JavaScript is not available.

കൂത്താട്ടുകുളം  സ്വദേശിയായ ലിജു മാത്യു അതിഭാവുകത്വത്തിൻ്റെ ഗിമ്മിക്കുകളില്ലാതെ സാധാരണക്കാരൻ്റെ ശൈലിയിൽ  എഴുതിയ കല്ലുപെൻസിലുകളും 14 കഥകളും പ്രകാശിതമായി.പോത്തിറച്ചി, അമ്മാമ്മച്ചിയും ഞാനും, ആ യാത്രയിൽ, കല്ലുപെൻസിൽ, പിറന്നാൾ സമ്മാനം, ചാക്കോ മാപ്പിളയുടെ മരണം, കടലമ്മ തുടങ്ങിയ പേരുകളിലാണ് കഥകൾ. തെണ്ണൂറുകളിലെ ജീവിത സാഹചര്യങ്ങളും, ബാല്യത്തിൻ്റെ ആശങ്കകളുമെല്ലാം വായനക്കാരൻ്റെ മനസിൽ തട്ടുന്നതാണ് 15 കഥകളും. പുസ്തകവായന തീരെയില്ലാത്തയാളായിരുന്നു കൂത്താട്ടുകുളം പുളിയനാനിക്കൽ ലിജു. ലൈബ്രറി പ്രവർത്തകനായ സഹോദരൻ ലിനു മാത്യു നിർബന്ധിച്ചു നൽകിയ ഒന്നു രണ്ട് പുസ്തകം വായിച്ച ശേഷമാണ് തൻ്റെ മനസിലും ഇത്തരം കഥകൾ ഉണ്ടല്ലോ എന്ന തോന്നലുണ്ടായത്.ചെറുപ്പം മുതൽ സ്വന്തം ജീവിതത്തിൽ ഉണ്ടായ ചെറിയ സംഭവങ്ങൾ കുറിച്ചു വച്ച് കഥ രൂപത്തിലാക്കുകയായിരുന്നു. അവൾ എന്ന പേരിൽ ഒരു നോവലും എഴുതിയിട്ടുണ്ട്. കാക്കൂർ ഗ്രാമീണ വായനശാലയിൽ നടന്ന ചടങ്ങിൽ പഞ്ചായത്ത് പ്രസിഡൻ്റ് രമ മുരളീധര കൈമൾ ബാലസാഹിത്യകാരൻ ഹരീഷ് ആർ നമ്പൂതിരിപ്പാടിന് പുസ്തകം കൈമാറി പ്രകാശനം ചെയ്തു.വായനശാല പ്രസിഡൻ്റ് കെ പി അനീഷ് കുമാർ അധ്യക്ഷനായി. വായനശാല പഞ്ചായത്ത് നേതൃസമിതി പ്രസിഡൻ്റ് അനിൽ ചെറിയാൻ, പഞ്ചായത്തംഗങ്ങളായ സന്ധ്യ മോൾ പ്രകാശ്, എം സി അജി, കെ കെ രാജ് കുമാർ, ബീന ഏലിയാസ്, വായനശാല/ സെക്രട്ടറി വർഗീസ് മാണി, എഴുത്തുകാരൻ ലിജു മാത്യു, ലൈബ്രറേറിയൻ ബീന ജോസ്, ലിനു മാത്യു, പ്രസാദ് പുഞ്ചക്കര, എൽദോ ജോൺ എന്നിവർ സംസാരിച്ചു.

Liju Mathew's book Kallupencililum 14 Kathakalum book has been released