JavaScript is not available.

അഫ്ഗാനിസ്ഥാൻ താലിബാൻ കീഴടക്കിയതിനെ  തുടർന്ന് ഉണ്ടായ ആഭ്യന്തര യുദ്ധത്തിൽ എല്ലാം ഇട്ടെറിഞ്ഞു ഉറ്റവരെയും ഉടയവരെയും മറന്നു സ്വന്തം ജീവൻ രക്ഷിക്കാൻ പെടാപാട് പെട്ട് കിട്ടിയതും കൊണ്ട് പ്ലെയിനിന്റെ ചക്രത്തിൽ വരെ തൂങ്ങിക്കിടന്നു രാജ്യം വിടാൻ നോക്കിയ ജനതയെ നാം കണ്ടു . അപ്പോൾ എല്ലാവരും മുദ്ര കുത്തി  രാജ്യസ്നേഹം ഇല്ലാത്ത സ്വന്തം ബന്ധം എന്നൊന്ന് ഇല്ലാത്ത ഒരു ജനത ആണ് അഫ്ഗാൻ എന്ന് . മനുഷ്യന് മാംസത്തിന്റെ വില പോലും കൽപ്പിക്കാത്ത ജനത ആണ് എന്നും .   വെറും ഇരുപതിനായിരം മാത്രം  വരുന്ന കൃത്യമായ ട്രെയിനിങ് ഇല്ലാത്ത താലിബാനെ എതിരിടാൻ  ഒരു വിരൽ പോലും അനക്കാതെ അടിയറവുപറഞ്ഞ ലക്ഷക്കണക്കിന് വരുന്ന ജനത . സ്വന്തം അമ്മ പെങ്ങമാരേ പിച്ചി ചീന്താൻ ഇട്ടെറിഞ്ഞു കൊടുത്ത ജനത , സ്ത്രീകൾക്ക് ഒട്ടും തന്നെ വില കൽപ്പിക്കാത്ത , സ്ത്രീകളെ പുരുഷന്മാരുടെ സുഖഭോഗങ്ങൾക്കു ഉള്ള ഒരു ഉപകരണമായി മാത്രം കാണുന്ന കുറെ ആളുകൾ തിങ്ങിപ്പാർക്കുന്ന സ്ഥലം . സ്ത്രീകൾക്ക് സ്വാതന്ത്ര്യം എന്നതുപോയിട്ടു പുറംലോകം വിദ്യാഭ്യാസം എന്നതെല്ലാം നിഷേധിക്കുന്ന ഭരണകൂടം ഉള്ള രാജ്യം  എന്നൊക്കെ വിശേഷണം ഉള്ള അഫ്ഗാൻ  ജനത .

ആത്മവിശ്വാസം ഇല്ലാത്ത വിദ്യാഭ്യാസം നേരെ കിട്ടാത്ത ഒരു ജനത ആണ് അഫ്ഗാൻ ജനത . അവരെ  എഴുതി തള്ളേണ്ടവർ അല്ല . മുന്നിൽ നിന്ന് നയിക്കാൻ നല്ല ഭരണകർത്താക്കൾ ഉണ്ടായാൽ ഒരു നല്ല രാജ്യം തന്നെ കെട്ടിപ്പടുക്കാൻ പ്രാപ്തി ഉള്ള ജനത ആണ് അവർ . ഇപ്പോഴും മനുഷ്യത്വം ഉള്ളവർ അവിടെ ഉണ്ട് എന്നും ചിലർ ചെയ്‌തതിന്റെ പേരിൽ എല്ലാവരെയും അടച്ചാക്ഷേപിക്കരുത് അല്ലെങ്കിൽ മുദ്രകുത്തരുത് എന്നാണ്  ഇപ്പോൾ അഫ്ഗാനിൽ നിന്ന് വരുന്ന വാർത്തകളിൽ നിന്നും  വീഡിയോകളിൽ നിന്നും മനസിലാക്കാൻ പറ്റുന്നത് .ഭരണ കർത്താക്കൾ മാറിയോ എന്നതിനേക്കാൾ ജനങ്ങൾ മാറാൻ ആഗ്രഹിക്കുന്നുണ്ട് എന്നാണ് ഇതിൽ നിന്നെല്ലാം മനസിലാകുന്നത് . 

