JavaScript is not available.

കോട്ടയം ജില്ലാ സമിതി രൂപീകരണവുമായി ബന്ധപ്പെട്ട വാർത്ത.
ശ്രീമഹാദേവൻ്റെ പ്രത്യക്ഷ അവതാരമായി കണക്കാക്കുന്ന ജഗദ് ഗുരു ആദിശങ്കരാചാര്യർ മനുഷ്യ ജന്മത്തിൻ്റെ ആത്യന്തിക ലക്ഷ്യം ആത്മസാക്ഷാത്ക്കാരത്തിലൂടെ ബ്രഹ്മത്തെ അറിയുകയെന്നതാണെന്ന് അദ്ദേഹത്തിൻ്റെ അദ്വൈത സിദ്ധാന്തത്തിലൂടെ  അരുളിചെയ്തു. സ്വയം പ്രകാശിക്കുന്ന ആത്മാവിനെയറിഞ്ഞ് ചിത്തവും ബുദ്ധിയും അറിവിലൂടെ ശുദ്ധി ചെയ്ത് അന്ധകാരത്തെ അകറ്റി ബ്രഹ്മത്തെയറിയണമെന്ന് അദ്ദേഹം ഉപദേശിച്ചു. ആത്മാവ് ശരീരത്തിൽ നിന്ന് വ്യത്യാസപ്പെട്ടിരിക്കുന്നുവെന്നും, ശരീരം ബാഹ്യലോകവുമായി ബന്ധപ്പെടാനുള്ള ഒരു ഉപാധി മാത്രമാണെന്നും, അത് ആത്മാവ് കുടികൊള്ളുന്ന ക്ഷേത്രമാണെന്നും, നമ്മുടെ സ്ഥായിയായ ഭാവം സന്തോഷമാണെന്നും അദ്ദേഹത്തിലൂടെ നാം അറിഞ്ഞു. 

മനുഷ്യൻ്റെ ജീവിത  സാഹചര്യങ്ങളും, ചുറ്റുപാടുകളും പരിവർത്തനത്തിന് വിധേയമായി കൊണ്ടിരിക്കുന്നു. ഭൗതികലോകത്തിൻ്റെ അനിതര സാധാ രണമായ കുത്തൊഴുക്കിൽ പെട്ട്, ഋഷി പരമ്പരകളായി പാരമ്പര്യമായി പകർന്നു നൽകിയ, അനുവർത്തിച്ച് പോന്നിരുന്ന സനാതന ധർമ്മങ്ങളിൽ ശോഷണം സംഭവിച്ചുകൊണ്ടിരിക്കുന്നു. ഈ സാഹചര്യത്തിൽ സനാതന മൂല്യങ്ങൾ പ്രചരിപ്പിക്കുന്നതിനും, ആദിശങ്കര സിദ്ധാന്തങ്ങളും, വേദം, പുരാണം, ഉപനിഷദ് തുടങ്ങിയവയും  ലോകമെമ്പാടുമുള്ള മനുഷ്യരാശിക്ക് മനസ്സിലാക്കി കൊടുക്കുന്നതിനും, ജഗദ് ഗുരുവിൻ്റെ ജന്മദേശമായ കാലടി കേന്ദ്രീകരിച്ച് ആദിശങ്കരാ ഇൻ്റർനാഷണൽ ഫൗണ്ടേഷൻ പ്രവർത്തിക്കുന്നു.

