം കോൺഗ്രസിൽ നിന്ന് അകലുകയും ചെയ്തു. ഈ ചേരിതിരിവ് മതേതര സങ്കൽപങ്ങള്‍ക്ക് ഭീഷണിയാണെന്നും ലേഖനത്തിൽ വ്യക്തമാക്കുന്നു.

പഞ്ചാബ് തെരഞ്ഞെടുപ്പിൽ ചരിത്ര വിജയം നേടിയ അരവിന്ദ് കെജ്രിവാളിനെ ലേഖനത്തിൽ പുകഴ്ത്തുന്നുണ്ട്. കേവലം വാഗ്ദാനങ്ങളിൽ ഒതുങ്ങാതെ ഡൽഹിയിൽ അഴിമതി മുക്ത ഭരണം സാധ്യമാക്കിയ അരവിന്ദ് കെജ്രിവാളിനെയാണ് പഞ്ചാബിൽ ജനം തെരഞ്ഞെടുത്തതെന്നാണ് ലേഖനത്തിലെ പരാമര്‍ശം. പരസ്പരം തമ്മിലടിച്ച കോൺഗ്രസ് നേതാക്കളെ ജനം വിശ്വസിച്ചില്ല. തമ്മിലടി അവസാനിപ്പിച്ചില്ലെങ്കിൽ കോൺഗ്രസിനു ഇനി വരാനിരിക്കുന്ന നിയമസഭാ തെരഞ്ഞെടുപ്പുകളിലും ഇതുതന്നെയായിരിക്കും ഫലമെന്നും അതിരൂപത മുഖപത്രം വ്യക്തമാക്കുന്നു.

Thrissur archdiocese mouthpiece against congress and rahul gandhi

Visum Expresso ഫേസ്ബുക് പേജ് സബ്സ്ക്രൈബ് ചെയ്യുന്നതിന് ക്ലിക് ചെയ്യു
Visum Expresso ട്വിറ്റെർ അക്കൗണ്ട് ഫോലോ ചെയ്യാൻ ക്ലിക് ചെയ്യു