   ഭൂമികുലുക്കത്തിൽ ആയിരക്കണക്കിന് ആളുകൾക്ക് ജീവൻ നഷ്ട്ടപെട്ടു നൂറുകണക്കിന് ആളുകൾക്ക് കിടപ്പാടം നഷ്ട്ടപെട്ടു ഇനി എന്ത് ചെയ്യണം  എന്ന് അറിയാതെ ഭരണകർത്താക്കൾ പകച്ചു നിൽക്കുന്ന അവസ്ഥ .തോക്കു കൊണ്ട് മാത്രം കാര്യങ്ങളെ നേരിടുന്ന ഭരണ കർത്താക്കൾക്കു  രക്ഷാ പ്രവർത്തനത്തിനും ഭക്ഷണത്തിനും വെള്ളത്തിനും എന്ത് ചെയ്യണം എന്നറിയാതെ നാലുപാടും തപ്പിത്തടയുന്നു .  അത്തരം സാഹചര്യങ്ങളെ എങ്ങിനെ തരണം ചെയ്യണം എന്ന് പോലും അറിയാത്ത ഭരണ കർത്താക്കൾ ആണ്  എന്ന് പൂർണബോധ്യം ഉള്ള  ജനത  അവരുടെ രക്ഷക്കായിസ്വയം ഇറങ്ങി തിരിച്ചിരിക്കുകയാണ്   . പലസ്ഥലങ്ങളിലും ചെറിയ ഡോനെഷൻ  ബോക്സ് വച്ചിട്ടുണ്ട്  അതിൽ പറ്റുന്നപോലെ പറ്റുന്ന തുക ഇടാം അത് അവിടെ ഭൂമികുലുക്കത്തിൽ ഉറ്റവരെ നഷ്ട്ടപെട്ടവർക്കു , കിടപ്പാടം നഷ്ട്ടപെട്ടവർക്കു അല്ലെങ്കിൽ കഷ്ടതകൾ  അനുഭവിക്കുന്നവർക്ക് കൊടുക്കാൻ ഉള്ളതാണ് എന്ന് അതിൽ എഴുതിയിട്ടുണ്ട് . ആ പ്ലാസ്റ്റിക് ബോക്സ്ഉകൾക്കു പൂട്ടോ താക്കോലോ  ഇല്ലാ അതിൽ ഉള്ള തുകയും കാണാം . എന്നിട്ടും ആരും അത് കട്ടുകൊണ്ട് പോകുന്നില്ല കാരണം കാലം അവരെ പലതും പഠിപ്പിച്ചു . 

അത്തരം ഒരു ഡോനെഷൻ ബോക്സിൽ അഫ്ഗാനിസ്ഥാനിലെ നംഗർഹാർ എന്നസ്ഥലത്തു ഒരു തെരുവ് ബാലൻ തന്നാലാവുന്ന പൈസ നിക്ഷേപിക്കുന്നതാണ് ചിത്രത്തിൽ ഉള്ളത് . ദിവസവും തെരുവിൽ ജോലി ചെയ്താൽ കിട്ടുന്ന തുക കൊണ്ട് അവനു നാലു വയറു നിറക്കാൻ കൊടുക്കണം കൂടാതെ അവരുടെ ദൈനംദിനം ആവശ്യങ്ങൾക്കും വേണം . അതിൽ നിന്ന് മിച്ചം പിടിച്ച തുകയിൽ നിന്നാണ് അവൻ അതിലേക്കു നിക്ഷേപിക്കുന്നത് . ഇത്തരം അനേകം കാഴ്ചകളാണ് ഇപ്പോൾ അവിടെ നിന്ന്  പ്രാദേശിക റിപോർട്ടർമാർ റിപ്പോർട്ട് ചെയുന്നത് . അഫ്ഗാനിസ്ഥാനിലെ നംഗർഹാർ എന്നസ്ഥലത്തു നിന്നും നാദിയ മൊമന്ദ് എന്ന വനിതാ റിപ്പോർട്ടർ ആണ്   ഈ ഫോട്ടോ നമുക്ക് ഷെയർ ചെയ്തത് . 

അഫ്ഗാനിസ്ഥാനിൽ ഭൂമികുലുക്കത്തിൽ ഉറ്റവരും ഉടയവരും നഷ്ട്ടപെട്ട ബാലികമാരും വയസായവരും ഇനിയെന്തു എന്ന് പകച്ചു നിൽക്കുമ്പോൾ അവരെ സഹായിക്കാൻ ഒരുകൂട്ടം നല്ല മനസുകളാണ് ഇത്തരം ഒരു സംരഭവുമായി എത്തിയത് .
 
Photo Credit  Nadia Momand ,  Nangarhar  ,Afghanistan 

A photo showcasing humanity and brotherhood : Afghanistan