സ്വാർത്ഥ താൽപ്പര്യമില്ലാതെ ലോകനന്മക്ക് വേണ്ടി പ്രവർത്തിക്കുക എന്നതാണ് മനുഷ്യ ജന്മത്തിൻ്റെ ലക്ഷ്യം. ലോകം മുഴുവൻ സുഖമായിരിക്കാൻ പ്രാർത്ഥിക്കുകയും പ്രവർത്തിക്കുകയും ചെയ്യുകയെന്നതാണ് സനാതന ധർമ്മത്തിൻ്റെ, ഭാരത സംസ്ക്കാര ത്തിൻ്റെ പൊരുൾ. ആ ലക്ഷ്യത്തിൽ എത്തി ച്ചേരു ന്നതിനുള്ള യത്നത്തിൽ ലോകമെമ്പാ ടുമുള്ളള്ള തല്പരരായ സജ്ജനങ്ങളെ ഒന്നിച്ചു ചേർത്തു കൊണ്ടുള്ള പ്രവർത്തനത്തിനാണ് ഫൗണ്ടേഷൻ നേതൃത്വം നല്കുന്നത്. ഇതിന്റെ ഭാഗമയി സംസ്ഥാനത്തി നകത്തും പുറത്തും വിദേശ രാജ്യങ്ങളിലും ചാപ്റ്റുകൾ രൂപകരിച്ച് പ്രവർത്തിച്ചു വരുന്നു.
കോട്ടയം  ചാപ്‌റ്ററിന്റെ ജില്ലാ സമിതി രൂപീകരണവും ,അംഗത്വവിതരണവും നാഗമ്പടം ശ്രീശങ്കരപുരം ക്ഷേത്രസന്നിധിയിൽ നടത്തി. കോട്ടയം ചാപ്റ്റർ കോർഡിനേറ്റർ ശ്രീ. ഇ.വി.രാജീവന്റെ അദ്ധ്യക്ഷതയിൽ കൂടിയ യോഗത്തിൽ ആദരണീയനായ ഡോ. പി.വി. വിശ്വനാഥൻ നമ്പൂതിരി അംഗത്വ വിതരണം ഉദ്ഘാടനം ചെയ്തു. ചടങ്ങിൽ ,അറിയപ്പെടുന്ന ഗുരുനാഥനും, പ്രഭാഷകനും ആത്മീയ ആചാര്യനുമായ ഡോ: പി.വി. .വിശ്വനാഥൻ നമ്പൂതിരിയെ ഫലകവും പൊന്നാടയും നല്കി ആദരിച്ചു. വേദങ്ങളെയും വേദാംഗങ്ങളെയും ഉപനിഷത്തുകളേയും പരിചയപ്പെടുത്തുന്ന പ്രഭാഷണ പരമ്പരകൾ ഉൾപ്പെടെ ഫാണ്ടേഷന്റെ പ്രവർത്തനങ്ങൾക്ക് നല്കി കൊണ്ടിരിക്കുന്ന നിസ്തുലമായ സേവനങ്ങളെയും പരിഗണിച്ച് അദ്ദേഹത്തിന് ഫൗണ്ടേഷന്റെ വിശിഷ്ടാംഗത്വം നല്കുക യുണ്ടായി. ഫന്ണ്ടേഷന്റെ രൂപീകരണം മുതൽ നാളിതു വരെയുള്ള പ്രവർത്തനങ്ങൾക്ക്  മഹനീയമായ സംഭാവനകൾ നല്കിയ ശ്രീ.കെ.ജി ഹരിദാസ് അവർകളെയും  ചടങ്ങിൽ ആദരിച്ചു.ജില്ലാ  സമിതിയിലേക്ക്  തിരഞ്ഞെ ടുത്തിട്ടുള്ള അംഗങ്ങളെ അദ്ധ്യക്ഷൻ സദസിന് പരിചയപ്പെടുത്തി. കോട്ടയം ജില്ലയിൽ നിന്നുള്ള അംഗങ്ങൾക്കു പുറമേ കോർഡിനേറ്റർമാരായ ശ്രീമാൻ മാധവൻ നമ്പൂതിരി(കാസർഗോഡ്), മനോജ് കുമാർ(പത്തനംതിട്ട) അഭിലാഷ് വി . നായർ (ഒമാൻ), ഉഷാ അന്തർജനം ( ആലപ്പുഴ) എന്നിവരും പങ്കെടുത്തു. ദീപ പ്രോജ്വല നത്തോടും ശങ്കരസ്തുതിയോടും കൂടി സമാരംഭിച്ച യോഗത്തിന് ഫൗണ്ടേഷൻ സ്ഥാപക മെമ്പർ ആയ ശ്രീ കൃഷ്ണകുമാർ മേ നോൻ സ്വാഗതവും, ഉഷാ അന്തർജനം കൃതജ്ഞതയും പറഞ്ഞു.

ഇ.വി.രാജീവൻ, ജില്ലാ കോർഡിനേറ്റർ, ആദിശങ്കര ഇന്റർനാഷണൽ ഫൗണ്ടേഷൻ , കോട്ടയം ചാപ്റ്റർ

Adi Sankara International Foundation Kottayam Jilla Chapter