JavaScript is not available.

രാമമംഗലം:സത്യസന്ധതയുടെ പീടിക തുറന്നു പുതിയ പാഠം പഠിപ്പിക്കുകയാണ് രാമമംഗലം ഹൈസ്കൂൾ സ്റ്റുഡൻ്റ് പോലീസ് കേഡറ്റ്.മാനവ സമൂഹത്തിന് ഏറ്റവും ആവശ്യം ഉള്ള മൂല്യങ്ങളിൽ ഒന്നായ സത്യസന്ധത സ്വജീവിതത്തിൽ പ്രാവർത്തികമാക്കുകയാണ് ഇവിടുത്തെ കുട്ടിപ്പോലീസുകാർ.
         
        സ്കൂൾ ഓഫീസിന് മുൻപിലാണ് ഹോണസ്റ്റി ഷോപ്പ് തുടക്കം കുറിച്ചത്.സ്കൂളിലെ മുഴുവൻ കുട്ടികൾക്കും ആവശ്യമായ ബുക്ക്, പേന,പെൻസിൽ, ചാർട്ട്, പേപ്പർ മുതലായ എല്ലാ സാധനങ്ങളും ഇവിടെ ലഭ്യമാണ്.കടക്കാരൻ ഇല്ലാത്ത കടയിൽ നിന്ന് കുട്ടികൾക്ക് ആവശ്യമുള്ള സാധനങ്ങൾ എടുക്കാം.സാധനങ്ങളുടെ വില കടയിൽ പരസ്യപ്പെടുത്തി വെച്ചിട്ടുണ്ട്.കുട്ടികൾ എടുക്കുന്ന സാധനങ്ങളുടെ പണം അവിടെ വെച്ചിരിക്കുന്ന പെട്ടിയിൽ ഇടാവുന്നതാണ്.നിരീക്ഷണ ക്യാമറകളോ കടയുടമയോ ഇല്ലാത്ത ഈ കടയിലൂടെ സ്കൂളിലെ കുട്ടികൾ സത്യസന്ധതയെന്ന നല്ല പാഠം പഠിക്കുകയാണ് പരിപാടി കൊണ്ട് ലക്ഷ്യം വെക്കുന്നത് എന്ന് കമ്മ്യൂണിറ്റി പോലീസ് ഓഫീസർ അനൂബ് ജോൺ പറഞ്ഞു.ധാർമിക മൂല്യങ്ങൾ പറഞ്ഞു പഠിപ്പിക്കുക എന്നതിനപ്പുറം സ്വയം അറിഞ്ഞു പഠിക്കുകയാണ് ഇവിടുത്തെ 700 ൽ പരം വരുന്ന കുട്ടികൾ.

        സത്യസന്ധത യുടെ പീടിക രാമമംഗലം ഗ്രാമ പഞ്ചായത്ത് പ്രസിഡൻ്റ് ശ്രീ ഇ പി ജോർജ് ഉത്ഘാടനം ചെയ്തു.പി ടി എ പ്രസിഡൻ്റ് റ്റി.എം തോമസ് അധ്യക്ഷത വഹിച്ച പരിപാടിയിൽ മാനേജർ അജിത്ത് കല്ലൂർ, ഹെഡ്മാസ്റ്റർ മണി പി കൃഷ്ണൻ, കമ്മ്യൂണിറ്റി പോലീസ് ഓഫീസർ മാരായ അനൂബ് ജോൺ,സ്മിത കെ വിജയൻ,അജിഷ് എൻ എ,ലത,ഹരിഷ് ആർ നമ്പൂതിരിപ്പാട്,ജയചന്ദ്രൻ എസ് ,എന്നിവർ പങ്കെടുത്തു.

https://youtu.be/vFIqFpPg2dM



ചിത്രം രമേഷ് കെ എച്ച് / Ramesh K H

Student police cadet open honesty shop at Ramamangalam High School